1 Kɔrintebi 14:3 - EBƆRƐ BE KAWƆL

³ Ama esa kama nɛ e bee wu abɔrɛsheŋ na to a kaŋɛ bre bee malga nna a sa basa a chɛ bumo to nɛ b baa yɔ anishito nsaa leŋ bumo to a wushi bumo kagbene.

1 Kɔrintebi 14:3 ပူးပေါင်းရင်းမြစ်များ

Luuk 3:18

Ekpa damtaana nɛ Jɔn daŋ bɔla m bɔ baru lela na n sa basa na ŋ kaŋɛ bumo asɔ nɛ a daga.

Ashuŋ Shunso 13:15

Esa ko ka kraŋ Mosis be mbraana na nɛ anebiana be nwɔl na be mboŋ ko n loge nɛ nshɛrbu na to be benimuana na shuŋi kabɔ bumo kutɔ ŋ kaŋɛ: “Bekurgepoana, nɛ men kɔ kamalga nɛ menyeeŋ ta ŋ leŋ basa ere to, men baa malga.”

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

Ashuŋ Shunso 15:32

Judas nɛ Sailas nɛ bumo alɛ gba daa la anebiana na daŋ malga n chɛr ga a ŋini bekurgepoana na asheŋ n leŋ bumo to.

Ashuŋ Shunso 4:36

Kanyɛn ko malɛ gba daa wɔ bumo to nɛ baa tre mo Josɛf. E daa la Livai be kanaŋ to be esa nna nɛ b kurge mo Saipres be efuli so. Ketre nɛ beshuŋipo na daŋ sa mo e la Baanabas, kumo be kifito e la fanɛ esa nɛ e bee kpaŋ beko.

Ashuŋ Shunso 9:31

Kumo be kaman nɛ asɔriebi nɛ b daa wɔ Judiya na nɛ Galili nɛ Samɛria na lar bumo be etɔrɔ na to n nya kagbenewushi gbrɛ. Kiyoyu Cheeŋ na e daŋ shin nɛ b daŋ yɔ anishito nseŋ wora keshi n ti so a wɔ Enyɛnpe be kebunyaŋ be kebaawɔtɔ to.

Romebi 12:8

Nɛ kumo alɛ naa la basa be keleŋto, fo baa wora loŋ. Ekama malɛ nɛ e bee barga mbe kanya to a sa beko e baa bugi kagbene a wora loŋ. Ekama nɛ e la ejuŋkparpo e baa shuŋ ga nɛ emo nɛ mo alɛ naa wu basa kuwɔr e baa bugi kagbene a wora loŋ.

Romebi 14:19

Amoso, men shin nɛ an baa wora ania saŋkikɛ a wora asheŋ nɛ a bee bar kagbenewushi nɛ asheŋ nɛ a beeŋ tiŋ n chɛ to n shin nɛ an baa leŋ abar to.

Romebi 15:2

Anyi be ekama e baa wora mo braana bebɛsopo asheŋ lela nɛ a bee par bumo nɛ loŋ e tiŋ n sa bumo eleŋ nɛ k beeŋ yɛr bumo anishito ashi yirda na to.

1 Kɔrintebi 10:23

Le nɛ menyi be beko bee kaa kaŋɛ: “An kɔ ekpa nɛ an wora kusɔ kama nɛ anyee sha.” Kashenteŋ nna, ama mannɛ kusɔ kama malɛ e walɛ. Menyee kaŋɛ: “An kɔ ekpa nɛ an wora kusɔ kama nɛ anyee sha.” Kashenteŋ nna, ama mannɛ kusɔ kama e naa yɛr esa anishito.

1 Kɔrintebi 14:12

Loŋ nɛ k du n sa menyi alɛ gba. Amoso, ŋkpal men ka bee kɔ a fin kenya ŋkɛ mo nɛ Kiyoyu na bee sa so, men baa pere kenishi a nya ŋkɛ mo nɛ a bee shin nɛ asɔri na bee yɔ anishito ga na.

1 Kɔrintebi 14:17

Shere fo kabɔrɛchɔrɔ na beeŋ baa kɔ kifito ga, ama esa pɔtɛ na maaŋ nya kechɛto kama n yɔ anishito.

