1 Kɔrintebi 12:10 - EBƆRƐ BE KAWƆL

¹⁰ Eko malɛ e bee sa mo kakɛ nna nɛ e baa wora emamachisheŋ, eko malɛ nɛ e sa mo kewuŋkaŋɛ be kakɛ, n sa eko malɛ kanyiasheŋ mo nɛ k bee shin nɛ esa bee pin ayoyu to be kakɛ, eko malɛ nɛ e sa mo ŋgbar mo nɛ e maa nu be nnaŋ to be ketiŋ ŋ gbar be kakɛ, nseŋ sa eko malɛ ŋgbar mo nɛ e maa nu be afito be kekute be kakɛ.

1 Kɔrintebi 12:10 ပူးပေါင်းရင်းမြစ်များ

Jowɛl 2:28

Nɛ Ebɔrɛ naŋ kaŋɛ le: “Ade kikɛ be kaman, meeŋ shin nɛ ma kiyoyu e ba ekama so nɛ men be mbinyɛnsobi nɛ mbichesobi e fara a bɔ ma kubɔya na nɛ men be benyɛnnimubiana e ba ku edare nɛ men be mbrantiɛbi e baa ku bɔrɛdare.

Maak 16:17

Beyirdapo beeŋ nya le be eleŋ: Baaŋ ta ma ketre n ju mbuibi lubi ashi basa to.

Maak 16:20

Bebɛsopo na ya bɔ bumo be kubɔya kaplɛkama nɛ bumo nɛ Enyɛnpe shuŋ nɛ Enyɛnpe ta etɔɔnɛsheŋ ŋ ŋini fanɛ bumo be kubɔya na la kashenteŋ nna. Amɛn.]

Luuk 24:49

Meeŋ shin nɛ n Tuto be kɔnɔ naseso be kakɛ e ba menyi so. Amoso, men baa wɔ kade ere to hale nɛ eleŋ e ya shi esoso m ba buu menyi.”

Baru lela nɛ Jɔn kute na 14:12

Ma e kaŋɛ menyi kashenteŋto na fanɛ esa kama nɛ e ta mbe yirda n deŋi ma so, beeŋ wora asɔ nɛ mee kaa wora ere. E beeŋ wora asɔ nɛ a chɔ ade gba, ŋkpal ŋ ka bee yɔ Etuto na kutɔ so.

Baru lela nɛ Jɔn kute na 16:13

Ama nɛ mo ere, kashenteŋ be Kiyoyu na kaŋ ba, e beeŋ ŋini menyi kashenteŋ be ekpa kikɛ. E maaŋ ta mo gbagba be kumu so be eleŋ m malga, asɔ nɛ e beeŋ nu nawule be asheŋ nɛ e beeŋ malga nseŋ kaŋɛ basa asɔ nɛ a beeŋ ba be asheŋ.

Ashuŋ Shunso 1:8

Ama men baa nyi fanɛ Kiyoyu Cheeŋ na kaŋ gbelge menyi so, menyeeŋ baa kɔ eleŋ menyi to a malga ma asheŋ a sa basa ashi Jerusalɛm to nɛ Judiya kikɛ to nɛ Samɛria to nɛ durnya ere kikɛ nyam to.”

Ashuŋ Shunso 11:27

Jemanɛ na so nɛ anebiana ko shi Jerusalɛm n yɔ Antiɔk.

Ashuŋ Shunso 11:28

Bumo to be eko e daa la Agabes, mo e daŋ bɔla Kiyoyu Cheeŋ na be eleŋ to n wu ŋ kaŋɛ fanɛ akoŋgboŋ beeŋ tɔr durnya kikɛ to. Ewurgboŋ Klawdias be jemanɛ na nɛ akoŋgboŋ na daŋ tɔr.

Ashuŋ Shunso 19:6

Nɛ Pɔɔl ta mbe enɔana n deŋi bumo so nɛ Kiyoyu Cheeŋ na gbelge bumo so nɛ b gbar ŋgbar nɛ bumo gbagba maa nu nseŋ naŋ wu abɔrɛsheŋ ŋ kaŋɛ.

