1 Kɔrintebi 14:34 - EBƆRƐ BE KAWƆL

³⁴ A daga fanɛ beche e baa lo bumo be nnɔ to ashi asɔriana to fanɛ kananɛ k du ashi Ebɔrɛ be basa larasoana na kikɛ be asɔriana na to na. B maŋ kɔ ekpa nɛ b malga, a daga fanɛ b baa bar bumo be amu kaseto fanɛ kananɛ abɔrɛsibɛ na bee kaŋɛ na.

1 Kɔrintebi 14:34 ပူးပေါင်းရင်းမြစ်များ

Jɛnesis 3:16

Kede be kaman nɛ e kilgi ŋ kaŋɛ eche na le: “Ŋkpal kusɔ nɛ fo wora ere so, fo kasogberge nde: Fo baŋ di kedampo, fo nɛ awurfoŋ e naaŋ baa la; nɛ fo alɛ baa shin nɛ fo kurge, ebesa beeŋ baa shi fo so ga. Fo kagbene kikɛ beeŋ baa wɔ fo kul so ga, ama mo alɛ e naaŋ baa ji fo so eleŋ.”

1 Kɔrintebi 11:13

Menyi alɛ gbagba e keni kesheŋ ere to, a daga fanɛ eche e baa kule Ebɔrɛ basa to ŋkaa maŋ ta shɛŋ n chɛ kumu a?

1 Kɔrintebi 11:3

Ama mee sha nna nɛ men pin fanɛ enyɛn kama be kumu e la Kristo, nɛ eche malɛ be kumu la enyɛn nɛ Kristo malɛ be kumu la Ebɔrɛ.

1 Kɔrintebi 11:5

Ama eche kama malɛ nɛ e bee kule Ebɔrɛ ŋko a wu abɔrɛsheŋ to a malga basa to nsaa maa ta shɛŋ a chɛ kumu bee ŋaba mbe kumu nna na. K baa du fanɛ b ka kpasa mbe kumu nna.

1 Kɔrintebi 14:21

Abɔrɛsibɛ na malɛ e naa kaŋɛ loŋ fanɛ Enyɛnpe na yɛ: “Meeŋ bɔla basa nɛ b kɔ ŋgbar pɔtɛana nɛ befɔ be nnɔana to m malga n sa basa ere, ama nɛ n wora loŋ gba, b maaŋ nu n sa ma.”

1 Kɔrintebi 14:35

Kusɔ kama nɛ baa sha kepinto, b bishi bumo kulana epe, ŋkpal manɛ so, k la anishinyɔr be kesheŋ nna fanɛ eche e baa malga asɔri to.

Ɛfesesebi 5:33

Ama a daga fanɛ men be ekama gba e baa sha mbe eche fanɛ kananɛ e bee sha mo gbagba be kumu, nɛ eche kama malɛ e baa bunyaŋ mo kul.

Kɔlɔsiebi 3:18

Beche kilpo, men baa ta men be amu a sa men kulana kananɛ k daga ŋkpal men ka la Enyɛnpe na peya so.

Taites 2:5

nɛ kananɛ baaŋ baa tiŋ a keta bumo be amu a maŋ kɔ kulubi nsaa maa kɔ ntɔl epe nsaa la basa a wɔtɔ a nu a sa bumo kulana nɛ esa kikɛ e sa maŋ nya ekpa m malga kulubi kikɛ ŋ gbiti kubɔya nɛ k shi Ebɔrɛ kutɔ na.