1 Kɔrintebi 14:6 - EBƆRƐ BE KAWƆL

⁶ Ŋ kurgepoana, nɛ m baŋ ba menyi kutɔ m ba kaa gbar ŋgbar mo nɛ m maa nu ŋkaa maŋ bar menyi kelaraŋŋini ko ŋko kanyiasheŋ ko ŋko kewu abɔrɛsheŋ ŋ kaŋɛ ŋko keŋini ko, mannɛ be tɔnɔ nɛ menyeeŋ nya?

1 Kɔrintebi 14:6 ပူးပေါင်းရင်းမြစ်များ

Jɛremaya 16:19

Enyɛnpe Ebɔrɛ, kewora fanɛ fo ka ta ma nna n wɔtɔ kakpa lempo a kuŋ ma nsaa sa ma eleŋ, a chɛ ma to ashi tɔrɔ be jemanɛ. Efuli pɔtɛana be basa beeŋ shi durnya to be mboŋ wɔfɔ m ba fo kutɔ m ba kaŋɛ le: “An nananyɛnana daŋ lɔŋɛ agbirana nɛ e maa ji kashenteŋ nsaa maa kɔ tɔnɔ kikɛ n sa bumo na nna.”

Matiu 11:25

Jemanɛ na so nɛ Yesu kaŋɛ le: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so.

Matiu 16:17

Nɛ Yesu kaŋɛ mo: “Mbo, Jɔn pibinyɛn Saimɔn, ŋkpal manɛ so, le be kashenteŋ be kamalga ere maŋ shi nyiŋgbasa ko kutɔ nna m ba fo to. N Tuto nɛ e wɔ ebɔrɛso na gbagba kutɔ nɛ k shi.

Matiu 16:26

Nɛ fanɛ durnya kikɛ ki esa peya nɛ e paŋ mbe ŋkpa, manɛ be tɔnɔ nɛ e nya ŋko manɛ nɛ esa beeŋ tiŋ n ta n chɛr mbe ŋkpa?

Ashuŋ Shunso 2:42

Bumo nɛ beshuŋipo na e daa la saŋkama nɛ baa koya asɔ ashi beshuŋipo na kutɔ nsaa ba bumo be nshɛrbuana to nɛ bumo kikɛ ba kaa bɔ enɔ kɔnɔkoŋwuleso a wɔtɔ kawie koŋwule to nsaa kule Ebɔrɛ kɔnɔkoŋwuleso.

Romebi 15:14

Ŋ kurgepoana, ma alɛ gba baa nyi geeŋ fanɛ alelasheŋ e baŋ bɔlɔ menyi alɛ gbagba to nseŋ naa nyi fanɛ men kɔ kanyiasheŋ kikɛ nɛ men gbagba e tiŋ ŋ ŋini abar asheŋ.

Romebi 16:17

Ŋ kurgepoana, mee fiɛ menyi so nna fanɛ men baa de basa nɛ baa shin nɛ kebarga to bee ba basa to nseŋ naa lar keŋini nɛ men daŋ nya na be kaman a wɔtɔ a bar asheŋ ko m ba kaa kagle basa yirda be ekpa na so. Amoso, men baa gelge bumo.

Romebi 6:17

Ama anyee chɔrɔ Ebɔrɛ ga, ŋkpal manɛ so, saŋko men daa la alubi be anya nna, ama naniere, men ta menyi be ŋgbene kikɛ m bɛ kashenteŋ be keŋiniana nɛ men nya na kikɛ so.

1 Kɔrintebi 10:33

Kusɔ nɛ ma ere bee wora nde: Kusɔ kama nɛ mee wora, mee wora ania nna nɛ k par ekama ŋkaa maa fɛ ŋ gbagba be kumu so so, ekama be kumu so nɛ mee wora loŋ, saŋɛ na so baaŋ nya kumɔlga.

1 Kɔrintebi 14:1

Amoso, men baa kɔ a fin kasha nseŋ ta menyi be ŋgbene kikɛ n fin ŋkɛ mo nɛ a shi Kiyoyu na kutɔ na, fɔnfɔŋ kewu abɔrɛsheŋ ŋ kaŋɛ be kakɛ na.

1 Kɔrintebi 14:7

Hale alaŋsɔ fanɛ kalopi nɛ jaŋjilaŋ nɛ a maŋ kɔ ŋkpa ere gba, nɛ b maŋ foŋ ŋko n laŋ amo amo be ekpa so, nuso nɛ feeŋ wora m pin amo be kushu ka wɔ ebel?

2 Kɔrintebi 11:6

Hale nɛ m maŋ la esa nɛ e nyi kamalga to gba, kanyiasheŋ bre, ŋ kɔ kumo, anyi alɛ bɔla ekpa kama so n lara le be kanyiasheŋ ere ŋ ŋini menyi ashi kusɔ kama to.

