1 Kɔrintebi 15:3 - EBƆRƐ BE KAWƆL

³ Ŋkpal manɛ so, kusɔ nɛ n daŋ nya nɛ ma alɛ gba daŋ ta m bɔɔ menyi enɔ fanɛ kusɔ nɛ k juŋkpar e la fanɛ: Kristo wu nna ŋkpal anyi be alubi so fanɛ kananɛ abɔrɛsibɛ na bee kaŋɛ na fanɛ

1 Kɔrintebi 15:3 ပူးပေါင်းရင်းမြစ်များ

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

Ezikɛl 3:17

“Dimɛdi pibi, n lara fo nna nɛ fo baa keni Israɛl be basa so. Amoso nu kamalga nɛ ŋ kɔ nɛ n sa bumo ere nseŋ fɛa bumo so.

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.

Matiu 26:24

Ma, Nyiŋgbasa Pibinyɛn bee yɔ luwu to fanɛ kananɛ b sibɛ n nase abɔrɛsibɛ na to na, ama asheŋ maaŋ nyalɛ n sa emo nɛ e beeŋ debɔr ma, Nyiŋgbasa Pibinyɛn na kikɛ. Nɛ b daa maŋ kurge loŋ be esa gba, k daa beeŋ baa bɔ mo so.”

Matiu 26:28

Ma ŋklaŋ nɛ a lar a sa basa damta na nde. Amo e naa ti Ebɔrɛ nɛ dimɛdi be kɔnɔkoŋwule be ŋkre na so a bar alubi be ketampaŋ na.

Luuk 24:25

Ndoŋ nna nɛ e kaŋɛ bumo le: “Men maa wora nfɛra kuraa, ŋkpal manɛ so, asɔ nɛ anebiana na sibɛ n nase na kikɛ be keta n wɔtɔ menyi be ŋgbene to du menyi so kpakpa kashenteŋto geeŋ.

Baru lela nɛ Jɔn kute na 1:29

Asheŋ ere ka wora ŋ klade nɛ Jɔn wu Yesu ka bee ba mo kutɔ nɛ e kaŋɛ basa le: “Men keni, Ebɔrɛ be Kpakpafɔlbi nɛ k bee lara durnyaebi be alubi ashi bumo to a lɛ na.

Ashuŋ Shunso 17:2

Nɛ Pɔɔl yaŋ yɔ nshɛrbu na to fanɛ kananɛ e chɛr a wora kade kama to na. Mbe kewushiachɛ asa nɛ e wɔ ndoŋ a kɔ abɔrɛsibɛ na a ji basa na emɔrɔ

Ashuŋ Shunso 3:18

Dra na kikɛ nɛ Ebɔrɛ shin nɛ anebiana kikɛ wu ŋ kaŋɛ fanɛ mbe Kristo na beeŋ ba ji awurfoŋ, kumo nɛ e shin nɛ k bɔla ekpa le ere na.

Ashuŋ Shunso 8:32

Abɔrɛsibɛ na to be kakpa nɛ e daa kraŋ na nde: “E daa du fanɛ kubolpɔ nɛ b kɔ a yɔ nɛ b ya teŋ nna. E daa du fanɛ kpakpafɔlbi nɛ baa ku kumo be afuibi nɛ k la to boeŋ nna. E daa maŋ kaŋɛ shɛŋ.

Romebi 3:25

Ebɔrɛ ta mo nna n sa basa nɛ e wu m mata be luwu nɛ k bee shin nɛ dimɛdi bee bɔla yirda so a nya alubi be ketampaŋ na. Ebɔrɛ wora loŋ nna nɛ e ŋini kananɛ e bee ji asheŋ nɛ amo be ekpa so, ŋkpal manɛ so, saŋɛ na e daa nyi basa be alubi nna nsaa nyiti bumo.

Romebi 4:25

Ebɔrɛ shin nɛ b daŋ ta mo nna n sa nɛ e wu ŋkpal anyi be alubi so nseŋ naŋ shin nɛ e tiŋi luwu na to nɛ an baa la belelapo Ebɔrɛ be anishito.