1 Kɔrintebi 14:26

To, ŋ kurgepoana, naniere manɛ e naŋ ka nɛ an kaŋɛ? Men baŋ ba shɛr asɔri to, eko beeŋ baa kɔ kapandi be kashɛ ŋko keŋini ko ŋko kelaraŋŋini be kesheŋ ko ŋko ŋgbar nɛ e maa nu be kegbar ŋko amo be kifito be kekute. A daga fanɛ men baa wora ade kikɛ nɛ asɔriebi na e nya kechɛto n yɔ anishito.

1 Kɔrintebi 14:31

Ŋkpal manɛ so, men kikɛ beeŋ tiŋ n wu abɔrɛsheŋ to ŋ kaŋɛ kukoko to, saŋɛ na so ekama beeŋ koya kusɔ ko nseŋ nya keleŋto.

1 Kɔrintebi 8:1

To, naniere men shin nɛ an keni nlɔŋɛjibiana be asheŋ to. An nyi fanɛ an kikɛ kɔ kanyiasheŋ fanɛ kananɛ menyee kaŋɛ na. Kanyiasheŋ malɛ e naa shin nɛ esa bee maŋ mbe kumu so nɛ kasha malɛ bee shin nɛ esa bee yɔ anishito.

2 Kɔrintebi 1:4

Mo e naa leŋ anyi to ashi anyi be etɔrɔ kikɛ to, saŋɛ na so anyi alɛ beeŋ tiŋ n ta keleŋto mo nɛ an gbagba nya ashi Ebɔrɛ kutɔ na n leŋ bekama malɛ nɛ b wɔ etɔrɔ be yiri kikɛ to.

2 Kɔrintebi 2:7

Naniere kusɔ nɛ k daga fanɛ men baa wora e la fanɛ men ta m paŋ mo nseŋ leŋ mo to, saŋɛ na so mbe kagbenejija damta na maaŋ pɔɔ mo so.

Ɛfesesebi 4:29

Men sa maa shin nɛ mmalga lubi kikɛ e baa lar men be nnɔ to. Men baa malga kechɛto nawule be mmalga, mmalga nɛ a bee yɛr basa anishito a chɛ bumo to ashi bumo be asheŋ tirsoana to, saŋɛ na so a beeŋ baa kɔ tɔnɔ a sa bekama nɛ baa nu amo na.

Ɛfesesebi 6:22

Amoso nɛ mee shuŋi mo men kutɔ na nɛ e ya kaŋɛ menyi kananɛ an kikɛ du nseŋ naŋ leŋ menyi to.

Kɔlɔsiebi 4:8

Amoso nɛ mee shuŋi mo menyi kutɔ nɛ e ya shin nɛ men pin anyi be kebaawɔtɔ be asheŋ nɛ men be ŋgbene e wushi menyi na.

1 Tɛsalɔnikaebi 2:11

Men nyi fanɛ an daa ŋini menyi be ekama nna fanɛ kananɛ etuto bee ŋini mbe mbia na.

1 Tɛsalɔnikaebi 2:3

Anyi be kubɔya nɛ an kɔ a leŋ menyi to na maŋ shi efɛ to ŋko kusɔ jigaya be nfɛra to ŋko kafule to.

1 Tɛsalɔnikaebi 3:2

An shuŋi mo nna fanɛ e ya leŋ menyi to nseŋ chɛ menyi to nɛ men baa wɔ men be yirda na to. Loŋ e naaŋ shin nɛ men be ekama e sa maŋ foe ekpa ŋkpal etɔrɔ ere so.

1 Tɛsalɔnikaebi 4:1

Bekurgepoana, an shin nɛ men pin kebaawɔtɔ nɛ k bee par Ebɔrɛ. Loŋ malɛ be kebaawɔtɔ to nɛ men chɛr a wɔ to na, ama anyee kule menyi Enyɛnpe Yesu be ketre to fanɛ men pere kenishi n nya kebaawɔtɔ nɛ k bee par Ebɔrɛ saŋkama a ti so.

1 Tɛsalɔnikaebi 4:18

Amoso, men baa kɔ mmalga ere to a leŋ abar to.

2 Tɛsalɔnikaebi 3:12

Anyee kaŋɛ nsaa fiɛ le be basa so Enyɛnpe Yesu Kristo be ketre to fanɛ b ta bumo be amu boeŋ a wora bumo be ashuŋ a bela bumo gbagba be amu.

