1 Kɔrintebi 11:2 - EBƆRƐ BE KAWƆL

² Saŋkikɛ mee chɔrɔ menyi nna ŋkpal men ka bee nyiŋi ma kusɔ kama to nɛ kananɛ men baa kɔ keŋini mo nɛ n ta n sa menyi na to so.

1 Kɔrintebi 11:2 ပူးပေါင်းရင်းမြစ်များ

Luuk 1:6

Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

1 Kɔrintebi 11:17

Le be kesheŋ ŋini ere bre to, m maŋ kɔ kechɔrɔ kama a sa menyi, ŋkpal manɛ so, men be nshɛrana to kejija e wɔtɔ, kelɔŋɛ maŋ wɔtɔ.

1 Kɔrintebi 11:22

Men maŋ kɔ epeana nna nɛ men baa ji nsaa nuu ndoŋana a? Ŋko menyee fɛl Ebɔrɛ be asɔri nna nsaa ŋaba bumo nɛ b maŋ kɔ shɛŋ na nna a? To, nɛ le ere, nuso nɛ mee kaŋɛ menyi? N chɔrɔ menyi ŋkpal le ere so a? Loŋ maaŋ wora kikɛ kuraa.

1 Kɔrintebi 15:2

Baru lela na so nɛ menyee nya kumɔlga, nɛ men baa kɔ kumo to kpakpa nna na, ama men daŋ yirda jiga nna.

1 Kɔrintebi 4:17

Ŋkpal loŋ so, mee shuŋi Timoti men kutɔ nna. E la m pibi shaso nna nɛ esa nɛ meeŋ tiŋ n yirda ashi Enyɛnpe be kaplɛa so. E beeŋ nyiŋi menyi kananɛ ma kebaawɔtɔ du ashi Kristo Yesu to fanɛ kananɛ mee ŋini amo kaplɛkama ashi asɔri kama to na.

1 Kɔrintebi 7:17

Kusɔ nɛ k baa wɔtɔ e la fanɛ ekama e baa kɔ kebaawɔtɔ mo nɛ Enyɛnpe na ta n sa mo pɔɛŋ nɛ Ebɔrɛ tre mo na a yil to kpakpa. Kusɔ nɛ n sibɛ n nase a sa asɔriana na kikɛ nna na.

1 Tɛsalɔnikaebi 1:6

Men kute anyi nɛ Enyɛnpe na to, ŋkpal manɛ so, men sɔ kubɔya na awurfoŋ damta to nɛ kagbenefuli nɛ k shi Kiyoyu Cheeŋ na kutɔ.

1 Tɛsalɔnikaebi 3:6

Timoti ka shi menyi kutɔ m ba, mo alɛ bar anyi menyi be yirda nɛ kasha be kubɔya lela. E kaŋɛ anyi men ka bee nyiŋi an be asheŋ a fin kewu anyi fanɛ kananɛ anyee fin kewu menyi na.

2 Tɛsalɔnikaebi 2:15

Amoso, bekurgepoana, men baa kɔ men be amu to kpakpa a kɔ kashenteŋ nɛ an ta abɔrɛsheŋ be kemalga nɛ kawɔl be kesibɛ ŋ ŋini menyi na to kpakpa.

2 Tɛsalɔnikaebi 3:6

Bekurgepoana, naniere anyee fiɛ menyi so Enyɛnpe Yesu Kristo be ketre to fanɛ men baa gelge ekurgepo kikɛ nɛ e wɔ ntɔl be kebaawɔtɔ to a maa bɛ keŋini nɛ an sa menyi na so.