1 Kɔrintebi 13:2 - EBƆRƐ BE KAWƆL

² Hale nɛ m baa kɔ abɔrɛsheŋ be kewuŋkaŋɛ be kakɛ nsaa tiŋ a pin ewulosheŋ kikɛ nɛ kanyiasheŋ kikɛ to nsaa kɔ yirda kikɛ ma to a tiŋ a tia abee ŋkaa maa kɔ kasha bre, m maŋ la shɛŋ.

1 Kɔrintebi 13:2 ပူးပေါင်းရင်းမြစ်များ

Matiu 13:11

Nɛ Yesu kaŋɛ bumo le: “Ebɔrɛ bugi mbe kuwura na to be kesheŋ ŋini be ewulo nna n sa menyi, ama e maŋ wora loŋ n sa basa pɔtɛ bre.

Matiu 17:20

Nɛ Yesu kaŋɛ bumo: “Men be yirda ka maŋ shi so nɛ men maŋ tiŋ na. Ma e kaŋɛ menyi kashenteŋto na fanɛ nɛ men be yirda baa du fimbi fanɛ kakilia be kebi gba, menyeeŋ tiŋ ŋ kaŋɛ kebee ere le: ‘Pulgi fo kumu nfe n yɔ ndoŋ ere!’ Nɛ k pulgi. Shɛŋ shɛŋ maaŋ baa du menyi so kpakpa.

Matiu 21:19

Ndoŋ nna nɛ e wu figi be kedibi ko ka yil ekpakar nɛ e yɔ kumo ase, ama e maŋ ya nya shɛŋ kumo so, afantaŋ nawule nɛ e wu. Nɛ e kaŋɛ kumo le: “Fo maaŋ naŋ sɔr asɔrso kikɛ!” Epul na to nɛ kedibi na wɔl.

Matiu 21:21

Nɛ Yesu kaŋɛ bumo: “Ma e kaŋɛ menyi kashenteŋto na fanɛ nɛ men baa kɔ yirda a maa wora shikashika, mannɛ kusɔ nɛ k wora figi be kedibi na nawule nɛ menyeeŋ tiŋ n wora, ama menyeeŋ tiŋ ŋ kaŋɛ kebee ere le: ‘Pulgi n ta fo kumu n ya lɛ teku to’, nɛ loŋ e wora.

Ashuŋ Shunso 13:1

Anebiana nɛ beŋinipo ko daa wɔ Antiɔk be asɔriebi na to. Bumo be atreana e daa la Baanabas nɛ Saimɔn, emo nɛ baa tre esa lembir na nɛ Sairini be Lisias nɛ Maneeyen, emo nɛ b daŋ bela mo nɛ Gomena Hɛrɔd na nɛ Sɔɔl.

Romebi 11:25

Ŋ kurgepoana, kashenteŋ be wulo ko wɔtɔ nɛ mee sha fanɛ men pin kumo, saŋɛ na so men maaŋ ta menyi be amu fanɛ basa nyiashempo. Kumo nde fanɛ kumu kpakpaso be kebaawɔtɔ nɛ k ba Israɛlebi so na maŋ ba nna nɛ k ba kaa wɔtɔ mbaanaayɔ, kumo be ekar e la saŋɛ nɛ nnyamase nɛ baaŋ nya kumɔlga na kikɛ ya loge nyam.

Romebi 15:14

Ŋ kurgepoana, ma alɛ gba baa nyi geeŋ fanɛ alelasheŋ e baŋ bɔlɔ menyi alɛ gbagba to nseŋ naa nyi fanɛ men kɔ kanyiasheŋ kikɛ nɛ men gbagba e tiŋ ŋ ŋini abar asheŋ.

Romebi 16:25

Kemaŋkura e baa wɔ Ebɔrɛ nɛ e beeŋ shin nɛ men baa kɔ menyi be yirda na to a yil kpakpa ŋkpal baru lela nɛ m bɔ n sa menyi m malga Kristo be kubɔya na be asheŋ na so nɛ ŋkpal kashenteŋ be wulo nɛ k daŋ ŋana dra dra na kikɛ so.

1 Kɔrintebi 11:4

Amoso, enyɛn kama nɛ e bee ta kusɔ a buu mbe kumu so nsaa kule Ebɔrɛ ŋko nsaa wu abɔrɛsheŋ to a malga basa to bee ŋaba mbe kumu nna na.

1 Kɔrintebi 12:28

Asɔri na to, basa nɛ Ebɔrɛ juŋkpar n lara e la beshuŋipo, bumo nɛ b bɛ so e la abɔrɛsheŋ be bewuŋkaŋɛpo, besasopo e la beŋinipo, n ta emamachishumpoana m bɛ so, n ta bechɛpo nɛ bechɛtopo nɛ bumo nɛ baa keni ashuŋ be asheŋ to so m bɛ so nseŋ ta bumo nɛ baa gbar ŋgbar mo nɛ bumo gbagba maa nu m bɛ so.

1 Kɔrintebi 13:1

Nɛ m baa tiŋ a gbar basa nɛ emalaika gba be ŋgbar ŋkaa maa kɔ kasha, kumo ere m baa du fanɛ kakure bureso nna ŋko awɔr fuloŋ.

