1 Kɔrintebi 12:9 - EBƆRƐ BE KAWƆL

⁹ Kiyoyu koŋwule na malɛ gbagba e naa sa eko malɛ yirda fanɛ Ebɔrɛ beeŋ wora kusɔ ko be kakɛ nseŋ sa esa ko malɛ kakɛ nɛ e baa chɛ basa.

1 Kɔrintebi 12:9 ပူးပေါင်းရင်းမြစ်များ

Matiu 10:8

Men kaŋ yɔ, men chɛ belɔpo n tiŋi bubuni n shin nɛ bebotipo e nyalɛ so nseŋ ju mbuibi lubi basa to. Menyi maŋ tɔ nseŋ nya, amoso, menyi alɛ gba e sa nsaa maa fin kakɔka.

Matiu 21:21

Nɛ Yesu kaŋɛ bumo: “Ma e kaŋɛ menyi kashenteŋto na fanɛ nɛ men baa kɔ yirda a maa wora shikashika, mannɛ kusɔ nɛ k wora figi be kedibi na nawule nɛ menyeeŋ tiŋ n wora, ama menyeeŋ tiŋ ŋ kaŋɛ kebee ere le: ‘Pulgi n ta fo kumu n ya lɛ teku to’, nɛ loŋ e wora.

Maak 16:18

Baaŋ gbar ŋgbar nɛ b maa nu nɛ b pɛ awɔ ŋko n ji kɔrtɔ, a maaŋ wora bumo shɛŋ. Baaŋ ta bumo be enɔana n deŋi n deŋi belɔpoana so nɛ b nya alenfia.”

Maak 6:13

Nɛ b ju mbuibi lubi damta ashi basa to n chulgi ŋku n wurge belɔpo damta so n chɛ bumo.

Luuk 10:9

nseŋ chɛ kade na to be belɔpo nseŋ kaŋɛ ndoŋebi le: ‘Ebɔrɛ be kuwura na taga menyi to.’

Luuk 9:2

Kumo be kaman nɛ e shuŋi bumo fanɛ b ya bɔ Ebɔrɛ be kuwura na to be baru na n sa basa nsaa chɛ belɔpo.

Ashuŋ Shunso 10:38

Men nyi Nazarɛt be Yesu na be asheŋ nɛ kananɛ Ebɔrɛ lara mo nseŋ shin nɛ Kiyoyu Cheeŋ na nɛ eleŋ ba mo so. E daŋ yɔ kaplɛkama n ya wora kelela nseŋ chɛ basa damta nɛ b daa wɔ Setani be enɔ to na, ŋkpal manɛ so, Ebɔrɛ daa wɔ mo to.

Ashuŋ Shunso 5:15

Ŋkpal kusɔ nɛ beshuŋipo na daa wora na so, basa daa sulɔ belɔpo nna a lar abɔrbiana so n ya kaa nase egedo nɛ ekelaŋ so nɛ Pita e ba kaa choŋ nɛ mbe kiyoyul nawule gba e baŋ tɔr bumo be beko so.

1 Kɔrintebi 12:28

Asɔri na to, basa nɛ Ebɔrɛ juŋkpar n lara e la beshuŋipo, bumo nɛ b bɛ so e la abɔrɛsheŋ be bewuŋkaŋɛpo, besasopo e la beŋinipo, n ta emamachishumpoana m bɛ so, n ta bechɛpo nɛ bechɛtopo nɛ bumo nɛ baa keni ashuŋ be asheŋ to so m bɛ so nseŋ ta bumo nɛ baa gbar ŋgbar mo nɛ bumo gbagba maa nu m bɛ so.

1 Kɔrintebi 12:30

Bumo kikɛ e kɔ kechɛ be kakɛ a? Bekama e naa gbar ŋgbar nɛ bumo gbagba maa nu a? Bekama e naa kute ŋgbar nɛ bumo gbagba maa nu be afito a? Ayai, mannɛ bumo kikɛ e naa wora loŋ.

1 Kɔrintebi 13:2

Hale nɛ m baa kɔ abɔrɛsheŋ be kewuŋkaŋɛ be kakɛ nsaa tiŋ a pin ewulosheŋ kikɛ nɛ kanyiasheŋ kikɛ to nsaa kɔ yirda kikɛ ma to a tiŋ a tia abee ŋkaa maa kɔ kasha bre, m maŋ la shɛŋ.

2 Kɔrintebi 4:13

Abɔrɛsibɛ na bee kaŋɛ fanɛ Ewura Deevid kaŋɛ: “N yirda nna so nɛ m malga.” To, loŋ be yirda be kiyoyu koŋwule na nɛ anyi alɛ gba kɔ a yirda nsaa malga na.

Ɛfesesebi 2:8

Ŋkpal manɛ so, Ebɔrɛ be kuwɔr be kakɛ so e shin nɛ men bɔla yirda so n nya kumɔlga, mannɛ men gbagba be ashuŋ shunso so nɛ men nya kumo. K la Ebɔrɛ be kakɛ nna.

Hibruwebi 11:33

Ŋkpal yirda so b daŋ kɔ efuliana ko ebi nna kena m pɔɔ bumo so n wora asheŋ nɛ a daga nseŋ nya kusɔ nɛ Ebɔrɛ daŋ nase kɔnɔ fanɛ e beeŋ sa na. B daŋ tiŋ n ti ebuluŋana be nnɔ nseŋ daŋ tiŋ n duŋ edɛgboŋana nseŋ daŋ tiŋ ŋ gelge etokobi be keta m mɔ bumo.