1 Timoti 1:4

Shin nɛ b lar ablɔmbi fuloŋ nɛ kakurge to be mmalga tenteŋana na to. Loŋ be mmalga bee bar emɔrɔ nna a maa ŋini kabɔrɛbɛso nɛ k bee shi yirda to na.

1 Timoti 4:13

Pɔɛŋ nɛ m ba, baa kraŋ abɔrɛsibɛ na a sa asɔri to ebi a leŋ bumo to nsaa ŋini bumo abɔrɛsheŋ na.

1 Timoti 6:2

Anya nɛ bumo nyɛnpeana la beyirdapo e sa maŋ kpal b ka la bumo to ebi so a fɛl bumo. Bumo e daga fanɛ b bugi kagbene n shuŋ gba nɛnɛ, ŋkpal manɛ so, beyirdapo nɛ beshapo e naa ji bumo be kushuŋ be tɔnɔ. Ŋini basa asheŋ ere kikɛ nseŋ leŋ bumo to nɛ b bɛ amo so.

2 Timoti 4:2

fo baa bɔ kubɔya na a sa basa. Kelela ŋko kulubi to kikɛ baa sha kebaabɔ kubɔya na a sa basa a shin nɛ b baa wu kananɛ kashenteŋ na baa dese geeŋ. Baa ta kubɔya na a fiɛ basa so ŋko a leŋ bumo to nsaa kɔ kanyiti a ŋini bumo abɔrɛsheŋ na.

Taites 1:9

A daga fanɛ e baa kɔ kubɔya nɛ k bɛ anyi be keŋini nɛ esa beeŋ tiŋ n yirda na so to kpakpa. Loŋ na e beeŋ tiŋ n ta keŋini lela n leŋ basa to nseŋ naŋ tiŋ n ji m bri bumo nɛ baa ji emɔrɔ na.

Taites 2:15

Baa ŋini asheŋ ere a leŋ basa na to nsaa ta fo kejuŋkpar be eleŋ kikɛ na a fiɛ bumo so. Sa maŋ shin nɛ esa kikɛ e fɛl fo.

Taites 2:6

Loŋ koŋwule na e daga fo ka kaŋɛ mbrantiɛbiana na fanɛ b baa tiŋ bumo be amu.

Taites 2:9

Kaŋɛ anya nɛ b baa nu a sa bumo nyɛnpeana nsaa wora bumo be aparsheŋ kusɔ kama to. A maŋ daga fanɛ bumo nyɛnpeana e fiɛ bumo so nɛ bumo alɛ e malga, ŋko nɛ b baa yuri bumo nyɛnpeana be asɔ.

Hibruwebi 10:25

Men sa maŋ shin nɛ an baa kini kebaatu abar a shɛr fanɛ kananɛ basa ko bee kaa wora na. Ama men shin nɛ an baa leŋ abar to, fɔnfɔŋ kananɛ men wu lalaloge be kachɛ na ka bee fo le ere so.

Hibruwebi 13:22

Ŋ kurgepoana, mee kule menyi nna fanɛ men ji kanyiti n nu ma keleŋto be kamalga ere, ŋkpal manɛ so, kawɔl ere ŋ ka sibɛ menyi ere baa maŋ shi ko.

Hibruwebi 3:13

Nɛ saŋɛ baa wɔtɔ nɛ baa tre kabre be saŋɛ, men baa leŋ abar to, saŋɛ na so, alubi be kafulesheŋ kama maaŋ shin nɛ menyi be ekama be kagbene e ki kpakpa.

1 Pita 5:12

Ekurgepo Silvanes mo nɛ n nyi fanɛ meeŋ tiŋ n yirda na so so nɛ mee bɔla a sibɛ menyi kawɔlbi ere na. N sibɛ kumo nna gbrɛbi loŋ nɛ n leŋ menyi to nseŋ naŋ ji shɛda ŋ kaŋɛ fanɛ kuwɔr be kakɛ mo nɛ k shi Ebɔrɛ kutɔ kashenteŋ na nna na. Men baa yil kumo to kpakpa.

Juud 1:20

Ama menyi ere, n teri lelaana, men baa wora ania ga a chɛ abar to a yɔ anishito ashi abɔrɛsheŋ cheembi nɛ men yirda ga na to nsaa kule Ebɔrɛ ashi Kiyoyu Cheeŋ na to.