2 Kɔrintebi 12:1

A daga fanɛ m baa puchi hale nɛ k maŋ kɔ tɔnɔ gba. Ama naniere bre meeŋ malga ebɔrɛdareana nɛ kewuŋkaŋɛana nɛ Enyɛnpe sa na be asheŋ.

2 Kɔrintebi 12:7

Ŋkpal kananɛ k beeŋ wora nɛ n sa maŋ kpal kewuŋkaŋɛ damta gboŋana mo nɛ n nya na so ŋ kpaŋ ma kumu so so, Ebɔrɛ sa ma ebesa ko nna, k la Setani be kabɔ nna nɛ e bee tɔrɔ ma. Saŋɛ na so, m maaŋ baa nya ekpa a maŋ ma kumu so m baŋ so.

Ɛfesesebi 1:17

fanɛ e sa menyi Kiyoyu mo nɛ e beeŋ shin nɛ men baa kɔ kanyiasheŋ nseŋ naŋ lara Ebɔrɛ ŋ ŋini menyi nɛ men pin mo kashenteŋto.

Ɛfesesebi 3:4

Nɛ menyi alɛ baŋ kraŋ kawɔl ere, menyeeŋ pin kananɛ ma nfɛra sa ashi Kristo be wulo be kesheŋ ere be kaplɛa so.

Filipaiebi 3:15

A daga fanɛ anyi nɛ an kɔ kebɛso ere to be kenimufɛra ere e baa kɔ asheŋ nɛ n teŋ kaŋɛ ere be nfɛra loŋ. Ama nɛ fo kama nɛ fo nfɛra kɔr le be asheŋ ere be ako to, Ebɔrɛ beeŋ bugi amo alɛ gba to n sa fo.

2 Timoti 2:14

Baa ŋini fo basa asheŋ ere nseŋ fiɛ bumo so kpakpa Ebɔrɛ be anishito fanɛ b lar mmalga koko be emɔrɔana be nlu to, ŋkpal manɛ so, loŋ be nlu maŋ kɔ kechɛto kikɛ amo to, a bee mur basa nɛ baa nu amo nna.

2 Timoti 3:10

Ama fo ere nyi ma keŋini na kikɛ nɛ ma da nɛ ma kebaawɔtɔ be kifi to. Fo alɛ naŋ wu ma yirda nɛ ma kanyiti nɛ ma kasha nɛ kananɛ ŋ kɔ tɔrɔ be kanyiti.

2 Timoti 3:16

Ebɔrɛ e wɔ abɔrɛsibɛ ere kikɛ be kaman nɛ amo alɛ walɛ keta ŋ ŋini kashenteŋ na nɛ keta n fiɛ bumo nɛ baa wora a jija so nɛ keta n lara esa kewora n foe to nɛ keta ŋ ŋini esa kebaawɔtɔ lela.

2 Timoti 4:2

fo baa bɔ kubɔya na a sa basa. Kelela ŋko kulubi to kikɛ baa sha kebaabɔ kubɔya na a sa basa a shin nɛ b baa wu kananɛ kashenteŋ na baa dese geeŋ. Baa ta kubɔya na a fiɛ basa so ŋko a leŋ bumo to nsaa kɔ kanyiti a ŋini bumo abɔrɛsheŋ na.

Taites 3:8

Kesheŋ ere la kashenteŋ nna. Mee sha fanɛ fo ta kenishipere nna n wɔtɔ le be asheŋ ere to nɛ bumo nɛ b ba yirda Ebɔrɛ na e baa wɔ ashuŋ lela be kebaawɔtɔ to. Le be mmalga ere la kashenteŋ nna nɛ a beeŋ chɛ basa to.

Hibruwebi 13:9

Men sa maŋ shin nɛ keŋini be nnaŋ to nɛ a wɔtɔ ere e fule menyi kikɛ nɛ men foe ekpa. Ebɔrɛ be kuwɔr be kakɛ e daga kebaaleŋ menyi be ŋgbeneana to, mannɛ edaŋkaresheŋ be ekpaana be ajibi nɛ a maŋ kɔ tɔnɔ n sa basa nɛ b ji amo na.

2 Pita 1:5

Amoso, ŋkpal le ere so, men wora ania ga n ta kelela n ti men be yirda so. Kelela na malɛ be kaman nɛ men ta kanyiasheŋ m bɛ so.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.

2 Jɔn 1:9

Esa kama nɛ e maa shir a wɔ Kristo be keŋini na to nsaa ta asheŋ a ti amo so, maŋ kɔ Ebɔrɛ mo to. Ama ekama nɛ e shir a wɔ Kristo be keŋini na to, kɔ Etuto na nɛ Ebinyɛn na kikɛ mo to.

1 Samuɛl 12:21

Men sa maa shuŋ agbir, ŋkpal manɛ so, a maaŋ tiŋ n chɛ menyi to ŋko m mɔlga menyi. Agbir la asɔ fuloŋ nna.