1 Kɔrintebi 15:42 - EBƆRƐ BE KAWƆL

⁴² To, kananɛ k beeŋ baa du saŋɛ nɛ bubuni bee tiŋi ashi luwu to nna na. Eyur mo nɛ baa ta a puli na la kusɔ nɛ k bee bɛ nna, kumo nɛ Ebɔrɛ bee tiŋi ashi luwu to na bre maa bɛ.

1 Kɔrintebi 15:42 ပူးပေါင်းရင်းမြစ်များ

Jɛnesis 3:19

Kashenteŋto feeŋ baa nyɛa kebleŋ damta nna pɔɛŋ nsaa ji, hale loŋ nɛ fo naŋ ya bɛta n yɔ shishɛr to, ŋkpal manɛ so, shishɛr na nɛ b ta n pɔr fo. Fo la shishɛr nna, amo alɛ to nɛ feeŋ naŋ bɛta n yɔ.”

Job be kawɔl 17:14

Kumo be kaman nɛ n ta nchaŋ n tre n tuto, nseŋ ta ashushombi nɛ e beeŋ ji ma na n tre n nio nɛ n sipocheana.

Nshɛ 16:10

Ŋkpal manɛ so, fee kuŋ ma ashi luwu to. Fo maaŋ shin nɛ fo kenya e luri nchaŋ to; ŋko n shin nɛ fo esa cheembi e wu m bɛ.

Nshɛ 49:14

B du fanɛ mbolpɔ nna nɛ luwu bee kpa bumo a yɔ bumo be nchaŋ to. Ebɔrɛ be basa e naŋ ji bumo so kuwura chipurso nɛ bumo be eyurana e baa dese nchaŋ to a bɛ.

Nshɛ 49:9

nseŋ nya a wɔ ŋkpa to mbaanaayɔ; ŋko nɛ e maaŋ wu kikɛ.

Aizaaya 38:17

Ma nɛnɛ so nɛ fo shin nɛ asheŋ kpakpaso ere tu ma. Ama fo kasha kuŋ ma, nɛ m maŋ wu n yɔ bubuni to. Fo alɛ kpele fo anishi n lɛ ashi ma alubi so.

Danɛl 12:3

Ekama nɛ e kɔ kanyiasheŋ beeŋ baa nyɛkpɛ fanɛ epeŋi ashi awɔlpa to. Bekama malɛ nɛ b ŋini basa damta asheŋ nɛ a niŋi be kewora, beeŋ ba nyɛkpɛ fanɛ achɛkpabi mbaanaayɔ.”

Matiu 13:43

Saŋɛ na so nɛ Ebɔrɛ malɛ be basa wɔ bumo Tuto be kuwura to a nyɛkpɛ so fanɛ epeŋi na. To, fo nɛ fo kɔ asoe, fo nu.”

Ashuŋ Shunso 2:27

Ŋkpal manɛ so, fo Ebɔrɛ maaŋ shin nɛ n wu nɛ ma kiyoyu e yɔ luwu to. Fo maaŋ shin nɛ fo kenya nɛ e bee bɛ fo so nɛ kagbene koŋwule e wu m bɛ.

Ashuŋ Shunso 2:31

Deevid malɛ ka daa nyi kusɔ nɛ Ebɔrɛ daa sha kewora na so nɛ e daŋ malga Kristo na be ketiŋi luwu to be asheŋ saŋɛ nɛ e daŋ kaŋɛ: ‘Ebɔrɛ daa maŋ shin nɛ e ka luwu to, e daa maŋ shin nɛ e wu m bɛ.’

Romebi 1:23

B ka beeŋ baa bunyaŋ Ebɔrɛ nɛ e wɔ ŋkpa to saŋkama na, b wɔtɔ nna a bunyaŋ asɔ nɛ enyiŋgbasa wora nna nɛ amo be ako duli basa nɛ ako duli mbuibi, ako malɛ duli asɔbɔya nɛ ade malɛ duli asɔ gbeyeso.

Romebi 2:7

Bumo nɛ alelasheŋ be kewora maa gben bumo nɛ baa fin kemaŋkura nɛ bunyaŋ nɛ kebaawɔtɔ nɛ k maŋ kɔ luwu na, e beeŋ sa bumo ŋkpa nɛ k maŋ kɔ ekar na.

Romebi 8:21

Ama le be tama ere e chɛr a wɔtɔ fanɛ kepɔrso kikɛ gbagba beeŋ nya kumo be kumu a maaŋ naŋ wu m bɛ kachako nɛ Ebɔrɛ e shin nɛ k nya kumo be kemaŋkura nɛ Ebɔrɛ kɔ a sa mbe mbia na.

1 Kɔrintebi 15:41

Kananɛ epeŋi bee fuli to kɔr kananɛ kufɔl nɛ achɛkpabiana bee fuli to to. Achɛkpabiana malɛ gba to amo be kefulto kɔr abar to.

Galeeshaebi 6:8

Nɛ e bee duu kapɔr lubi ere be aparsheŋ be asɔ, kapɔr lubi na to nɛ e beeŋ bɔla n nya luwu. Nɛ ekama malɛ nɛ e bee duu Kiyoyu na be aparsheŋ be asɔ, Kiyoyu na to nɛ e beeŋ bɔla n nya ŋkpa nɛ k maŋ kɔ ekar na.

1 Pita 1:4

Kede e shin nɛ an kɔ tama nɛ k maa chɛrga nseŋ naa keni enɛfa damta nɛ Ebɔrɛ kɔ a jo mbe basa na ekpa. Ebɔrɛso nɛ e kɔ amo a jo menyi, kakpa nɛ a maaŋ tiŋ m bɛ ŋko n jija ŋko ŋ kpeŋ kikɛ na.