1 Kɔrintebi 14:15 - EBƆRƐ BE KAWƆL

¹⁵ To, naniere, nuso nɛ meeŋ baa wora? Meeŋ baa ta ma kiyoyu a kule Ebɔrɛ nseŋ naa ta ma nfɛra gba a kule Ebɔrɛ. Meeŋ baa ta ma kiyoyu a boŋ nshɛ nseŋ naa ta ma nfɛra gba a boŋ amo.

1 Kɔrintebi 14:15 ပူးပေါင်းရင်းမြစ်များ

Nshɛ 47:7

Ŋkpal manɛ so mo, e la durnya kikɛ be ewura nna. Amoso men boŋ nshɛ n di mo epaŋ.

Ashuŋ Shunso 21:22

Bumo be kenu fanɛ fo ba malɛ baŋ fuli nna, amoso, nuso nɛ anyeeŋ wora?

Romebi 1:9

Ebɔrɛ nɛ n ta ma kagbene kikɛ nyam a bɔ mo Pibinyɛn be baru lela na gbagba e la ma shɛdajipo a nyi menyi be asheŋ ka baa wɔ ma kagbene to ashi ma kabɔrɛkule to saŋkikɛ.

Romebi 3:5

Kesheŋ bishiso ko malɛ nde fanɛ: “Nɛ fanɛ anyi be asheŋ lubi bee shin nɛ basa bee wu Ebɔrɛ be alelasheŋ, nuso nɛ an naa kaŋɛ ere? An kaŋɛ fanɛ nɛ Ebɔrɛ bar mbe agbo anyi so, e maŋ wora n nyalɛ ŋko?” Nyiŋgbasa be kamɔrɔji be kamalga nɛ mee malga na.

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

1 Kɔrintebi 10:19

To, nuso nɛ mee ber ere, fanɛ kalɔŋɛjibi e la kusɔ ko ŋko kegbir bre e la kusɔ ko?

1 Kɔrintebi 14:14

Ŋkpal manɛ so, nɛ m baa kule Ebɔrɛ ŋgbar mo nɛ m maa nu to, ma kiyoyu e naa kule, ama ma nfɛra bre maa wora shɛŋ shɛŋ.

1 Kɔrintebi 14:19

Ama nɛ m baa wɔ asɔri to mee kaa sha kemalga mmalga anu mo nɛ basa beeŋ tiŋ n nu to nna nɛ n ta amo ŋ ŋini basa na asɔ, a chɔ ŋ ka gbar mmalga ŋgboŋ kudu mo nɛ a wɔ ŋgbar mo nɛ b maa nu to.

1 Kɔrintebi 14:26

To, ŋ kurgepoana, naniere manɛ e naŋ ka nɛ an kaŋɛ? Men baŋ ba shɛr asɔri to, eko beeŋ baa kɔ kapandi be kashɛ ŋko keŋini ko ŋko kelaraŋŋini be kesheŋ ko ŋko ŋgbar nɛ e maa nu be kegbar ŋko amo be kifito be kekute. A daga fanɛ men baa wora ade kikɛ nɛ asɔriebi na e nya kechɛto n yɔ anishito.

Ɛfesesebi 6:18

Jemanɛ kikɛ, men baa kule Ebɔrɛ ashi kiyoyu na to a ta kabɔrɛkule be yiri kikɛ nɛ asheŋ nɛ menyee sha fanɛ a wora kikɛ a kule Ebɔrɛ. Men baa kɔ le be asheŋ ere men be ŋgbene to nsaa keni so a de so nsaa kule Ebɔrɛ saŋkama a sa Ebɔrɛ be basa kikɛ.

Filipaiebi 1:18

Ama le be asheŋ ere malɛ tir nna a? Ayai, a maŋ tir, kumo alɛ bee par ma, ŋkpal manɛ so, nɛ basa kɔ kebirkɔnshi be nfɛra nna a bɔ kubɔya na ŋko b kɔ nfɛra lela nna a bɔ kumo, kusɔ nɛ k bee lar amo kikɛ to e la fanɛ baa bɔ Kristo be asheŋ nna a sa basa. Kumo be loŋ malɛ so nɛ ma kagbene bee fuli ma na.

Kɔlɔsiebi 3:16

Men bɛ kubɔya nɛ Yesu Kristo sa anyi na so saŋkama, men baa kɔ kanyiasheŋ a ŋini abar a leŋ abar to a boŋ Ebɔrɛ be kawɔl to be nshɛ nɛ Ebɔrɛ be basa be kapandi be nshɛ nɛ Kiyoyu Cheeŋ na bee ŋini na a di Ebɔrɛ epaŋ men be ŋgbene to.

Jeems 5:13

Nɛ tɔrɔ kɔ menyi to be ekama, e kule Ebɔrɛ nɛ e chɛ mo to. Nɛ ekama malɛ nɛ kagbenefuli wɔ mo to, e boŋ nshɛ n di Ebɔrɛ epaŋ.

Juud 1:20

Ama menyi ere, n teri lelaana, men baa wora ania ga a chɛ abar to a yɔ anishito ashi abɔrɛsheŋ cheembi nɛ men yirda ga na to nsaa kule Ebɔrɛ ashi Kiyoyu Cheeŋ na to.