1 Kɔrintebi 13:11 - EBƆRƐ BE KAWƆL

¹¹ Ŋ ka daa la kebia, n daa malga fanɛ kebia nna a fɛ nfɛra fanɛ kebia a pin asheŋ to fanɛ kebia. Ama ŋ ka ba ki enimu nɛ n yige mbibisheŋ ma asheŋ to.

1 Kɔrintebi 13:11 ပူးပေါင်းရင်းမြစ်များ

Kaŋinichiŋgeliŋ 11:10

Sa maŋ shin kusɔ kama e baa fɔŋ fo ŋko a tɔrɔ fo ashi fo kagbene to, ŋkpal manɛ so, kebifɔlbiya nɛ kumo be asheŋ woraso maa chɛr nsaa choŋ.

Matiu 16:7

Ndoŋ nna nɛ b fara a malga kumo be asheŋ a sa abar: “An ka maŋ bar bodobodo so nɛ e bee malga loŋ na.”

1 Kɔrintebi 13:10

Ama kusɔ nɛ k bɔlɔ so kaŋ ba, kusɔ nɛ k maŋ bɔlɔ so beeŋ choŋ.

1 Kɔrintebi 13:12

Naniere bre anyee wu asɔ nna lii fanɛ an ka bee keni digi to na. Ama saŋko anyeeŋ wu kusɔ kama kenishiso nɛnɛ. Naniere n nyi asheŋ to gbrɛbi nna, ama saŋko meeŋ pin kusɔ kama to nɛnɛ n loge fanɛ kananɛ Ebɔrɛ nyi ma to na.

1 Kɔrintebi 14:20

Ŋ kurgepoana, men sa maa fɛ nfɛra fanɛ mbia. Alubi bre be kewora be kaplɛa so men baa la mbia, ama men be nfɛra bre to, men baa la basa kpar.

Galeeshaebi 4:1

Kusɔ nɛ mee kaŋɛ nde fanɛ, nɛ esa pibi nɛ e beeŋ ba kaa wɔ mo tuto be asɔ kraa la kebibi, e maŋ la shɛŋ. Mo nɛ laŋ na to be kenya maŋ kɔr abar to, ŋkeshin nɛ mo alɛ e wɔ mo tuto be asɔ na kikɛ.

1 Samuɛl 3:7

Samuɛl daa maŋ nyi fanɛ Enyɛnpe Ebɔrɛ na e naa malga mo kutɔ, ŋkpal manɛ so Enyɛnpe Ebɔrɛ na daa maŋ naŋ lara mbe kumu ŋ ŋini mo.