1 Kɔrintebi 13:3

Nɛ m baa tiŋ a ta kusɔ nɛ ŋ kɔ a kɛ basa ŋkaa beeŋ naŋ tiŋ n ta ma eyur n sa fanɛ b chɔɔ edɛ ŋkpal ma yirda so, ma alɛ ŋkaa maa kɔ kasha bre, kumo ere m maŋ nya tɔnɔ kikɛ.

1 Kɔrintebi 13:8

Kasha maa loge kikɛ. Ama kewuŋkaŋɛana bre nɛ ŋgbar pɔtɛana be kegbar nɛ kanyiasheŋ bre kikɛ beeŋ ba choŋ.

1 Kɔrintebi 14:29

Kekama malɛ to a daga fanɛ abɔrɛsheŋ be bewuŋkaŋɛpo anyɔ ŋko besa e malga abɔrɛsheŋ nɛ bumo nɛ bumo alɛ ka na e belsi asheŋ nɛ bumo na kute na.

1 Kɔrintebi 14:39

Amoso, ŋ kurgepoana, men baa kɔ a fin kewu abɔrɛsheŋ ŋ kaŋɛ, menyi alɛ e sa maa kuŋ ŋgbar mo nɛ amo be begbarpo maa nu amo be kegbar ekpa ashi menyi to.

1 Kɔrintebi 14:4

Esa kama nɛ e bee gbar ŋgbar mo nɛ e maa nu, bee chɛ mo nawule be kumu to nna nɛ e yɔ anishito, ama ekama nɛ e bee wu abɔrɛsheŋ to a kaŋɛ bre, bee chɛ asɔri to ebi na kikɛ to nna nɛ b yɔ anishito.

1 Kɔrintebi 15:51

Men keni nɛ ŋ kaŋɛ menyi wulo to be kesheŋ ko fanɛ mannɛ anyi kikɛ e naaŋ wu, ama anyi kikɛ beeŋ chɛrga.

1 Kɔrintebi 16:22

Ekama nɛ e maa sha Enyɛnpe na, kɔnɔso e baa wɔ amodoŋwura na so. An Nyɛnpe e naaŋ bɛta m ba.

1 Kɔrintebi 4:1

Kananɛ k daga fanɛ men baa ta anyi e la fanɛ an la Kristo be anya nna nɛ Ebɔrɛ ta mbe ewulosheŋ m bɔɔ anyi enɔ.

1 Kɔrintebi 7:19

Nɛ b ku esa ŋko b maŋ ku mo, k maŋ la shɛŋ. Kusɔ nɛ k tir e la fanɛ men baa bɛ Ebɔrɛ be mmalga naseso so.

1 Kɔrintebi 8:4

To, naniere an keni nlɔŋɛjibiana be asheŋ to. An baa nyi fanɛ kegbir la kusɔ nɛ k maŋ kɔ ŋkpa kumo to nna a wɔtɔ, anyi alɛ nseŋ naa nyi fanɛ Ebɔrɛ koŋwule e wɔtɔ, ekama maŋ naŋ ti mo so.

2 Kɔrintebi 12:11

Mee wora asheŋ fanɛ ewulpo nna, ama menyi e shin nɛ ŋ ki loŋ. Menyi e daŋ daga fanɛ men baa chɔrɔ ma. Ŋkpal manɛ so, nɛ m maŋ la shɛŋ gba, beshuŋipo nɛ menyee tre beshuŋipogboŋ ere maŋ bɔ ma.

Galeeshaebi 5:16

Amoso, mee kaŋɛ menyi nna na fanɛ men baa wɔ Kiyoyu na be kebaawɔtɔ to nsaa maa wora kapɔr lubi ere be ayɛlgasheŋ.

Galeeshaebi 5:22

Ama nɛ Kiyoyu na baa wɔ esa to, le be asɔ lela ere e du fanɛ kusɔrso a wɔ amodoŋwura to nɛ e bee wora: Kasha nɛ kagbenefuli nɛ kagbenewushi nɛ kanyiti nɛ kebaala esa nɛ alelasheŋ nɛ kebaayɛ a wora

Galeeshaebi 6:3

Nɛ ekama nɛ e bee fɛ fanɛ e la esagboŋ ko nna, mo alɛ ŋkaa maa la shɛŋ, bee fule mo gbagba be kumu nna na.

Ɛfesesebi 3:4

Nɛ menyi alɛ baŋ kraŋ kawɔl ere, menyeeŋ pin kananɛ ma nfɛra sa ashi Kristo be wulo be kesheŋ ere be kaplɛa so.

Ɛfesesebi 6:19

Men baa kule Ebɔrɛ a sa ma alɛ gba fanɛ saŋkama nɛ m bugi kɔnɔ nɛ m malga abɔrɛsheŋ na, Ebɔrɛ beeŋ sa ma mmalga nɛ m bugi baru lela na be wulo na to be asheŋ kenyɛnso n sa basa.

Kɔlɔsiebi 1:26

Kubɔya na daa la wulo be kubɔya nna, kumo alɛ be saŋɛ na Ebɔrɛ daa maŋ bugi kumo to ŋ kaŋɛ basa, ama naniere e bugi kumo to ŋ kaŋɛ mbe basa.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

1 Jɔn 4:8

Ama ekama nɛ e maŋ kɔ kasha maŋ nyi Ebɔrɛ, ŋkpal manɛ so, Ebɔrɛ e la kashawura.