1 Kɔrintebi 15:31 - EBƆRƐ BE KAWƆL

³¹ Ŋ kurgepoana, mee kaŋɛ menyi nna fanɛ kachɛ kama mee wu nna. Kede malɛ baa kɔ kashenteŋ nna fanɛ kananɛ mee wu ma kumu ŋkpal men ka la Kristo Yesu, an Nyɛnpe peya na so.

1 Kɔrintebi 15:31 ပူးပေါင်းရင်းမြစ်များ

Jɛnesis 43:3

Nɛ Juda kaŋɛ mo: “Kanyɛn na fiɛ anyi so kenishipereso nna ŋ kaŋɛ: ‘Men naŋ ba nfe ŋkaa maŋ bar men sipo na, men sa maŋ naŋ shin nɛ nwu menyi.’

Jɛremaya 11:7

Baŋ yili jemanɛ nɛ n lara bumo nanaana Ijipt be efuli so hale m ba fo kabre, m baa kpele bumo kusoe nna fanɛ b baa wora ma kasonu.

Zakareya 3:6

Nɛ malaika na leŋ Joshuwa to ŋ kaŋɛ le:

Ashuŋ Shunso 20:23

Kusɔ nɛ m baa nyi e la fanɛ Kiyoyu Cheeŋ na bee fiɛ ma so kade kama to fanɛ kabuti nɛ etɔrɔ bee jo ma saŋko. Ama amo alɛ maŋ tir ma, ŋkpal manɛ so, m maa ta ŋ gbagba be ŋkpa ere fanɛ k la kusɔ ko ma kutɔ.

Romebi 8:36

Loŋ malɛ nɛ abɔrɛsibɛ na bee kaŋɛ na fanɛ: “Ŋkpal fo so nɛ an wɔ kenishipere nɛ k kɔ anyi a yɔ luwu to kachɛ kama na. An ki fanɛ mbolpɔ nɛ b kɔ a yɔ nɛ b ya teŋ nna.”

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

2 Kɔrintebi 11:23

Mannɛ Kristo be anya e la bumo a? Keni ŋ kaa bee malga fanɛ ebompo loŋ, ama ma loŋ be kenyaya chɔ bumo peya. N shuŋ ga a chɔ bumo be ekama nɛ b ti ma ebu a chɔ bumo be ekama, b kuya ma so a chɔ bumo be ekama, saŋɛ damta ma alɛ bee taga luwu to a chɔ bumo be ekama.

2 Kɔrintebi 2:14

Ama anyee chɔrɔ Ebɔrɛ ga, ŋkpal manɛ so, mo e naa shin nɛ anyee tu Kristo a nite kekɔmpɔɔso be ekpa so nseŋ naa bɔla anyi so a shin nɛ Kristo be kenyi bee sɔ kaplɛkama fanɛ efɛa belbelso na.

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.

1 Tɛsalɔnikaebi 2:19

Ŋkpal manɛ so, basa mo malɛ so nɛ anyi be tama nɛ kagbenefuli nɛ kekɔmpɔɔso be kakɛ nɛ anyeeŋ nya na naa wɔ? Menyi nawule so nɛ anyeeŋ tiŋ n nya kemaŋkura ashi an Nyɛnpe Yesu Kristo be anishito saŋɛ nɛ e beeŋ naŋ ba na. Menyi e la anyi be tama nɛ kagbenefuli.

1 Tɛsalɔnikaebi 3:9

Naniere anyeeŋ tiŋ n chɔrɔ Ebɔrɛ ŋkpal menyi so. Anyee chɔrɔ anyi be Ebɔrɛ na ŋkpal kagbenefuli nɛ e sa anyi ŋkpal menyi so na so.

1 Samuɛl 8:9

Kusɔ kama nɛ b kaŋɛ, fo nu n sa bumo, ama wora ania ŋ kpele bumo kusoe kenishipereso nɛ b pin kananɛ ewura na beeŋ ba kaa wora bumo.”