1 Kɔrintebi 10:28 - EBƆRƐ BE KAWƆL

²⁸ Ama nɛ esa ko baŋ kaŋɛ fo le: “B ta kumo nna n lɔŋɛ kegbir,” kumo ere fo sa maŋ ji kumo ŋkpal esa nɛ e kaŋɛ fo na so, nɛ shika be nfɛra so.

1 Kɔrintebi 10:28 ပူးပေါင်းရင်းမြစ်များ

Nshɛ 115:16

Ebɔrɛso la Enyɛnpe Ebɔrɛ na nawule peya nna, ama e ta kasawule nna n sa anyi edimɛdi.

Nshɛ 24:1

Kasawule ere nɛ kusɔ kikɛ nɛ k wɔ kumo so, la Enyɛnpe Ebɔrɛ na peya nna. Basa nɛ b wɔ durnya ere to kikɛ, la Enyɛnpe Ebɔrɛ na peya nna.

Ɛksodɔs 9:29

Nɛ Mosis malɛ kaŋɛ mo: “Ŋ kaŋ baŋ lar kade ere to na nɛ meeŋ maŋ ma enɔana so ŋ kule Enyɛnpe Ebɔrɛ nɛ e shin nɛ bɔrɛ na be keponte nɛ abɔrɛjembubi gbɛgbɛso na kikɛ e ku nɛ fo pin fanɛ durnya ere la Enyɛnpe Ebɔrɛ na peya nna.

Romebi 14:15

Nɛ kusɔ kama malɛ nɛ fee ji nɛ k bee tɔrɔ fo niopibi be nfɛra, kumo ere mannɛ kasha be kesheŋ nɛ fee wora na. Sa maŋ kaŋ shin nɛ fo niopibi nɛ Kristo wu n sa na e foe ekpa ŋkpal kusɔ nɛ fee ji so.

1 Kɔrintebi 10:26

Ŋkpal manɛ so: “Kasawule ere nɛ kusɔ kama nɛ k wɔ kumo so ere kikɛ la Enyɛnpe na peya nna.”

1 Kɔrintebi 8:7

Anyi alɛ nyi le be asheŋ ere, ama mannɛ ekama e kɔ le be kanyiasheŋ ere bre. Hale mbre, agbirshuŋ baŋ luri basa be nfɛra to nna ga nɛ baa fɛ fanɛ nɛ baa ji nlɔŋɛjibi, kegbir gbagba be ajibi nɛ baa ji. Bumo alɛ be nfɛra ka maŋ kɔ eleŋ so a maa dese bumo nsaa wora bumo fanɛ b luri eyurpi to nna na.

1 Kɔrintebi 8:9

Ama men baa da so nɛ le be kamooji mo nɛ men kɔ ere e sa maŋ shin nɛ bumo nɛ b maŋ kɔ eleŋ yirda na to na e tɔr alubi to.

Ditɛronɔmi 10:14

Kusɔ kama la Enyɛnpe menyi be Ebɔrɛ na peya nna, mannɛ kasawule ere nɛ asɔ nɛ a wɔ kumo to nawule ama awɔlpa nɛ ebɔrɛso kikɛ la mo peya nna.