1 Kɔrintebi 15:58 - EBƆRƐ BE KAWƆL

⁵⁸ Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

1 Kɔrintebi 15:58 ပူးပေါင်းရင်းမြစ်များ

2 Kronikɛls 15:7

Ama menyi ere e baa kɔ eleŋ nsaa maa pɔ aba ŋkpal manɛ so menyi be kushuŋ nɛ menyee wora na beeŋ bar tɔnɔ.”

Nehemaya 6:4

Ale ana nɛ b kela n tre ma, ama saŋkama kamalga koŋwule na nɛ ma alɛ bee kaŋɛ bumo.

Nshɛ 112:6

Shɛŋ maaŋ tiŋ n chɛrga bumo be kesheŋ wora; basa malɛ maaŋ teŋ bumo be alelasheŋ so kikɛ.

Nshɛ 19:11

Enyɛnpe be mbra na bee kpele basa kusoe nna. Basa nɛ baa bɛ amo so bee nya tɔnɔ gboŋgboŋi nna.

Nshɛ 55:22

Enyɛnpe Ebɔrɛ, an la fo basa nna nsaa kaŋɛ fo asheŋ nɛ a tir anyi. Fo alɛ maaŋ shin nɛ an kɔ n tɔr.

Nshɛ 73:13

Manɛ be tɔnɔ nɛ n nya ashi ma kebaakɔ nfɛra lela, nɛ kekini kewora asheŋ lubi to bre?

Nshɛ 78:37

B daa maa ji kashenteŋ a sa mo; bumo alɛ daa maa bɛ mo nɛ bumo be kɔnɔkoŋwule be ŋkre so.

Nshɛ 78:8

Bumo ere maaŋ baa du fanɛ bumo nanaana nɛ b daŋ lar Ebɔrɛ kaman nseŋ kini kewora mo kasonu, nɛ bumo be yirda ashi Ebɔrɛ to daa maa yil to kpakpa, nɛ b maŋ ji kashenteŋ n sa mo na.

Aŋasa 21:21

Esa kama nɛ e bee wora asheŋ nɛ a niŋi nsaa sha basa bee yɔ anishito nna, nsaa nya kemaŋkura nɛ kebaawɔtɔ lela.

Maak 3:3

Nɛ Yesu kaŋɛ enɔwusowura na: “Koso m ba anishito nfe.”

Luuk 19:19

Nɛ enyɛnpe na kaŋɛ mo alɛ le: ‘N sa fo alɛ nde anu nɛ fo baa keni so.’

1 Kɔrintebi 16:10

Timoti kaŋ ba, men keta mo nɛnɛ nsaa maŋ shin nɛ kufu e pɛ mo fanɛ efɔ, ŋkpal manɛ so, mo alɛ gba bee shuŋ Enyɛnpe na be kushuŋ nna fanɛ ma.

1 Kɔrintebi 3:8

Esa nɛ e bee duu nɛ emo nɛ e bee wurge so nchu na kikɛ sasa nna. Kananɛ ekama malɛ bee shuŋ mbe kushuŋ so nɛ baaŋ yili ŋ ka mo kukɔ.

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

Galeeshaebi 4:11

Men be asheŋ bee ku ma kagbene nna nɛ mee fɛ fanɛ shere ŋ gben menyi so jiga nna na.

Galeeshaebi 6:9

Amoso, men sa maŋ shin nɛ kelela be kewora e baa gben menyi, ŋkpal manɛ so, nɛ an baa maŋ pɔ aba nsaa kɔ to loŋ, kachako anyeeŋ nya kelela be kewora be asɔ.

Filipaiebi 1:11

Nɛ menyi alɛ baa wɔ loŋ be kebaawɔtɔ to, kashenteŋ be edalelasheŋ nɛ a shi Yesu Kristo nawule kutɔ e naaŋ bɔlɔ menyi to nɛ basa e ta kemaŋkura nɛ epaŋ be kedi n sa Ebɔrɛ.

Filipaiebi 1:9

Ma kabɔrɛkule nɛ mee kule a sa menyi e la fanɛ Ebɔrɛ e shin nɛ men be kasha e baa wora keshi a ti so ashi kashennyi nɛ kenya lakal ashi asheŋ to to.

Filipaiebi 2:16

nsaa kɔ ŋkpa be kamalga na to kpakpa. Loŋ malɛ e naaŋ shin nɛ n ji njɔŋ kachɛ nɛ Kristo beeŋ naŋ bɛta m ba na nɛ loŋ malɛ e ŋini fanɛ m maŋ shile kebɛso na to jiga ŋko m pere kenishi n shuŋ jiga.

Filipaiebi 2:30

E daŋ ta mbe kumu nna a sha kesa ma kechɛto nɛ menyi ere gbagba daa maaŋ tiŋ n sa ma.

