1 Kɔrintebi 12:18 - EBƆRƐ BE KAWƆL

¹⁸ Ama kananɛ k du ere Ebɔrɛ ta eyur be kaba kama nna n wɔtɔ eyur na to kananɛ e bee sha fanɛ a baa du.

1 Kɔrintebi 12:18 ပူးပေါင်းရင်းမြစ်များ

Nshɛ 110:3

Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ.

Nshɛ 135:6

Kusɔ nɛ k par mo nɛ e bee wora ashi ebɔrɛso nɛ kasawule so nɛ teku be kechimbi to kikɛ nyam.

Aizaaya 46:10

Pɔɛŋ nɛ kesheŋ kikɛ e wora, nɛ ma ere tiŋ n wu kumo ŋ kaŋɛ. N teŋ kaŋɛ fanɛ ma ŋkre beeŋ wora m bɔlɔ so, ma alɛ beeŋ wora kusɔ nɛ ŋ kre kewora kikɛ.

Jona 1:14

Ndoŋ nna nɛ b kule Enyɛnpe Ebɔrɛ na ŋ kaŋɛ le: “O, Enyɛnpe Ebɔrɛ, jande, sa maŋ shin nɛ an wu ŋkpal anyi ka bee shin nɛ an lara kanyɛn ere be ŋkpa so. Sa maŋ kaŋ ji anyi demu ŋkpal an ka mɔ esa nɛ e maŋ kɔ kulubi so. Ŋkpal manɛ so, fo Enyɛnpe Ebɔrɛ na e naa wora kusɔ kikɛ fo keparso.”

Luuk 10:21

Epul na malɛ to nɛ Kiyoyu Cheeŋ na shin nɛ kagbenefuli luri m bɔlɔ Yesu to nɛ e kaŋɛ: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so. N Tuto, kashenteŋ, fo gbagba e yili kumo loŋ n shin nɛ k wora m bɛ fo keparso.”

Luuk 12:32

Ma basa, men maŋ shi, ama men sa maa lɔ kufu. Ŋkpal manɛ so, men Tuto be keparso nna nɛ e yili kumo fanɛ e beeŋ ta mbe kuwura na n sa menyi.

Romebi 12:3

Ŋkpal Ebɔrɛ be kuwɔr be kakɛ nɛ e sa ma so, mee kaŋɛ menyi be ekama nna fanɛ e sa maa maŋ mbe kumu so a chɔ kananɛ e baa du. Ama men baa fɛ bebɔlpo be nfɛra a sa menyi be amu a kɔ loŋ be nfɛra na a yuu kananɛ yirda nɛ Ebɔrɛ sa ekama na sa so.

Romebi 12:6

Amoso, an baa kɔ anyi be nnaŋ to be ŋkɛana na to a shuŋ. Amo nɛ an nya ŋkpal Ebɔrɛ be kuwɔr be kakɛ nɛ e sa ekama kananɛ e beeŋ tiŋ na so. Fo kama nɛ fo kakɛ baa la abɔrɛsheŋ be kebaawu a kaŋɛ, fo ta loŋ be kakɛ na ŋ kesar fo yirda so n shuŋ.

1 Kɔrintebi 12:11

Ade malɛ kikɛ Kiyoyu koŋwule na gbagba e naa sa amo, mo e naa sa basa ŋkɛ na be kekama kanaŋkamaso nɛ e bee sha.

1 Kɔrintebi 12:17

To, nɛ eyur ere kikɛ daa la kenishi nna, nnɛ nɛ kenu daa beeŋ baa wɔ? Ŋko nɛ eyur ere kikɛ daa la kusoe nna, nnɛ nɛ efɛa be kenu daa beeŋ baa wɔ?

1 Kɔrintebi 12:19

Nɛ amo kikɛ daa la kaba koŋwule nna, nuso nɛ eyur na daa beeŋ baa du?

1 Kɔrintebi 12:24

An be mba mo nɛ a walɛ kenishiso na bre maŋ daga le be kekeniso ere. Ebɔrɛ gbagba e ta eyur be mba kikɛ n chɔga abar so nɛ e ta bunyaŋ n sa mba mo nɛ a maŋ kɔ bunyaŋ amo gbagba be amu so na.

1 Kɔrintebi 12:28

Asɔri na to, basa nɛ Ebɔrɛ juŋkpar n lara e la beshuŋipo, bumo nɛ b bɛ so e la abɔrɛsheŋ be bewuŋkaŋɛpo, besasopo e la beŋinipo, n ta emamachishumpoana m bɛ so, n ta bechɛpo nɛ bechɛtopo nɛ bumo nɛ baa keni ashuŋ be asheŋ to so m bɛ so nseŋ ta bumo nɛ baa gbar ŋgbar mo nɛ bumo gbagba maa nu m bɛ so.

1 Kɔrintebi 15:38

Ebɔrɛ malɛ e naa sa keduuso na kedibi mo nɛ e bee sha, keduuso kama malɛ nɛ kumo be yiri to be kedibi.

1 Kɔrintebi 3:5

Manɛ e la Apɔlɔs ŋko manɛ e la ma Pɔɔl? Anyi maŋ la shɛŋ, an baa la beshumpo mo nɛ men bɔla anyi so nna m ba yirda. An be ekama daŋ baa wora kushuŋ mo nɛ Ebɔrɛ ta m bɔɔ mo enɔ na nna.

Ɛfesesebi 1:5

Ŋkpal mbe kasha so, mo ere Ebɔrɛ na yili kumo nna dra dra na kikɛ fanɛ e beeŋ bɔla Yesu Kristo to m bar anyi mo gbagba kutɔ fanɛ mbe mbia. Kusɔ nɛ k baa par mo nseŋ naa la kusɔ nɛ e yili nna na.

Ɛfesesebi 1:9

nseŋ naŋ bugi wulo be kesheŋ naseso nɛ e yili fanɛ e beeŋ bɔla Kristo so n shin nɛ loŋ e wora na n sa anyi.

Kelaraŋŋini 4:11

“An Nyɛnpe nɛ an be Ebɔrɛ, fo e daga kenya kemaŋkura nɛ bunyaŋ nɛ eleŋ, ŋkpal manɛ so, fo e to kusɔ kikɛ, fo alɛ be keparso nɛ b to kusɔ kama nɛ k wɔ ŋkpa to.”