Ashuŋ Shunso 5:3

Nɛ Pita bishi mo: “Ananiyas, manɛ e ba nɛ fo shin nɛ Setani ba fo kagbene to m ba shin nɛ fo lara fo kudɔ na be amansherbi nɛ fo nya na so nseŋ ta ade m ba nɛ fo ba fule Kiyoyu Cheeŋ na?

Romebi 12:6

Amoso, an baa kɔ anyi be nnaŋ to be ŋkɛana na to a shuŋ. Amo nɛ an nya ŋkpal Ebɔrɛ be kuwɔr be kakɛ nɛ e sa ekama kananɛ e beeŋ tiŋ na so. Fo kama nɛ fo kakɛ baa la abɔrɛsheŋ be kebaawu a kaŋɛ, fo ta loŋ be kakɛ na ŋ kesar fo yirda so n shuŋ.

Romebi 15:19

Kiyoyu na be eleŋ to nɛ m bɔla n shin nɛ b wu etɔɔnɛ nɛ emamachisheŋ. Amoso, baŋ yili Jerusalɛm be kade to n ta ŋ kulti n ya fo Ilirikem kikɛ m bɔ Kristo be baru lela na nɛnɛ n sa basa.

1 Kɔrintebi 11:4

Amoso, enyɛn kama nɛ e bee ta kusɔ a buu mbe kumu so nsaa kule Ebɔrɛ ŋko nsaa wu abɔrɛsheŋ to a malga basa to bee ŋaba mbe kumu nna na.

1 Kɔrintebi 13:8

Kasha maa loge kikɛ. Ama kewuŋkaŋɛana bre nɛ ŋgbar pɔtɛana be kegbar nɛ kanyiasheŋ bre kikɛ beeŋ ba choŋ.

1 Kɔrintebi 14:13

Amoso, ekama nɛ e bee gbar ŋgbar mo nɛ e maa nu, e baa kule Ebɔrɛ fanɛ e shin nɛ e baa tiŋ a kute amo be afito.

1 Kɔrintebi 14:39

Amoso, ŋ kurgepoana, men baa kɔ a fin kewu abɔrɛsheŋ ŋ kaŋɛ, menyi alɛ e sa maa kuŋ ŋgbar mo nɛ amo be begbarpo maa nu amo be kegbar ekpa ashi menyi to.

Galeeshaebi 3:5

Men ka bee bɛ mbra na so so nɛ Ebɔrɛ bee sa menyi mbe Kiyoyu na nsaa wora emamachisheŋ menyi to nna ŋko men ka bee nu baru lela na nsaa yirda kumo na so nɛ e bee wora loŋ a?

1 Tɛsalɔnikaebi 5:20

Men sa maa gal kewu abɔrɛsheŋ ŋ kaŋɛ na a lɛ.

Hibruwebi 2:4

Kumo alɛ be buushi, Ebɔrɛ gba bee bɔla etɔɔnɛsheŋ nɛ emamachisheŋ nɛ Ebɔrɛ be eleŋ be nnaŋ to be aworbi to nɛ Kiyoyu Cheeŋ na be ŋkɛana nɛ e bee chige to a sa basa ashi mo gbagba be keparso na to a ji shɛda fanɛ kumɔlga na la kashenteŋ nna.

1 Jɔn 4:1

N teri shasoana, men sa maa yirda basa kama nɛ baa kaŋɛ fanɛ Ebɔrɛ be Kiyoyu wɔ bumo to. Men baa wora bumo a keni ŋko ayoyu mo nɛ b kɔ na shi Ebɔrɛ kutɔ nna ŋko a maŋ shi mo kutɔ, ŋkpal manɛ so, anebi fɛpo damtaana lar n luri durnya to.

Kelaraŋŋini 2:2

N nyi men be aworbi kikɛ a nyi kananɛ men shuŋ ga nseŋ naa nyi kananɛ men kɔ kanyiti a yil to. N nyi kananɛ menyi nɛ basa lubi maaŋ tiŋ n chena nsaa nyi fanɛ men wora basa nɛ b yɛ b la beshuŋipoana, bumo alɛ ŋkaa maŋ la na ŋ keni n wu fanɛ befɛpo e la bumo.