1 Kɔrintebi 10:4 - EBƆRƐ BE KAWƆL

⁴ nseŋ daŋ nuu asɔnuuso koŋwule mo nɛ a daŋ shi Ebɔrɛ kutɔ na. Kefalta mo nɛ kumo nɛ bumo daa na na kutɔ nɛ b daŋ nuu amo. Kefalta na e la Kristo na.

1 Kɔrintebi 10:4 ပူးပေါင်းရင်းမြစ်များ

Jɛnesis 40:12

Ndoŋ nna nɛ Josɛf kaŋɛ mo: “Fo edare na be kifito nde. Ayabi asa na la nchɛ asa nna.

Jɛnesis 41:26

Ana lela ashunu na la nfɛnshunu nna nɛ ayu be amu ashunu na malɛ gba la nfɛnshunu. Amo be afito la kukoŋwule nna, a maŋ kɔr abar to.

Nshɛ 105:41

E daŋ shin nɛ kefalta pante nɛ nchu lar kumo to eleŋso, a shile keshishɛrsawule na so fanɛ lɔr na nna.

Nshɛ 78:15

E daŋ shin nɛ afalta pante a lar nchu a shile fanɛ mbombi nna ashi keshishɛrsawule so nɛ b nya nchu n nuu bumo be kepar.

Nshɛ 78:20

E ka daŋ shin nɛ kefalta na pante na, nchu daŋ lar a shile fanɛ mbombi na. Ama e kraa beeŋ tiŋ n sa anyi ajibi nna ere a? E beeŋ tiŋ n sa mbe basa eblaŋ nna ere a?”

Ɛksodɔs 17:6

Meeŋ ya kaa yil Sainai be kebee na be kefalta na ase nɛ fo ta kekpabi na ŋ ŋmɛa kefalta na nɛ nchu e lar kumo to nɛ basa na e nuu.” Ndoŋ nna nɛ Mosis wora loŋ ashi Israɛlebi be benimu na be anishito.

Aizaaya 43:20

Jemanɛ ko bee ba nɛ n shin nɛ elɔr e baa shile keshishɛrsawule so, nɛ ma basa laraso e nya nchu a nuu. Saŋɛ na so asɔbɔya lubi beeŋ baa maŋkura ma, nɛ ejiŋkaamu nɛ egbuŋgbula kikɛ e baa di ma epaŋ.

Aizaaya 48:21

E juŋkpar anyi m bɔla keshishɛrsawule so nseŋ shin nɛ kefalta pante n lar nchu nɛ an nuu n tuge achukoŋ.

Danɛl 2:38

E ta edimɛdi nɛ asɔbɔya nɛ mbuibi nɛ b wɔ kasawule ere so kikɛ nna n wɔtɔ fo enɔ to nɛ fo baa ji eleŋ bumo so. Fo e la kapɔrduli na be shuwa be kumu na.

Danɛl 7:17

E yɛ: “Asɔbɔya gboŋgboŋi ana na yili nna a sa kuwurjigboŋ ana nɛ a beeŋ ba durnya ere to kachako so.

Nɔmbɛs 20:11

Kumo be kaman nɛ Mosis maŋ mbe kekpabi so ŋ ŋmɛa kefalta na ale anyɔ. Epul to nɛ nchu lar kefalta na to eleŋso a wurge nɛ basa na nɛ bumo be asɔbɔya kikɛ nuu.

Baru lela nɛ Jɔn kute na 4:10

Nɛ Yesu kaŋɛ mo: “Keni alako fo daa nyi Ebɔrɛ be kakɛ nna nseŋ daa nyi esa nɛ e bee kule fo nchu nuuso ere, fo daa beeŋ kule mo nɛ e sa fo nchu nɛ a bee sa ŋkpa.”

Baru lela nɛ Jɔn kute na 4:14

ama esa kama nɛ e nuu nchu nɛ meeŋ sa mo na maaŋ naŋ shu achukoŋ kikɛ. Kashenteŋto, nchu nɛ meeŋ sa amodoŋwura na beeŋ baa wɔ mo to a bul fanɛ ketirbu na a sa mo ŋkpa nɛ k maŋ kɔ ekar na.”

Baru lela nɛ Jɔn kute na 7:37

Kejigboŋ na be nshɛr na be lalaloge be kachɛ, kumo be kachɛgboŋ na ka fo nɛ Yesu niŋi to n yili ŋ kaŋɛ awɔrso: “Esa kama nɛ achukoŋ kɔ mo, e ba ŋ kutɔ m ba nuu.

Galeeshaebi 4:25

Nɛ esa baa malga Heega be asheŋ, kumo ere Sainai be kebee nɛ k wɔ Areebia be efuli so na be asheŋ nɛ e bee ji na. Mo nɛ baa ta a ber Jerusalɛm nɛ anyee wu ere nna, ŋkpal manɛ so, kumo nɛ kumo be mbia la anya nna a wɔtɔ.

Ditɛronɔmi 9:21

Ndoŋ nna nɛ n ta kebɛlso be gbolu fɔlbi be kegbir nɛ b lɔŋɛ nɛ k la kulubi na n wɔtɔ edɛ to nseŋ bure kumo to. Kumo be kaman nɛ ŋ kɔr kumo to nseŋ muu amo n ya lɛ kabombi nɛ k bee shile kebeegboŋ na so a gbelge to na to.

Kɔlɔsiebi 2:17

Ŋkpal manɛ so, ade ere bre kikɛ daŋ ŋini nna fanɛ kusɔ nɛ k bɔ ade kikɛ ka beeŋ ba, ama kusɔ nɛ k la kashenteŋ na malɛ shi Yesu Kristo to nna.

Hibruwebi 10:1

Kashenteŋto, mbra na daa la kashenteŋ be asɔ nɛ a bee ba na be nduliana nawule nna, k maŋ la asɔ na gbagba. Amo be kaplɛa so, esarga koŋwule na nɛ baa lara a lara kafɛ kikɛ, amoso, le be mbra ere maŋ tiŋ n ta esa kama nɛ e ba Ebɔrɛ kutɔ ŋ ki esa cheembi kikɛ.

Kelaraŋŋini 22:17

Ndoŋ nna nɛ Kiyoyu na nɛ kejafɔ na kaŋɛ: “Ba.” Ekama malɛ gba nɛ e nu loŋ e kaŋɛ: “Ba.” Ekama nɛ achukoŋ kɔ mo e ba, ekama malɛ nɛ e bee sha e ba sɔ ŋkpa be nchu na n nuu ŋkaa maaŋ ka shɛŋ.