Filipaiebi 4:17

Mannɛ fanɛ mee sha kechɛto nna so nɛ mee malga le ere, ama nɛfa nɛ mee sha fanɛ Ebɔrɛ e ta n ti menyi so so.

Kɔlɔsiebi 1:23

Kananɛ Yesu Kristo beeŋ yɛr menyi Ebɔrɛ kutɔ nna na, nɛ men baŋ yirda baru lela na a maa chɛrga men be ŋgbene nsaa tama asɔ nɛ men nu baru lela na to nna na. Baru lela na nɛ baa malga a sa basa kama nɛ ma Pɔɔl gba ki kumo be emalgapo na.

Kɔlɔsiebi 2:5

M baa maa wɔ menyi kutɔ geeŋ, ama men be asheŋ wɔ ma kagbene to ga. Ma kagbene malɛ fuli ma ga ŋkpal ŋ ka nyi men ka kɔ men be amu nɛnɛ nsaa yirda Yesu Kristo na kagbene koŋwuleso.

Kɔlɔsiebi 2:7

a yil fanɛ kananɛ nliŋi bee pɛ ndibi to a yil na ŋ kraa pin mbe asheŋ a ti so m baa yirda kashenteŋ na kikɛ nyam, fanɛ kananɛ b ŋini menyi na nɛ men baa wɔtɔ a chɔrɔ Ebɔrɛ.

1 Tɛsalɔnikaebi 1:3

Ŋkpal manɛ so, an baa kule anyi be Ebɔrɛ Etuto na, anyee nyiŋi kananɛ men ta men be yirda a shuŋ kushuŋ nɛ kananɛ men be kasha shin nɛ men mɔ men be amu a shuŋ. Anyee kaa nyiŋi kananɛ men kɔ tama kpakpaso an Nyɛnpe Yesu Kristo so ashi an be Ebɔrɛ Etuto na be anishito.

1 Tɛsalɔnikaebi 3:12

Enyɛnpe na e shin nɛ men be abar be kasha nɛ basa kikɛ be kasha e baa wora keshi menyi to a ti so n ya fo kananɛ anyee sha menyi na.

1 Tɛsalɔnikaebi 3:3

Menyi alɛ gba nyi fanɛ etɔrɔ na gba la asɔ nɛ Ebɔrɛ yili fanɛ a wora nna.

1 Tɛsalɔnikaebi 3:5

Amoso, nɛ m ba gben n shuŋi Timoti nɛ e ya keni ŋko men kraa kɔ men be yirda na to ŋko Setani chɔ menyi ŋ keni n shin nɛ an be kushuŋ ki kushuŋ fuloŋ a.

1 Tɛsalɔnikaebi 4:1

Bekurgepoana, an shin nɛ men pin kebaawɔtɔ nɛ k bee par Ebɔrɛ. Loŋ malɛ be kebaawɔtɔ to nɛ men chɛr a wɔ to na, ama anyee kule menyi Enyɛnpe Yesu be ketre to fanɛ men pere kenishi n nya kebaawɔtɔ nɛ k bee par Ebɔrɛ saŋkama a ti so.

2 Tɛsalɔnikaebi 1:3

Bekurgepoana, a daga an ka bee chɔrɔ Ebɔrɛ saŋkama ŋkpal menyi so. An kɔ ekpa nɛ an chɔrɔ mo ŋkpal kananɛ men be yirda bee wora keshi a ti so so. Kananɛ men be ekama bee sha mo braana na gba bee ti so.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Hibruwebi 13:21

Kagbenewushi be Ebɔrɛ na e shin nɛ kusɔ lela kama nɛ k walɛ keta n shuŋ mbe kushuŋ na e bɔla menyi to. Ma alɛ naa kule mo fanɛ e bɔla Kristo so n wora kusɔ nɛ k bee par mo ashi anyi to. Kemaŋkura e baa la Yesu Kristo na peya mbaanaayɔ. Amɛn.

Hibruwebi 3:14

Ŋkpal manɛ so, nɛ an baa kɔ anyi be sososo be tama na to kpakpa n ya fo ekar, kumo ere anyi nɛ Kristo e kɔ kachige koŋwule.

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.

2 Pita 3:14

Amoso, n teri shasoana, ŋkpal men ka bee keni le be kesheŋ ere ekpa so, men baa wora ania ga a la basa nɛ Ebɔrɛ maaŋ wu kulubi bumo so nɛ b maŋ kɔ saŋgre kikɛ nɛ menyi nɛ mo malɛ e naa kɔ kagbenewushi abar so.

Ruf be kawɔl 1:18

Nawomi ka wu fanɛ Ruf baŋ yili kumo mbe kagbene to nna fanɛ e beeŋ tu mo n yɔ na nɛ e yige kebaakaŋɛ mo fanɛ e bɛta a yɔ epe.