1 Kɔrintebi 13:9 - EBƆRƐ BE KAWƆL

⁹ Ŋkpal manɛ so, anyi be kanyiasheŋ ere nɛ anyi be kewuŋkaŋɛ ere maŋ naŋ bɔlɔ so n loge.

1 Kɔrintebi 13:9 ပူးပေါင်းရင်းမြစ်များ

Job be kawɔl 26:14

Ade bre la Ebɔrɛ be eleŋgboŋ na be ashuŋ wurbi nna na. To, wanɛ e naŋ tiŋ m pin kananɛ Ebɔrɛ be keshi gbagba du?”

Nshɛ 139:6

Kananɛ fo nyi ma na la mamachi nna; m maaŋ tiŋ m pin kumo to.

Nshɛ 40:5

Enyɛnpe Ebɔrɛ, fo wora emamachisheŋ damta. Ŋkre nɛ fo kɔ n sa anyi shi m pɔɔ anyi be nfɛra so. Esa kama maŋ du fanɛ fo. M maaŋ tiŋ ŋ kute fo asheŋ woraso kikɛ.

Aŋasa 30:4

Wanɛ e dii n yɔ Ebɔrɛ so m bɛta m ba? Wanɛ e tiŋ m pɛ afu n wɔtɔ enɔ to? Ŋko ŋ gbargbar nchu n wɔtɔ mbe kusɔbuuso to? Wanɛ e ta kasawule n yili kumo be eyilikpa? Loŋ be esa be ketre ŋko mo pibi be ketre e la nuso? Nɛ fo nyi, fo kaŋɛ ma.

Matiu 11:27

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.

Romebi 11:34

Loŋ malɛ nɛ abɔrɛsibɛ na bee kaŋɛ na: “Wanɛ e nyi Enyɛnpe be kagbene to wanɛ e naaŋ tiŋ n sa mo nfɛra ashi mbe asheŋ woraso to?

1 Kɔrintebi 13:10

Ama kusɔ nɛ k bɔlɔ so kaŋ ba, kusɔ nɛ k maŋ bɔlɔ so beeŋ choŋ.

1 Kɔrintebi 13:12

Naniere bre anyee wu asɔ nna lii fanɛ an ka bee keni digi to na. Ama saŋko anyeeŋ wu kusɔ kama kenishiso nɛnɛ. Naniere n nyi asheŋ to gbrɛbi nna, ama saŋko meeŋ pin kusɔ kama to nɛnɛ n loge fanɛ kananɛ Ebɔrɛ nyi ma to na.

1 Kɔrintebi 2:9

Ama abɔrɛsibɛ na malɛ bee kaŋɛ fanɛ: “Esa kikɛ maŋ naŋ wu ŋko n nu ŋko n fɛ m pin kusɔ nɛ Ebɔrɛ bela ase n yili basa nɛ baa sha mo na.”

1 Kɔrintebi 8:2

Esa baa fɛ fanɛ e nyi kusɔ ko, kumo ere e maŋ naŋ pin kusɔ na to fanɛ kananɛ k daga fanɛ e baa nyi kumo.

Ɛfesesebi 3:8

Kashenteŋto nna fanɛ m maŋ fo Ebɔrɛ be basa to be ekekarso gba kuraa, ama Ebɔrɛ ta le be kuwɔr be kakɛ ere nna n sa ma nɛ m bɔ Kristo be enɛfa damta be baru lela na n sa nnyamase

1 Jɔn 3:2

N teri shasoana, naniere an la Ebɔrɛ be mbia nna na, ama kananɛ anyeeŋ ba kaa du kachako so bre e maŋ naŋ lar efuli. Kusɔ nɛ an baa nyi kikɛ e la fanɛ Kristo kaŋ ba lar efuli, anyeeŋ baa du fanɛ mo gbagba nna, ŋkpal manɛ so, anyeeŋ wu mo kananɛ e baa du.