1 Kɔrintebi 15:32 - EBƆRƐ BE KAWƆL

³² Saŋɛ nɛ n daa wɔ Ɛfeses na basa daa sa a sa ma tɔrɔ nna fanɛ ma nɛ asɔbɔya lubi ka daa kɔ na. To, nɛ fanɛ bubuni maa tiŋi luwu to nna, manɛ be tɔnɔ nɛ n nya? Nɛ bubuni baa maa tiŋi ashi luwu to, kumo ere kusɔ nɛ abɔrɛsibɛ na bee kaŋɛ na bɔla nna na fanɛ: “Men shin nɛ an baa ji nsaa nuu anyi be kepar, ŋkpal manɛ so, anyi maŋ nyi ŋko echefo anyeeŋ wu.”

1 Kɔrintebi 15:32 ပူးပေါင်းရင်းမြစ်များ

Job be kawɔl 35:3

Fo maŋ yirda kashenteŋto fanɛ kewora Ebɔrɛ kasonu kɔ tɔnɔ ga a?

Nshɛ 73:13

Manɛ be tɔnɔ nɛ n nya ashi ma kebaakɔ nfɛra lela, nɛ kekini kewora asheŋ lubi to bre?

Kaŋinichiŋgeliŋ 11:9

Kebifɔlbi, baa ji fo kumu kagbenefuliso, ŋkpal fo kebifɔlbi so. Baa wora fo kagbene be aparsheŋ kanaŋkama nɛ fee sha. Ama baa nyiŋi fanɛ Ebɔrɛ beeŋ yili kusɔ kama nɛ fo wora so n ji fo demu.

Kaŋinichiŋgeliŋ 2:24

Kusɔ nɛ ekama baa wora e la kebaa ta mbe kanya a ji a nuu nsaa ji mbe kumu. Ama ade kikɛ be nfɛra nɛ n fɛ nseŋ wu fanɛ amo kikɛ bee shi Ebɔrɛ kutɔ nna.

Aizaaya 22:13

Ama men daa maŋ nu n sa Enyɛnpe Ebɔrɛ na nsaa ji eyur. Men daŋ mɔ mbolpɔ nɛ ana nna a ji nsaa nuu yabra. Ade kikɛ be kaman nɛ men kaŋɛ le: “Men shin nɛ an ji nseŋ nuu kabre! Ŋkpal manɛ so echefo nɛ an wu n choŋ.”

Aizaaya 56:12

Kusɔ nɛ basa nɛ baa boo nsa bee kaŋɛ e la fanɛ men shin nɛ an ya nuu nsa m boo kananɛ anyee sha. Echefo peya e baa chɔ kabre peya!”

Luuk 12:19

Amo be kaman nɛ ŋ kaŋɛ ma kumu: Kumulelawura, feeŋ ta nfɛ damta nɛ fo kraa kɔ asɔ lela. Amoso, baa wɔtɔ boeŋ a ji a nuu nsaa ji fo kumu.’

Luuk 9:25

Nɛ fanɛ durnya ere kikɛ ki esa peya nɛ e foe ekpa m mur, manɛ be tɔnɔ nɛ e nya? E maŋ nya tɔnɔ kikɛ.

Ashuŋ Shunso 18:19

B ka ba fo Ɛfeses nɛ Pɔɔl yige Prisila nɛ Akwila nseŋ yɔ ndoŋ be nshɛrbu to nɛ mo nɛ Juwebi na ya ji abɔrɛsheŋ na be emɔrɔ.

Ashuŋ Shunso 18:21

Ama le nɛ e daŋ kaŋɛ bumo nseŋ pɛ ekpa: “Nɛ Ebɔrɛ shuli, meeŋ naŋ bɛta m ba menyi kutɔ.” Kede be kaman nɛ e yili Ɛfeses n luri ekuloŋgboŋ ko to m bɔla nchu so n yɔ.

Ashuŋ Shunso 19:1

Jemanɛ nɛ Apɔlɔs daa wɔ Kɔrint na nɛ Pɔɔl malɛ na kasawule na kikɛ so loŋ n ya fo Ɛfeses.

Romebi 3:5

Kesheŋ bishiso ko malɛ nde fanɛ: “Nɛ fanɛ anyi be asheŋ lubi bee shin nɛ basa bee wu Ebɔrɛ be alelasheŋ, nuso nɛ an naa kaŋɛ ere? An kaŋɛ fanɛ nɛ Ebɔrɛ bar mbe agbo anyi so, e maŋ wora n nyalɛ ŋko?” Nyiŋgbasa be kamɔrɔji be kamalga nɛ mee malga na.

Romebi 6:19

Enyiŋgbasa be nfɛra be kaplɛa so nɛ mee ber kesheŋ ere a sa menyi nna, ŋkpal manɛ so, loŋ e naaŋ shin nɛ men pin amo to. Saŋko men daŋ ta menyi be amu kikɛ nna nyam ŋ ki kusɔjigaya nɛ dalubisheŋ be anya a wɔtɔ a wora asheŋ nɛ a maŋ daga. Naniere loŋ koŋwule na e daga fanɛ men naŋ ta menyi be amu kikɛ nyam ŋ ki alelasheŋ be anya a wɔtɔ a wora asheŋ nɛ a daga a du cheembi.

1 Kɔrintebi 16:8

Ama ŋ kraa beeŋ baa wɔ Ɛfeses nfe n ya fo Pɛntekɔst be saŋɛ,

Galeeshaebi 3:15

Bekurgepoana, men shin nɛ n ta durnya ere to be kesheŋ ŋ kesar kesheŋ ere. Nɛ fanɛ durnya ere to be basa anyɔ baŋ nase kɔnɔ n sa abar, bumo be ekama maaŋ tiŋ n naŋ wora n da kɔnɔ naseso na so ŋko n ta kusɔ ko n naŋ ti kumo so. To, loŋ nɛ kesheŋ na du Ebɔrɛ be kaplɛa so.

2 Pita 2:12

Ama loŋ be basa ere bee malga a gbiti asheŋ nɛ b maa pin to nna. B du fanɛ asɔbɔya nna a maŋ kɔ nfɛra a wora asheŋ. B kurge bumo nna nɛ b baa pɛ nsaa jija bumo. To, loŋ nɛ beŋinipoana na gba beeŋ mur fanɛ asɔbɔya na.

Juud 1:10

Ama le be basa ere bre bee tege kusɔ kama nɛ b maa pin to nna. B baa du fanɛ kupuŋ to be asɔbɔya nɛ a maŋ kɔ nfɛra lela nna nseŋ baa wɔtɔ a wora asɔ kama nɛ a bee ba amo be amu to na nna, loŋ malɛ be asɔ na gbagba e naa mur bumo na.