1 Kɔrintebi 14:27 - EBƆRƐ BE KAWƆL

²⁷ Nɛ basa baa shin nɛ b gbar ŋgbar mo nɛ b maa nu, men shin nɛ k baa la fanɛ basa anyɔ ŋko b baa shi ga, b baa la basa asa ŋ gbar amo kukoko to nɛ esa ko malɛ e kute amo be afito.

1 Kɔrintebi 14:27 ပူးပေါင်းရင်းမြစ်များ

1 Kɔrintebi 12:10

Eko malɛ e bee sa mo kakɛ nna nɛ e baa wora emamachisheŋ, eko malɛ nɛ e sa mo kewuŋkaŋɛ be kakɛ, n sa eko malɛ kanyiasheŋ mo nɛ k bee shin nɛ esa bee pin ayoyu to be kakɛ, eko malɛ nɛ e sa mo ŋgbar mo nɛ e maa nu be nnaŋ to be ketiŋ ŋ gbar be kakɛ, nseŋ sa eko malɛ ŋgbar mo nɛ e maa nu be afito be kekute be kakɛ.

1 Kɔrintebi 14:13

Amoso, ekama nɛ e bee gbar ŋgbar mo nɛ e maa nu, e baa kule Ebɔrɛ fanɛ e shin nɛ e baa tiŋ a kute amo be afito.

1 Kɔrintebi 14:2

Ŋkpal manɛ so, esa kama nɛ e bee gbar ŋgbar mo nɛ e maa nu na, maa gbar amo nna a sa basa, Ebɔrɛ nɛ e bee gbar amo a sa, ŋkpal manɛ so, esa kama maa nu amo. E bee bɔla Kiyoyu na to nna a malga wuloso be mmalga.

1 Kɔrintebi 14:26

To, ŋ kurgepoana, naniere manɛ e naŋ ka nɛ an kaŋɛ? Men baŋ ba shɛr asɔri to, eko beeŋ baa kɔ kapandi be kashɛ ŋko keŋini ko ŋko kelaraŋŋini be kesheŋ ko ŋko ŋgbar nɛ e maa nu be kegbar ŋko amo be kifito be kekute. A daga fanɛ men baa wora ade kikɛ nɛ asɔriebi na e nya kechɛto n yɔ anishito.

1 Kɔrintebi 14:28

Nɛ esa nɛ e beeŋ tiŋ ŋ kute ŋgbar na be afito maŋ wɔtɔ, egbarpo na e lo mbe kɔnɔ asɔri na to nseŋ malga mo gbagba be kumu to nɛ Ebɔrɛ kutɔ.

1 Kɔrintebi 14:5

Nɛ men kikɛ daa gbar ŋgbar pɔtɛana nna, k daa beeŋ par ma, ama kusɔ nɛ k chɔ loŋ e la men kikɛ ka daa beeŋ baa tiŋ a wu abɔrɛsheŋ to a kaŋɛ. Ŋkpal manɛ so, esa nɛ e bee wu abɔrɛsheŋ to a kaŋɛ, chɔ esa nɛ e bee gbar ŋgbar mo nɛ e maa nu, ama esa ko baa wɔ ndoŋ a beeŋ tiŋ ŋ kute ŋgbar na be afito nɛ asɔri na to ebi kikɛ e nya kechɛto n yɔ anishito.