1 Kɔrintebi 11:32 - EBƆRƐ BE KAWƆL

³² Ama nɛ Enyɛnpe na baŋ sa anyi kasogberge n niŋi anyi ekpa, e bee wora loŋ nna, saŋɛ na so, e maaŋ ta anyi n ti durnyaebi so m mur.

1 Kɔrintebi 11:32 ပူးပေါင်းရင်းမြစ်များ

2 Samuɛl 7:14

Meeŋ ki mo tuto, nɛ mo alɛ e baa la m pibinyɛn. E baŋ wora n foe, meeŋ niŋi mo fanɛ kananɛ etuto bee niŋi mbe kebia na.

Nshɛ 118:18

E daŋ gberge ma kusoe kenishipereso, ama mo alɛ maŋ shin nɛ n wu.

Aizaaya 1:5

Manɛ nna nɛ menyi kraa maa sa mo kashuli? Menyee sha kasogberge nna n ti so a? Israɛl be basa, k du fanɛ menyi be amu so kikɛ du fanɛ a ka wora achuu nna nɛ kulɔ malɛ wɔ menyi be ŋgbene kikɛ to nɛ nfɛra kikɛ to.

Jɛremaya 7:28

Amoso kaŋɛ bumo le: ‘Men la efuli nɛ k maa wora Enyɛnpe, kumo be Ebɔrɛ kasonu nsaa maŋ naa sɔ mbe keŋini nna. Kashenteŋji mur nɛ esa kikɛ maŋ naa ji kumo be asheŋ gba kuraa.’

Zefanaiya 3:2

Jerusalɛmebi maa nu a sa Enyɛnpe Ebɔrɛ ŋko a sɔ mbe keŋini. Bumo alɛ maa ta bumo be yirda a deŋi Enyɛnpe Ebɔrɛ so ŋko a fin kechɛto mo kutɔ.

Romebi 3:19

Ama an nyi fanɛ kusɔ kama nɛ mbra na bee kaŋɛ, basa nɛ b wɔ kumo to na to nɛ k de, saŋɛ na so esa kikɛ maaŋ nya kɔnɔ m bugi. Loŋ malɛ e naaŋ shin nɛ Ebɔrɛ e ji durnya kikɛ demu.

Romebi 5:16

Kusɔ nɛ k lar kakɛ na malɛ gba be kaman naa chɔ kusɔ nɛ k lar esa koŋwule be kulubi na be kaman, ŋkpal manɛ so, Adam ka baŋ wora kulubi koŋwule na n loge nɛ kewora n da so be nfɛra ba. Ama alubi damta malɛ be kewora ka ba nɛ Ebɔrɛ be kuwɔr be kakɛ shin nɛ kejinlar Ebɔrɛ be anishito malɛ ba.

1 Kɔrintebi 1:20

To, nɛ kenya la loŋ, nnɛ nɛ benyiashempo ŋko nwɔlnyipoana ŋko durnya ere to be kanyiashenfinpowuraana naa yil? Ebɔrɛ maŋ ŋini fanɛ durnya ere to be kanyiasheŋ la kawulisheŋ nna a?

1 Kɔrintebi 1:21

Ebɔrɛ daŋ bɔla mbe kanyiasheŋ so nna n yili kumo fanɛ edimɛdi e sa maŋ ta bumo gbagba be kanyiasheŋ so m ba pin mo. Ama mo ere gbagba be keparso nɛ e yili kumo fanɛ e beeŋ bɔla kubɔya mo nɛ anyeeŋ bɔ n sa basa nɛ baa tre kawulisheŋ be mmalga ere so m mɔlga bekama nɛ b yirda na.

1 Kɔrintebi 11:30

Amoso nɛ menyi to be bedamta maŋ kɔ eleŋ nsaa lɔ nɛ menyi be beko malɛ gba wu na.

1 Kɔrintebi 11:31

Ama nɛ an baŋ keni anyi gbagba be ŋgbene to nɛnɛ bre, anyi maaŋ luri demuji kama to.

1 Kɔrintebi 11:33

Amoso, ŋ kurgepoana, men baŋ ba nɛ men ba tu abar n ji, men baa jo abar.

Ditɛronɔmi 8:5

Menyi alɛ e naa nyiŋi fanɛ Enyɛnpe menyi be Ebɔrɛ na e naa niŋi menyi nseŋ naa gberge menyi kusoe fanɛ kananɛ betuto nɛ benioana bee bela bumo be mbia na.

1 Timoti 1:20

Loŋ be basa na be beko e la Haimɛneeyes nɛ Alɛkzaanda nɛ n ta m bɔɔ Setani enɔ nɛ b pin fanɛ k daga b ka lar kebaamalga a gbiti Ebɔrɛ to.

1 Jɔn 5:19

Anyi alɛ naa nyi fanɛ an ka la Ebɔrɛ peya, ama durnya ere bre kikɛ wɔ alubipo na be enɔ to nna.

Kelaraŋŋini 3:19

Ma ere, basa nɛ mee sha nɛ mee fiɛ so nsaa ŋini bumo ekpa, amoso, men yeŋi so n lar men be alubi to.