1 Kɔrintebi 10:13 - EBƆRƐ BE KAWƆL

¹³ Kechɔŋkeni kama nɛ k ba menyi so la kusɔ nɛ k bee kaa ba esa kama so nna. Ama Ebɔrɛ la esa nɛ e maaŋ yige anyi n to nna, e maaŋ shin nɛ men luri kechɔŋkeni mo nɛ k chɔ menyi be eleŋ so to. Nɛ men baŋ luri kechɔŋkeni to, mo alɛ beeŋ bugi ekpa n sa menyi nɛ men tiŋ n nya n yili to kpakpa.

1 Kɔrintebi 10:13 ပူးပေါင်းရင်းမြစ်များ

Nshɛ 124:7

An nya anyi be amu n shile fanɛ kusɔbɔya ka gbaŋ ekpampo be kejigbelɛ n lɛ nseŋ nya n shile na nna.

Nshɛ 125:3

E maaŋ shuli n shin nɛ kumukpakpasowuraana e ji kuwura mbe basa so, ŋko n fule bumo nɛ b wora alubi.

Nshɛ 36:5

Enyɛnpe Ebɔrɛ, fo kashenteŋji nɛ kasha nɛ fo kɔ a sa basa shi ga. Kumo alɛ maa chɛrga; k bee fo kaplɛkama, hale esoso nɛ awɔlpa to kikɛ.

Nshɛ 89:33

Ama m maaŋ yige kebaasha Deevid, ŋko ŋ kini kebɛ nnɔ nɛ n nase n sa mo na so.

Ɛksodɔs 3:17

Ma alɛ yili kumo fanɛ meeŋ lara menyi ashi tɔrɔ nɛ menyee ji ashi Ijipt be efuli so na to n yɔ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi be nsawuleana so. Loŋ be nsawule na e kɔ kanya alegaiso nsaa wora ajibi nɛnɛ.”

Aizaaya 11:5

Kashenteŋji nɛ keji asheŋ nɛ amo be ekpa so nɛ e beeŋ ta n ji kuwura mbe basa so.

Aizaaya 25:1

Enyɛnpe Ebɔrɛ, fo e la ma Ebɔrɛ; Meeŋ maŋkura fo nseŋ kpaŋ fo ketre. Fo e wora emamachisheŋ nɛ a bee mɔ kɔnɔ; fo alɛ e ta kashenteŋji n shin nɛ fo ŋkre nɛ fo wora dra na kikɛ bɔlɔ so.

Aizaaya 49:7

Israɛl be basa, ma e la Enyɛnpe menyi be Ebɔrɛ cheembi na. Ma alɛ e la menyi be emɔlgapo! Men daa la anya nna n sa efuli pɔtɛana be bewura nɛ baa keni menyi jiga. Naniere kɔnɔ nɛ mee nase a sa menyi nde: “Bewurjipo nɛ kenimujiana beeŋ gbir m bunyaŋ menyi. Menyeeŋ tiŋ n yirda ma! Ŋkpal manɛ so, ma e la Enyɛnpe menyi be Ebɔrɛ nɛ menyi alɛ la ma basa laraso.”

Jɛremaya 12:5

Ndoŋ nna nɛ Enyɛnpe Ebɔrɛ na kaŋɛ le: “Jɛremaya, fo ketu edimɛdi n shile ka bee nu fo ere, feeŋ tiŋ n tu egbaŋɛ n shile nna ere a? Fo ka bee shile kakpa lela nsaa fiti a tɔr ere, feeŋ tiŋ n shile kupuŋ nɛ k dese m mata Jɔɔdan be lɔrgboŋ na to nna ere a?

Jɛremaya 29:11

N nawule e nyi ŋkre nɛ ŋ kɔ a sa menyi. K la ŋkre nɛ k beeŋ shin nɛ asheŋ e nyalɛ nsaa nite nɛnɛ a sa menyi nna, mannɛ ŋkre nɛ k beeŋ shin nɛ men ji jɛrbi. K la ŋkre nɛ k beeŋ sa menyi echefoso be kebaawɔtɔ lela nɛ menyee tama na nna.