1 Kɔrintebi 11:2

Saŋkikɛ mee chɔrɔ menyi nna ŋkpal men ka bee nyiŋi ma kusɔ kama to nɛ kananɛ men baa kɔ keŋini mo nɛ n ta n sa menyi na to so.

1 Kɔrintebi 11:23

Ŋkpal manɛ so, kusɔ nɛ n nya ashi Enyɛnpe kutɔ nɛ ma alɛ gba bee ta a sa menyi na fanɛ: Kanyɛ mo nɛ b daŋ debɔr Enyɛnpe Yesu na, e daŋ ta bodobodo nna

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Galeeshaebi 1:12

Mannɛ nyiŋgbasa ko kutɔ nɛ n nya kumo ŋko ŋ koya kumo. Yesu Kristo e lara kumo efuli n sa ma.

Galeeshaebi 1:4

Mo Yesu Kristo na e kpal kumɔlga anyi ashi alubi be jemanɛ be kebaawɔtɔ ere to so n nu n sa anyi be Ebɔrɛ nɛ Etuto na n ta mbe kumu n lara anyi alubi be kewora be eleŋ to.

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”

Ɛfesesebi 1:7

Ŋkpal manɛ so, Kristo be luwu na so e shin nɛ an nya an be amu na. Ebɔrɛ ta anyi be alubi m paŋ anyi. Kashenteŋto malɛ Ebɔrɛ be kuwɔr be kakɛ nɛ e bugi kagbene kikɛ n sa anyi na shi pasaa.

Ɛfesesebi 5:2

A daga fanɛ kasha e baa juŋkpar menyi kebaawɔtɔ ere to fanɛ kananɛ Kristo sha anyi nseŋ ta mbe kumu n sa anyi nɛ loŋ be kakɛ na walɛ a la sarga nɛ kumo be efɛa bee dufɛ viim a par Ebɔrɛ na.

Hibruwebi 5:1

Bɔrɛmatapo nimuso kikɛ, mo braana edimɛdi to nɛ baa lara mo nɛ e bee yili bumo be katelamu to a shuŋ Ebɔrɛ nsaa bar Ebɔrɛ ŋkɛana nɛ esarga ŋkpal alubiana so.

Hibruwebi 5:3

Ŋkpal loŋ so Ebɔrɛ nase kumo nna fanɛ e lara sarga. Mannɛ ŋkpal basa pɔtɛ be alubi nawule so, ama ŋkpal mo alɛ gbagba peya gba so.

1 Pita 1:11

Kristo be Kiyoyu mo nɛ e daa wɔ bumo to na daŋ wu Kristo be etɔrɔ nɛ kemaŋkura mo nɛ k beeŋ lar etɔrɔ na be kaman na nna ŋ kaŋɛ bumo nɛ b wora ania a fin saŋɛ nɛ asheŋ na kikɛ beeŋ wora.

1 Pita 2:24

Mo ere gbagba e ta mbe eyur n ta an be alubi n yɔ kedibi largato na so nɛ an baa la basa nɛ b wu alubi be kaplɛa so nsaa wɔtɔ ŋkpal alelasheŋ so. Mbe eyur be kemurgi so nɛ men nya kechɛ.

1 Pita 3:18

Ŋkpal manɛ so, Kristo gba wu kela koŋwule nna pati, ŋkpal basa be alubi so, esa nɛ e maŋ kɔ kulubi e wu n sa basa lubi na, saŋɛ na so e beeŋ yɛra menyi Ebɔrɛ kutɔ. B daŋ mɔ mbe eyur, ama Ebɔrɛ shin nɛ e nya ŋkpa ashi mbe Kiyoyu na to.

1 Jɔn 2:2

Mo e wu m mata be luwu nɛ k shin nɛ an nya alubi be ketampaŋ. Mannɛ anyi nawule be alubi so nɛ e wu, durnyaebi kikɛ be alubi so nɛ e wu.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,