1 Kɔrintebi 15:57 - EBƆRƐ BE KAWƆL

⁵⁷ Ama anyee chɔrɔ Ebɔrɛ ga ŋkpal manɛ so, mo e naa bɔla an Nyɛnpe Yesu Kristo so a shin nɛ anyee kɔ a pɔɔ so.

1 Kɔrintebi 15:57 ပူးပေါင်းရင်းမြစ်များ

2 Bewura 5:1

Kanyɛn ko e daa wɔtɔ nɛ baa tre mo Neeman nɛ e daa la Siriya be benapo be enimu, nɛ Siriya be ewura daa sa mo bunyaŋ ga; ŋkpal Enyɛnpe Ebɔrɛ ka daŋ bɔla mo so n shin nɛ Siriyaebi be benapo daŋ kɔ m pɔɔ bumo doŋana so so. E daa nyi kena be kekɔ a chɔ ekama ama mo alɛ daa lɔ keboti nna.

1 Kronikɛls 22:11

Kumo be kaman nɛ Deevid yɛ: “M pibinyɛn Sɔlɔmɔn, Enyɛnpe fo Ebɔrɛ na e baa wɔ fo kutɔ n shin nɛ kɔnɔ nɛ e nase fanɛ e beeŋ chɛ fo to nɛ fo pɔr bɔrɛlambu n sa mo na e bɔlɔ so.

Nshɛ 98:1

Men boŋ kashɛ popɔr n sa Enyɛnpe Ebɔrɛ na! Mo e ta mbe enɔ lempo cheembi na n wora emamachisheŋ ŋ kɔ m pɔɔ so na.

Aŋasa 21:31

Kanaŋkama so nɛ fo bela ase; hale nɛ fo kena to be egbaŋɛ nɛ benapo wora shiriya gba, Enyɛnpe Ebɔrɛ na e naŋ pɔɔ so.

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Ashuŋ Shunso 27:35

Pɔɔl ka malga le n loge nɛ e ta bodobodo n di Ebɔrɛ epaŋ bumo kikɛ be anishito nseŋ bu kumo to n fara a we.

Romebi 7:25

Mee chɔrɔ Ebɔrɛ ga fanɛ mo e naaŋ bɔla an Nyɛnpe Yesu Kristo so m mɔlga ma. Kusɔ nɛ k baa wɔtɔ kikɛ nde fanɛ ma ere gbagba be nfɛra to n la Ebɔrɛ be mbra na be kenya nna, ama ma kagbene lubi ere bre to n la kulubi be mbra be kenya nna.

Romebi 8:37

Kashenteŋto, shɛŋ maaŋ tiŋ n lara mbe kasha ashi anyi so. Kusɔ kama malɛ kikɛ to an bɔla emo nɛ e daŋ sha anyi na so nna a kɔ eleŋ kusɔ kikɛ so.

1 Kɔrintebi 15:51

Men keni nɛ ŋ kaŋɛ menyi wulo to be kesheŋ ko fanɛ mannɛ anyi kikɛ e naaŋ wu, ama anyi kikɛ beeŋ chɛrga.

2 Kɔrintebi 1:11

nɛ menyi alɛ e baa ta men be kabɔrɛkule a kule a chɛ anyi to. Ebɔrɛ malɛ beeŋ nu men be kabɔrɛkule damta nɛ menyee kule a sa anyi na n nɛfa anyi nɛ k shin nɛ basa damta e bugi bumo be nnɔ n di Ebɔrɛ na epaŋ ŋkpal anyi so.

2 Kɔrintebi 2:14

Ama anyee chɔrɔ Ebɔrɛ ga, ŋkpal manɛ so, mo e naa shin nɛ anyee tu Kristo a nite kekɔmpɔɔso be ekpa so nseŋ naa bɔla anyi so a shin nɛ Kristo be kenyi bee sɔ kaplɛkama fanɛ efɛa belbelso na.

2 Kɔrintebi 9:15

Anyee chɔrɔ Ebɔrɛ ga ŋkpal mbe kakɛ gboŋgboŋi nɛ esa maaŋ tiŋ n ji kumo be asheŋ ere so.

Ɛfesesebi 5:20

Saŋkikɛ men baa chɔrɔ Ebɔrɛ Etuto na ŋkpal kusɔ kikɛ so ashi an Nyɛnpe Yesu Kristo be ketre to.

Hibruwebi 2:14

Kumo alɛ ŋkpal basa na ka kɔ dimɛdi be eyur nɛ ŋklaŋ na so mo gbagba sɔ bumo be kapɔr koŋwule na nna, saŋɛ na so e beeŋ bɔla luwu to m mur esa nɛ e kɔ luwu be eleŋ na. Mo e la Setani na.

Kelaraŋŋini 12:11

Kpakpafɔlbi na be ŋklaŋ na nɛ bumo be shɛda be kamalga na nɛ b ta m pɔɔ mo so, ŋkpal manɛ so, b daa maŋ sha bumo be amu ga hale saŋɛ nɛ b daa shin nɛ b luri luwu to gba na.

Kelaraŋŋini 21:4

E beeŋ kpra anishichubi kikɛ ashi bumo be anishito, luwu maaŋ naa wɔtɔ, luwu so be kagbenejija nɛ kushu maaŋ naa wɔtɔ, ebesa malɛ gba maaŋ naa wɔtɔ, ŋkpal manɛ so, amo be saŋɛ nɛ sososo be asheŋ kikɛ beeŋ choŋ.”