Nfabel 3:23

Esa beeŋ tiŋ n yirda Enyɛnpe Ebɔrɛ na jemanɛ kikɛ nɛ e baa wu mo kuwɔr kachipurso kikɛ.

Danɛl 3:17

Hale nɛ b ta anyi n lɛ edɛ to gba, anyi be Ebɔrɛ nɛ anyee shuŋ na beeŋ tiŋ m mɔlga anyi ashi amo to nɛ fo enɔ to.

Hoziya 2:20

Meeŋ bɛ kɔnɔ nɛ n nase na so n ta fo ŋ ki meya, saŋɛ na so, feeŋ pin fanɛ ma e la Enyɛnpe Ebɔrɛ na kashenteŋto.

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Luuk 11:4

Ta anyi be alubi m paŋ anyi, ŋkpal manɛ so, anyi alɛ gba ta m paŋ ekama nɛ e wora n da anyi so. Sa maŋ shin nɛ an luri kechɔŋkeni to.’ ”

Luuk 16:26

Ade malɛ kikɛ be kaman, kemaŋ chiŋgeliŋ ko wɔ anyi nɛ menyi be nferinto nɛ basa nɛ b wɔ nfe maaŋ tiŋ n yɔ menyi kutɔ nɛ ekama malɛ nɛ e wɔ menyi kutɔ maaŋ tiŋ n shi ndoŋ m ba anyi kutɔ nfe.’

Luuk 22:46

Nɛ e bishi bumo le: “Manɛ e ba nɛ menyee di? Men koso a kule Ebɔrɛ fanɛ men maaŋ luri kechɔŋkeni to.”

Ashuŋ Shunso 27:44

Nɛ bumo nɛ b ka na malɛ pɛ ekuloŋgboŋ na be ndibi fɛtaso na to m bɛ kaman a ba. Loŋ nɛ ekama daŋ wora n dii nɛ alenfia.

1 Kɔrintebi 1:9

Ebɔrɛ mo nɛ e tre menyi fanɛ menyi nɛ mo Pibinyɛn Yesu Kristo an Nyɛnpe e baa kɔ kebaawɔtɔ koŋwule na la esa nɛ esa beeŋ tiŋ n yirda nna.

2 Kɔrintebi 1:10

Loŋ be kenishipere lubi be asheŋ na to nɛ e daŋ mɔlga anyi ashi to, mo alɛ beeŋ naŋ mɔlga anyi. An ta anyi be tama nna n deŋi mo so fanɛ e beeŋ naŋ lɔŋɛ m mɔlga anyi

Ditɛronɔmi 7:9

Ŋkpal loŋ so, men baa nyiŋi fanɛ Enyɛnpe menyi be Ebɔrɛ na nawule e la Kashenteŋ be Ebɔrɛ nsaa la Kashenteŋjipo. E beeŋ wora m bɛ mbe kɔnɔkoŋwule be ŋkre so nseŋ lara mbe kasha nɛ k maa loge na ŋ ŋini basa nɛ baa sha mo nsaa wora mbe mbraana kasonu na, yili kenana ko n ya fo kenana ko loŋ be kagboŋ so.

1 Tɛsalɔnikaebi 5:24

Emo nɛ e tre menyi na beeŋ wora le be asheŋ, ŋkpal manɛ so, e la emo nɛ esa beeŋ tiŋ n yirda nna.

2 Tɛsalɔnikaebi 3:3

Ama Enyɛnpe bre maa chɛrga mbe asheŋ to kikɛ. E beeŋ sa menyi eleŋ nseŋ pete menyi ashi kulubi to.

2 Timoti 4:18

Enyɛnpe malɛ beeŋ lara ma ashi kulubi kikɛ to nseŋ yɛr ma mbe ebɔrɛso be kuwura to. Kemaŋkura e baa wɔ mo so hale mbaanaayɔ. Amɛn.

Hibruwebi 10:23

Men shin nɛ an baa kɔ anyi be shɛda na to kpakpa nsaa maa gbuŋgbuŋ to, ŋkpal manɛ so, esa nɛ e nase kɔnɔ n sa anyi na maa yɛ asheŋ a chɛrga kɔnɔ kikɛ.

