1 Kɔrintebi 13:1 - EBƆRƐ BE KAWƆL

¹ Nɛ m baa tiŋ a gbar basa nɛ emalaika gba be ŋgbar ŋkaa maa kɔ kasha, kumo ere m baa du fanɛ kakure bureso nna ŋko awɔr fuloŋ.

1 Kɔrintebi 13:1 ပူးပေါင်းရင်းမြစ်များ

Nshɛ 150:5

Men baa ta echakachaka nɛ abɛlso be alaŋsɔ be yiri kikɛ a laŋ a kpaŋ Ebɔrɛ.

Matiu 25:45

Nɛ ŋ kaŋɛ bumo le: ‘Ma e kaŋɛ menyi kashenteŋto na fanɛ kusɔ kama nɛ men baŋ maŋ wora n sa bekarkarsobi ere be ekama, ma nɛ men maŋ wora kumo n sa na.’

Maak 16:17

Beyirdapo beeŋ nya le be eleŋ: Baaŋ ta ma ketre n ju mbuibi lubi ashi basa to.

Romebi 14:15

Nɛ kusɔ kama malɛ nɛ fee ji nɛ k bee tɔrɔ fo niopibi be nfɛra, kumo ere mannɛ kasha be kesheŋ nɛ fee wora na. Sa maŋ kaŋ shin nɛ fo niopibi nɛ Kristo wu n sa na e foe ekpa ŋkpal kusɔ nɛ fee ji so.

1 Kɔrintebi 12:10

Eko malɛ e bee sa mo kakɛ nna nɛ e baa wora emamachisheŋ, eko malɛ nɛ e sa mo kewuŋkaŋɛ be kakɛ, n sa eko malɛ kanyiasheŋ mo nɛ k bee shin nɛ esa bee pin ayoyu to be kakɛ, eko malɛ nɛ e sa mo ŋgbar mo nɛ e maa nu be nnaŋ to be ketiŋ ŋ gbar be kakɛ, nseŋ sa eko malɛ ŋgbar mo nɛ e maa nu be afito be kekute be kakɛ.

1 Kɔrintebi 12:16

Nɛ kusoe baŋ kaŋɛ fanɛ: “Ŋkpal ŋ ka maŋ la kenishi so, m maŋ la eyur na be kaba,” loŋ maaŋ tiŋ n shin nɛ k sa maŋ naa la eyur na be kaba.

1 Kɔrintebi 12:8

Kiyoyu na bee kaa sa esa ko kanyiasheŋ be kamalga be kakɛ nna ŋkaa sa eko malɛ nfɛra mo nɛ a shi mo gbagba kutɔ nɛ e malga be kakɛ.

1 Kɔrintebi 13:8

Kasha maa loge kikɛ. Ama kewuŋkaŋɛana bre nɛ ŋgbar pɔtɛana be kegbar nɛ kanyiasheŋ bre kikɛ beeŋ ba choŋ.

1 Kɔrintebi 14:2

Ŋkpal manɛ so, esa kama nɛ e bee gbar ŋgbar mo nɛ e maa nu na, maa gbar amo nna a sa basa, Ebɔrɛ nɛ e bee gbar amo a sa, ŋkpal manɛ so, esa kama maa nu amo. E bee bɔla Kiyoyu na to nna a malga wuloso be mmalga.

1 Kɔrintebi 14:4

Esa kama nɛ e bee gbar ŋgbar mo nɛ e maa nu, bee chɛ mo nawule be kumu to nna nɛ e yɔ anishito, ama ekama nɛ e bee wu abɔrɛsheŋ to a kaŋɛ bre, bee chɛ asɔri to ebi na kikɛ to nna nɛ b yɔ anishito.

1 Kɔrintebi 14:5

Nɛ men kikɛ daa gbar ŋgbar pɔtɛana nna, k daa beeŋ par ma, ama kusɔ nɛ k chɔ loŋ e la men kikɛ ka daa beeŋ baa tiŋ a wu abɔrɛsheŋ to a kaŋɛ. Ŋkpal manɛ so, esa nɛ e bee wu abɔrɛsheŋ to a kaŋɛ, chɔ esa nɛ e bee gbar ŋgbar mo nɛ e maa nu, ama esa ko baa wɔ ndoŋ a beeŋ tiŋ ŋ kute ŋgbar na be afito nɛ asɔri na to ebi kikɛ e nya kechɛto n yɔ anishito.

1 Kɔrintebi 8:1

To, naniere men shin nɛ an keni nlɔŋɛjibiana be asheŋ to. An nyi fanɛ an kikɛ kɔ kanyiasheŋ fanɛ kananɛ menyee kaŋɛ na. Kanyiasheŋ malɛ e naa shin nɛ esa bee maŋ mbe kumu so nɛ kasha malɛ bee shin nɛ esa bee yɔ anishito.

2 Kɔrintebi 12:4

Ndoŋ nɛ e ya nu asheŋ nɛ a maŋ daga dimɛdi ka malga, asheŋ nɛ dimɛdi maaŋ tiŋ n ji amo be asheŋ.

Galeeshaebi 5:22

Ama nɛ Kiyoyu na baa wɔ esa to, le be asɔ lela ere e du fanɛ kusɔrso a wɔ amodoŋwura to nɛ e bee wora: Kasha nɛ kagbenefuli nɛ kagbenewushi nɛ kanyiti nɛ kebaala esa nɛ alelasheŋ nɛ kebaayɛ a wora

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

1 Timoti 1:5

Anyi ere be keŋini ere be kumu e la kasha nɛ k shi kagbene cheembi nɛ nfɛra lela nɛ yirda kpakpaso to na nna.

1 Pita 4:8

Ade kikɛ be kaman, men baa sha abar kashenteŋto, ŋkpal manɛ so, kasha e naa buu alubi damta so.

2 Pita 2:18

Ŋkpal manɛ so, njɔŋ be mmalga fuloŋ e naa lar bumo be nnɔ to, bumo alɛ nseŋ naa kɔ anishinyɔr be kayɛlgasɔ ashi bumo be eyurana to a pɛ basa nɛ b baŋ fara a sha kelara bumo be amu basa nɛ b wɔ kafule to.

Kelaraŋŋini 14:2

Ndoŋ nna nɛ n nu ebɔl ko ka shi ebɔrɛso ŋ gbri m ba fanɛ nchu damta ka bee shile nseŋ daŋ naa du fanɛ bɔrɛ ka bee gbri eleŋso na. Ebɔl mo nɛ n daŋ nu na daŋ naa du fanɛ ejaŋjilaŋlampoana ka bee laŋ bumo be ejaŋjilaŋ nna.