1 Kɔrintebi 13:7 - EBƆRƐ BE KAWƆL

⁷ Kasha wɔ esa to e maa gben a yige kusɔ kama to, e bee yirda kusɔ kama nna a tama kusɔ kama nsaa yil to kanyitiso malɛ saŋkama.

1 Kɔrintebi 13:7 ပူးပေါင်းရင်းမြစ်များ

Jɛnesis 29:20

Amoso nfɛnshunu nɛ Jeekɔb daŋ shuŋ ŋkpal Reechel so, ama nfɛnshunu na daa du fanɛ nchɛ gbrɛbi ko nna ŋkpal kasha nɛ e daa kɔ n sa Reechel na so.

Job be kawɔl 13:15

Hale nɛ Ebɔrɛ bee sha kemɔ ma gba, ŋ kraa beeŋ yirda mo.

Nshɛ 119:66

Sa ma kanyiasheŋ nɛ nfɛra lela, ŋkpal manɛ so, fo mbraana nɛ n yirda.

Aŋasa 10:12

Kekishi bee bar kamɔrɔji nɛ kebagato nna, ama kasha bre bee kplaŋ aworandeso kikɛ so nna.

Matiu 10:22

Ekama beeŋ kishi menyi ŋkpal ma so, ama esa kama nɛ e ji kanyiti n ya fo lalaloge na beeŋ nya kumɔlga.

Maak 9:23

Nɛ Yesu kaŋɛ mo: “Fo yɛ meeŋ tiŋ? Shɛŋ shɛŋ maaŋ baa du kpakpa n sa esa nɛ e kɔ yirda!”

Romebi 15:1

A daga fanɛ anyi, bumo nɛ an kɔ eleŋ yirda na to na e baa chɛ bepɔshipo na to a keni bumo be asheŋ nɛ a bee pɔɔ bumo so to. An sa maa wɔtɔ a de anyi gbagba be aparsheŋ so.

Romebi 8:24

Tama so nɛ Ebɔrɛ mɔlga anyi, ama nɛ esa tea wu kusɔ nɛ e bee tama bre, kumo ere mannɛ tama e naa la na, ŋkpal manɛ so, esa mo e naa wu kusɔ nsaa kaŋɛ fanɛ e bee tama kumo be kenya a wora fanɛ e ka maŋ naŋ wu kumo na?

1 Kɔrintebi 13:4

Kasha la kanyiti nna nɛ kebaala esa. Kasha maa besa eyur, kumo alɛ maa maŋ kumu so. K maŋ la kumu be ketinto ŋko nfɛlso be kebaawɔtɔ.

1 Kɔrintebi 9:12

Nɛ beko baa kɔ ekpa fanɛ b baa nya le be kechɛto ashi menyi kutɔ, a maŋ daga fanɛ an baa kɔ loŋ be ekpa a chɔ bumo a? Ama anyi alɛ daa maŋ ŋini loŋ be ekpa nɛ an kɔ na. An daŋ ji kanyiti ashi kusɔ kama to nna, saŋɛ na so anyi maaŋ shin nɛ shɛŋ shɛŋ e kagle Kristo be baru lela na ekpa.

Galeeshaebi 6:2

Men baa chɛ abar to ashi men be asheŋ tirso to, loŋ na menyeeŋ baa bɛ Kristo be mbra na so.

Ditɛronɔmi 1:9

Ndoŋ nna nɛ Mosis kaŋɛ basa na le: “An ka daa wɔ kebee nɛ baa tre Sainai na ase na, n daŋ kaŋɛ menyi fanɛ kebaajuŋkpar menyi be kushuŋ na shi ga n sa ma. N nawule maaŋ tiŋ a shuŋ kumo.

Ditɛronɔmi 22:27

Kupuŋ to nɛ enyɛn na ya pur eche na. Hale e boŋ to a fin kechɛto gba, e maaŋ nya esa nɛ e chɛ mo to ndoŋ.

2 Tɛsalɔnikaebi 1:4

Amoso nɛ anyi gbagba wɔ Ebɔrɛ be asɔriana to a ji njɔŋ ŋkpal menyi so na. Men be yirda nɛ kanyiti nɛ men kɔ a wɔ awurfoŋ nɛ tɔrɔ damta ere to so nɛ anyee ji njɔŋ loŋ na.

2 Timoti 2:24

A maŋ daga Enyɛnpe malɛ be kenya ka bee kɔ nlu. A daga fanɛ e baa la esa basa kikɛ kutɔ nseŋ naa la eŋinipo lela nɛ e kɔ kanyiti

2 Timoti 3:11

Fo alɛ kraa naa nyi etɔrɔ nɛ awurfoŋ nɛ n nya ashi Antiɔk nɛ Ikoniam nɛ Listra be asheŋ. N nyiti amo nɛ Enyɛnpe malɛ lara ma amo kikɛ to.

2 Timoti 4:5

Fo ere, baa kɔ fo kumu to nɛnɛ kusɔ kama to. Baa ji tɔrɔ be kanyiti nsaa wora kushuŋ nɛ k daga fanɛ baru lela be emalgapo kaa bee wora. Baa shuŋ kushuŋ nɛ Ebɔrɛ ta m bɔɔ fo enɔ na kikɛ nyam.

Hibruwebi 13:13

Amoso, men shin nɛ an lar keeyi na to n yɔ mo kutɔ n ya tu mo n ji mbe ŋaba nɛ b ŋaba mo na.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

1 Pita 2:24

Mo ere gbagba e ta mbe eyur n ta an be alubi n yɔ kedibi largato na so nɛ an baa la basa nɛ b wu alubi be kaplɛa so nsaa wɔtɔ ŋkpal alelasheŋ so. Mbe eyur be kemurgi so nɛ men nya kechɛ.

1 Pita 4:8

Ade kikɛ be kaman, men baa sha abar kashenteŋto, ŋkpal manɛ so, kasha e naa buu alubi damta so.