Hibruwebi 11:11

Yirda e daŋ shin nɛ mbe eche Sɛɛra daŋ bel nseŋ daŋ nya eleŋ n di kedampo, ŋkpal manɛ so, e daŋ baa nyi geeŋ fanɛ esa nɛ e daŋ sa mo loŋ be kɔnɔ naseso na daa beeŋ wora kusɔ nɛ e daŋ kaŋɛ fanɛ e beeŋ wora na.

Hibruwebi 12:4

Ŋkpal manɛ so, menyi be kekɔ alubi n ju amo ashi menyi to kikɛ, men maŋ naŋ fo saŋɛ nɛ a daga fanɛ menyi be ŋklaŋ ka lar menyi to.

Hibruwebi 6:18

Naniere an nya asɔ anyɔ nɛ a maaŋ tiŋ n chɛrga, ŋkpal manɛ so, Ebɔrɛ maaŋ tiŋ ŋ ku efɛ kikɛ. Asɔ anyɔ na so nɛ anyi nɛ an shuli m mata Ebɔrɛ na beeŋ nya kagbene a kɔ kumɔlga be tama nɛ k wɔ anishito na to kpakpa.

1 Pita 4:19

Amoso, bumo nɛ b wɔ tɔrɔ mo nɛ a la Ebɔrɛ be keparso peya ere to ere, b baa ta bumo be amu kikɛ a bɔɔ bumo be Epɔrpo mo nɛ e maŋ kɔ kɔnɔkilgi na nsaa wɔtɔ a wora kelela na enɔ.

2 Pita 2:9

Amoso, men baa nyi fanɛ Enyɛnpe na nyi kananɛ e bee lara bɔrɛshapoana ashi bumo be kechɔŋkeniana to nseŋ naa nyi kananɛ e beeŋ baa kɔ bɔrɛkinipoana nɛ e kɔ a wɔ kasogberge to a jo demujiachɛ na,

1 Jɔn 1:9

Ama nɛ fanɛ an bugi to ŋ kaŋɛ Ebɔrɛ anyi be alubi bre, e la esa nɛ e niŋi nna nɛ anyeeŋ tiŋ n yirda mo nɛ e ta anyi be alubi kikɛ nyam m paŋ anyi nseŋ fɔr kulubi kikɛ nyam ashi anyi be ŋgbene to.

Kelaraŋŋini 19:11

Ndoŋ nna nɛ n wu ebɔrɛso ka bugi nɛ gbaŋɛ fuful yil. Kumo be ediipo be ketre e la Kebaayɛawora nɛ Kashenteŋ. Ekpa niŋiso nɛ e bee bɔla a ji demu nsaa kɔ kumo a kɔ kena.

Kelaraŋŋini 2:10

Men sa maŋ kaa ŋana asheŋ nɛ a bee shin nɛ a ba menyi so ere. Mee kaŋɛ menyi nna na fanɛ alubipo na beeŋ shin nɛ b ta menyi be beko n ti ebu nɛ e wora menyi ŋ keni nɛ men ji tɔrɔ nchɛ kudu. Ama men baa yil to kpakpa loŋ n ya kaa fo luwu to be keluri to gba nɛ n sa menyi ŋkpa be kuwurwuro na.

Kelaraŋŋini 3:10

Ŋkpal men ka bɛ kusɔ nɛ ŋ kaŋɛ menyi fanɛ men baa yili to kanyitiso na so so, ma alɛ gba beeŋ kuŋ menyi ashi kechɔŋkeni be jemanɛ mo nɛ k bee ba durnyaebi kikɛ so m ba wora basa nɛ b wɔ kasawule so kikɛ ŋ keni na.

1 Samuɛl 29:10

Amoso Deevid, a daga fanɛ fo nɛ bekama nɛ men lar Sɔɔl kutɔ m ba ma kutɔ na ka wule ŋ koso echefo kachipurso n lar nfe pɔɛŋ nɛ kakpa e bugi to.”