1 Kɔrintebi 14:12 - EBƆRƐ BE KAWƆL

¹² Loŋ nɛ k du n sa menyi alɛ gba. Amoso, ŋkpal men ka bee kɔ a fin kenya ŋkɛ mo nɛ Kiyoyu na bee sa so, men baa pere kenishi a nya ŋkɛ mo nɛ a bee shin nɛ asɔri na bee yɔ anishito ga na.

1 Kɔrintebi 14:12 ပူးပေါင်းရင်းမြစ်များ

Romebi 14:19

Amoso, men shin nɛ an baa wora ania saŋkikɛ a wora asheŋ nɛ a bee bar kagbenewushi nɛ asheŋ nɛ a beeŋ tiŋ n chɛ to n shin nɛ an baa leŋ abar to.

1 Kɔrintebi 12:31

Amoso, men baa ta men be ŋgbene kikɛ a fin ŋkɛ mo nɛ a walɛ ga na. Ma alɛ beeŋ ŋini menyi ekpa mo nɛ k beeŋ yɛr menyi anishito n ti so.

1 Kɔrintebi 12:7

Kiyoyu na bee bɔla ekpa pɔtɛana so nna a lara mbe kumu a ŋini ekama nɛ mbe basa kikɛ e nya kechɛto,

1 Kɔrintebi 14:1

Amoso, men baa kɔ a fin kasha nseŋ ta menyi be ŋgbene kikɛ n fin ŋkɛ mo nɛ a shi Kiyoyu na kutɔ na, fɔnfɔŋ kewu abɔrɛsheŋ ŋ kaŋɛ be kakɛ na.

1 Kɔrintebi 14:13

Amoso, ekama nɛ e bee gbar ŋgbar mo nɛ e maa nu, e baa kule Ebɔrɛ fanɛ e shin nɛ e baa tiŋ a kute amo be afito.

1 Kɔrintebi 14:26

To, ŋ kurgepoana, naniere manɛ e naŋ ka nɛ an kaŋɛ? Men baŋ ba shɛr asɔri to, eko beeŋ baa kɔ kapandi be kashɛ ŋko keŋini ko ŋko kelaraŋŋini be kesheŋ ko ŋko ŋgbar nɛ e maa nu be kegbar ŋko amo be kifito be kekute. A daga fanɛ men baa wora ade kikɛ nɛ asɔriebi na e nya kechɛto n yɔ anishito.

1 Kɔrintebi 14:5

Nɛ men kikɛ daa gbar ŋgbar pɔtɛana nna, k daa beeŋ par ma, ama kusɔ nɛ k chɔ loŋ e la men kikɛ ka daa beeŋ baa tiŋ a wu abɔrɛsheŋ to a kaŋɛ. Ŋkpal manɛ so, esa nɛ e bee wu abɔrɛsheŋ to a kaŋɛ, chɔ esa nɛ e bee gbar ŋgbar mo nɛ e maa nu, ama esa ko baa wɔ ndoŋ a beeŋ tiŋ ŋ kute ŋgbar na be afito nɛ asɔri na to ebi kikɛ e nya kechɛto n yɔ anishito.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.