1 Kɔrintebi 13:6 - EBƆRƐ BE KAWƆL

⁶ Kasha wɔ esa to, mbe kagbene maa fuli mo ŋkpal kulubi so, kashenteŋ e naa fuli mbe kagbene.

1 Kɔrintebi 13:6 ပူးပေါင်းရင်းမြစ်များ

Nshɛ 10:3

Belubiworapo bee ji njɔŋ nna ŋkpal bumo be aparsheŋ lubi so. Nɛ kejimuniwuraana malɛ kishi fo nsaa shoduu fo.

Nshɛ 119:136

Mee kaa shu anishichubi nna, ŋkpal basa ka maa wora fo mbraana kasonu so.

Ɛksodɔs 18:9

Jetro ka nu asɔ lela damta nɛ Enyɛnpe Ebɔrɛ wora n sa Israɛlebi saŋɛ nɛ e daŋ sɔ bumo ashi Ijiptebi na be enɔ to na be asheŋ ere nɛ mbe kagbene fuli mo ga.

Aŋasa 14:9

Ewulpo nɛ asheŋ lubi maa fɔŋ, ama esa lela bre bee fin asheŋ be kelɔŋɛ nna.

Jɛremaya 13:17

Ama nɛ men kini kenu n sa ma bre, meeŋ kpal menyi be kamoowuso n shu ashiri to. Meeŋ shu kenishipereso nɛ anishichubi a lar ma anishi to ŋkpal b ka beeŋ pɛ menyi nɛ men la Enyɛnpe Ebɔrɛ be basa n yɔ efuli pɔtɛana so fanɛ anya so.

Jɛremaya 20:10

Mee nu ekama ka bee kuli a kaŋɛ le: “Kufugboŋ e sɔ kaplɛkama! Amoso men shin nɛ an potii Jɛremaya n sa benimuana na!” N teri kpakpasoana gba bee jo nna nɛ n wora n da so. Kusɔ nɛ baa kaŋɛ e la fanɛ: “Ashere esa beeŋ tiŋ n fule Jɛremaya nɛ e wora n da so nɛ an nya mo m pɛ ŋ ka mo kukɔ.”

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Hoziya 4:8

Alubi nɛ ma basa bee wora na so nɛ menyeeŋ bɔla n dii dama. Amoso nɛ men shin nɛ baa wora alubi a ti so saŋkama na.

Hoziya 7:3

Enyɛnpe Ebɔrɛ yɛ: “Basa na bee bɔla bumo be ŋkre lubi so nna a fule ewura na nɛ mbe benimuana.

Maika 7:8

N doŋana, men sa maŋ shin nɛ menyi be ŋgbene e fuli nɛ men baa ji njɔŋ ma so. Hale nɛ n tɔr gba, ŋ kraa beeŋ koso. Nɛ n chena tentembiri to gba, Enyɛnpe Ebɔrɛ na e la ma kefulto.

Matiu 18:13

Ma e kaŋɛ menyi kashenteŋto na fanɛ, nɛ e baŋ ya wu kumo, mbe kagbene beeŋ fuli mo kukoŋwule na so a chɔ adekpanu nɛ akpanu nɛ a maŋ bɔla kakpa ko n foe kikɛ na.

Luuk 22:5

B ka nu loŋ na nɛ bumo be ŋgbene fuli bumo ga nɛ bumo nɛ mo ji amansherbi nɛ baaŋ sa mo be asheŋ n yili.

Romebi 1:32

B nyi Ebɔrɛ be mbra na ka bee kaŋɛ fanɛ bekama nɛ b wɔ le be kebaawɔtɔ ere to daga luwu, ama b kraŋ pere kenishi nna a wora amo nsaa leŋ basa pɔtɛ gba to a wɔtɔ loŋ be asheŋ na be kewora to.

Romebi 12:9

Men shin nɛ menyi be kasha e baa la kashenteŋ be kasha. Men baa kishi alubisheŋ nsaa far a chɛ alelasheŋ.

Filipaiebi 1:18

Ama le be asheŋ ere malɛ tir nna a? Ayai, a maŋ tir, kumo alɛ bee par ma, ŋkpal manɛ so, nɛ basa kɔ kebirkɔnshi be nfɛra nna a bɔ kubɔya na ŋko b kɔ nfɛra lela nna a bɔ kumo, kusɔ nɛ k bee lar amo kikɛ to e la fanɛ baa bɔ Kristo be asheŋ nna a sa basa. Kumo be loŋ malɛ so nɛ ma kagbene bee fuli ma na.

Filipaiebi 1:4

Saŋkama malɛ ashi ma kabɔrɛkule nɛ mee kule a sa menyi kikɛ to, ŋ kɔ kagbenefuli nna a kule a sa menyi kikɛ,

Filipaiebi 3:18

Ŋkpal manɛ so, loŋ koŋwule na gbagba nɛ mee kaa kaŋɛ menyi nsaa sha kenaŋ n lɔŋɛ n ta anishichubi ŋ kaŋɛ menyi n ti so na fanɛ basa damta be kebaawɔtɔ du fanɛ b ka bee kishi Kristo be kedibi largato na be asheŋ nna.

2 Tɛsalɔnikaebi 2:12

Bekama malɛ nɛ b maŋ yirda kashenteŋ na nseŋ ta alubi ŋ ki bumo be aparsheŋ na kikɛ beeŋ mur.

2 Jɔn 1:4

Kowurche, ŋ ka pin fanɛ fo mbia ko wɔ kashenteŋ be kebaawɔtɔ na to fanɛ kananɛ Ebɔrɛ Etuto na nase na, ma kagbene fuli ma paa.