1 Kɔrintebi 16:1 - EBƆRƐ BE KAWƆL

¹ To, naniere men shin nɛ an keni keto toto n sa Ebɔrɛ be basa na be asheŋ to. Men baa wora kananɛ ŋ kaŋɛ Galeeshaebi be asɔriana fanɛ b baa wora na.

1 Kɔrintebi 16:1 ပူးပေါင်းရင်းမြစ်များ

Ashuŋ Shunso 11:28

Bumo to be eko e daa la Agabes, mo e daŋ bɔla Kiyoyu Cheeŋ na be eleŋ to n wu ŋ kaŋɛ fanɛ akoŋgboŋ beeŋ tɔr durnya kikɛ to. Ewurgboŋ Klawdias be jemanɛ na nɛ akoŋgboŋ na daŋ tɔr.

Ashuŋ Shunso 11:30

B ka wora toto na n loge nɛ b ta amansherbi na n shuŋi Baanabas nɛ Sɔɔl nɛ b ya sa ndoŋ be asɔriebi be benimuana na.

Ashuŋ Shunso 16:6

B ka naŋ lar Listra nɛ b bɔla Frijia nɛ Galeesha be efuliana so be egbaŋ to, ŋkpal manɛ so, Kiyoyu Cheeŋ na daa maŋ shin nɛ b bɔ kubɔya na ashi Eeshia be efuli so.

Ashuŋ Shunso 18:23

E ka ya wora nchɛnnyɔ ndoŋ nɛ e lar ndoŋ m bɔla Galeesha nɛ Frijia be efuliana so be egbaŋ to a leŋ beyirdapoana na kikɛ to.

Ashuŋ Shunso 24:17

Ŋ ka lar Jerusalɛm kumo be nfɛ damta nde kabre, nɛ n naŋ bɛta n ta amansherbi nɛ n ya kɛ ma basa nseŋ lara sarga.

Ashuŋ Shunso 9:13

Nɛ Ananiyas kaŋɛ: “Enyɛnpe, basa damta kaŋɛ ma kanyɛn ere be asheŋ fanɛ kananɛ e tɔrɔ fo basa ashi Jerusalɛm.

Ashuŋ Shunso 9:41

Nɛ Pita pɛ mbe enɔ to n chɛ mo to nɛ e niŋi to nseŋ tre beyirdapo na nɛ bekulpocheana na m ba ta mo ŋkpa to m bɔɔ bumo enɔ.

Romebi 12:13

Men baa barga menyi be asɔ to a sa bekurgepoana nɛ b maŋ kɔ nsaa bugi menyi be nwu a sa bekurgepo nɛ b la befɔ.

1 Kɔrintebi 11:34

Ekama nɛ akoŋ kɔ, amodoŋwura e ji epe, saŋɛ na so, men baŋ ba shɛr abar so, kumo be lalaloge maaŋ bar kasogberge. To, asheŋ nɛ a ka na bre, ŋ kaŋ ba, meeŋ ŋini menyi amo alɛ be afito.

1 Kɔrintebi 16:15

Bekurgepoana, men nyi fanɛ Stɛfanas nɛ mbe kowu to ebi e la bekurgepo juŋkparsoana ashi Akaya be kasawule so, bumo alɛ ta bumo be amu kikɛ nna a shuŋ Ebɔrɛ be basa laraso.

1 Kɔrintebi 4:17

Ŋkpal loŋ so, mee shuŋi Timoti men kutɔ nna. E la m pibi shaso nna nɛ esa nɛ meeŋ tiŋ n yirda ashi Enyɛnpe be kaplɛa so. E beeŋ nyiŋi menyi kananɛ ma kebaawɔtɔ du ashi Kristo Yesu to fanɛ kananɛ mee ŋini amo kaplɛkama ashi asɔri kama to na.

Galeeshaebi 1:2

Bekurgepoana nɛ b wɔ nfe ere kikɛ na gba ti kawɔl ere be kasibɛ be asheŋ to so a chɔrɔ menyi.

Galeeshaebi 2:10

Kusɔ nɛ b daŋ baŋ kaŋɛ n ti so e la fanɛ an baa kraa chɛ betirpo to, loŋ malɛ gbagba nɛ n daa baŋ pere kenishi a wora.

Failimɔn 1:5

Ŋkpal manɛ so, mee nu kasha nɛ yirda nɛ men kɔ a sa Enyɛnpe Yesu nɛ beyirdapoana na kikɛ be asheŋ.

Failimɔn 1:7

Ekurgepo, kasha nɛ fo kɔ na leŋ ma to ga n shin nɛ ma kagbene fuli ma ga, ŋkpal manɛ so, fo leŋ beyirdapoana na to.

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.

1 Jɔn 3:17

Ama esa kama nɛ e kɔ durnya ere to be asɔ nseŋ wu fanɛ mo niopibi daga kechɛto, mo alɛ nseŋ ti mbe kagbene a maŋ chɛ mo to, nuso nɛ Ebɔrɛ be kasha bee wora a chena esa na wura to?