1 Kɔrintebi 10:15 - EBƆRƐ BE KAWƆL

¹⁵ Mee malga menyi kutɔ nna fanɛ benyiashempo, amoso, men gbagba e fɛ asheŋ nɛ mee malga ere be nfɛra ŋ keni.

1 Kɔrintebi 10:15 ပူးပေါင်းရင်းမြစ်များ

1 Kɔrintebi 10:14

Amoso ma beshapo, men baa gelge kagbirshuŋ.

1 Kɔrintebi 10:16

An ka bee kaa ji Enyɛnpe be kejibi na nsaa kule mbe nɛfa a wɔtɔ asɔrso be asɔnuuso be kawiebi nɛfaso to a nuu amo na, anyi kikɛ nɛ Kristo maŋ wɔ kɔnɔkoŋwule be kebaawɔtɔ to nna ŋkpal mbe ŋklaŋ so a? An ka bee kaa buri bodobodo na to nsaa we kumo na, anyi kikɛ nɛ Kristo maŋ wɔ kɔnɔkoŋwule be kebaawɔtɔ to nna ŋkpal mbe eyur so a?

1 Kɔrintebi 11:13

Menyi alɛ gbagba e keni kesheŋ ere to, a daga fanɛ eche e baa kule Ebɔrɛ basa to ŋkaa maŋ ta shɛŋ n chɛ kumu a?

1 Kɔrintebi 14:20

Ŋ kurgepoana, men sa maa fɛ nfɛra fanɛ mbia. Alubi bre be kewora be kaplɛa so men baa la mbia, ama men be nfɛra bre to, men baa la basa kpar.

1 Kɔrintebi 4:10

Ŋkpal Kristo so, an la bewulpo nna, ama menyi ere la benyiashempo nna ashi Kristo to. Anyi ere maŋ kɔ eleŋ, ama menyi ere kɔ! B kishi anyi nna, ama baa bunyaŋ menyi ere nna!

1 Kɔrintebi 6:5

Ŋ kaŋɛ menyi kesheŋ ere nna nɛ anishinyɔr e pɛ menyi. Ama esa kikɛ maŋ wɔ menyi to a nyi asheŋ nɛ e tiŋ n shin nɛ kesheŋ nɛ k wɔ bekurgepo anyɔ be nferinto e nya edesekpa a?

1 Kɔrintebi 8:1

To, naniere men shin nɛ an keni nlɔŋɛjibiana be asheŋ to. An nyi fanɛ an kikɛ kɔ kanyiasheŋ fanɛ kananɛ menyee kaŋɛ na. Kanyiasheŋ malɛ e naa shin nɛ esa bee maŋ mbe kumu so nɛ kasha malɛ bee shin nɛ esa bee yɔ anishito.

1 Tɛsalɔnikaebi 5:21

Men baa wora asɔ kikɛ a keni, kusɔ kama nɛ k walɛ, men baa kɔ kumo to kpakpa