1 Kɔrintebi 10:14 - EBƆRƐ BE KAWƆL

¹⁴ Amoso ma beshapo, men baa gelge kagbirshuŋ.

1 Kɔrintebi 10:14 ပူးပေါင်းရင်းမြစ်များ

Ashuŋ Shunso 15:20

Ama a daga fanɛ an sibɛ kawɔl ŋ kaŋɛ bumo fanɛ b sa maa ji ajibi nɛ a maŋ walɛ so ŋkpal a ka la kalɔŋɛ be ajibi so. An kaŋɛ bumo fanɛ b baa gelge kubojuaji nsaa maa ji ŋklaŋ ŋko kusɔbɔya kama nɛ b maŋ teŋ.

Romebi 12:19

Beshapo, men sa maa wora a tal basa nɛ baa wora menyi to, men shin nɛ Ebɔrɛ be agbo e baa shuŋ loŋ be kushuŋ a sa menyi fanɛ kananɛ abɔrɛsibɛ na bee kaŋɛ fanɛ Enyɛnpe bee kaŋɛ le na: “Keka esa be kulubi kukɔ la ma asheŋ nna. Ma, Enyɛnpe na e naaŋ ka esa be kulubi kukɔ nɛ kumo be ekpa so.”

1 Kɔrintebi 10:15

Mee malga menyi kutɔ nna fanɛ benyiashempo, amoso, men gbagba e fɛ asheŋ nɛ mee malga ere be nfɛra ŋ keni.

1 Kɔrintebi 10:19

To, nuso nɛ mee ber ere, fanɛ kalɔŋɛjibi e la kusɔ ko ŋko kegbir bre e la kusɔ ko?

1 Kɔrintebi 10:7

Men sa maŋ kaa la agbirshumpoana fanɛ kananɛ bumo be beko daa la na. Loŋ malɛ nɛ abɔrɛsibɛ na bee kaŋɛ na fanɛ: “Basa na daŋ chena nna n ji nseŋ nuu nseŋ koso n cha.”

1 Kɔrintebi 5:11

Kusɔ nɛ n daa de e la fanɛ men sa maŋ shin nɛ menyi nɛ esa kama nɛ e bee tre mbe kumu ekurgepo, mo alɛ nsaa wɔ kesakalea be kebaawɔtɔ to ŋko ŋkaa kɔ kejimuni ŋko emo nɛ e wɔtɔ a shuŋ agbir ŋko a na a tege basa ŋko emo nɛ e bee nuu nsa a boo ŋko emo nɛ e la eyu e baa kɔ kɔnɔkoŋwule be kebaawɔtɔ. Menyi nɛ loŋ be esa e sa maŋ bɔ enɔ n wɔtɔ kawie koŋwule to gba n ji.

2 Kɔrintebi 11:11

Manɛ e ba nɛ ŋ kaŋɛ loŋ ere? Ŋ ka maa sha menyi so a? Ayai, Ebɔrɛ gba nyi ŋ ka bee sha menyi!

2 Kɔrintebi 12:15

Amoso, meeŋ baa sha kemɔ ma kumu n wora kusɔ kama n sa menyi nseŋ tiŋ n shin nɛ b mɔ ma n sa menyi. Nɛ kananɛ m baa sha menyi ga le ere, a daga fanɛ men be kasha nɛ men kɔ a sa ma e baa duga so a?

2 Kɔrintebi 12:19

Shere men baa wɔtɔ nna a fɛ fanɛ anyee malga nna a sa menyi a kuŋ anyi be amu. Ayai, mannɛ aloŋ nna. Kananɛ Kristo bee sha fanɛ an malga nɛ anyee malga ashi Ebɔrɛ be anishito. Kusɔ kama malɛ nɛ anyee wora, men be keyɔ anishito so nɛ anyee wora kumo.

2 Kɔrintebi 6:17

Amoso ma, Enyɛnpe na e naa yɛ menyi na fanɛ men lara men be amu ashi bumo to a kɔr to. Men sa maŋ kaa beta kusɔ kama nɛ k kɔ eyurpi nɛ n sɔ menyi.

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

Filipaiebi 4:1

Amoso, ŋ kurgepoana, mee sha men be asheŋ ga nsaa sha kewu menyi. Menyi e naa shin nɛ ma kagbene bee fuli ma, menyi alɛ nseŋ naa la ma kegben be tɔnɔ. N teriana, amoso nɛ a daga fanɛ men baa kɔ Enyɛnpe na to a yil kpakpa na.

Failimɔn 1:1

Kawɔl ere shi ma, Pɔɔl nɛ n wɔ kabuti to ŋkpal Kristo Yesu so nɛ an kurgepo Timoti kutɔ nna a yɔ an teri lela nɛ an barkasa eshumpo Failimɔn

Hibruwebi 6:9

Ŋ kurgepo shasoana, kashenteŋ nna nɛ anyee kaŋɛ le be asheŋ ere, ama menyi ere, an kɔ yirda fanɛ asheŋ lela wɔ menyi to.

1 Pita 2:11

N teri lelaana, mee kule menyi nna fanɛ men baa gelge ayɛlgasɔ lubiana nɛ a wɔ men be eyurana to a kɔ men be ayoyuana kena, a na fanɛ befɔ nɛ benitepo ashi durnya ere to.

1 Jɔn 5:21

Ma mbi shasoana, men baa gelge agbir.

Kelaraŋŋini 13:8

Basa nɛ b wɔ kasawule ere so kikɛ beeŋ ba maŋ kusɔbɔya na so. Loŋ be basa na e la bekama nɛ b maŋ sibɛ bumo be atre n wɔtɔ Kpakpafɔlbi nɛ b daŋ mɔ durnya be sososo na kikɛ be kawɔl na to na.

Kelaraŋŋini 2:14

Ama asɔ lubi gbrɛbi nɛ n wu menyi so nde: Men kɔ basa ko menyi to ndoŋ nɛ baa bɛ Balaam be keŋini so, Balaam mo nɛ e daŋ ŋini Balak kananɛ e beeŋ fule Israɛlebi nɛ b ji nlɔŋɛjibi nseŋ naŋ fule bumo n wɔtɔ kesakalea be keji to na.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.