1 Kɔrintebi 10:12 - EBƆRƐ BE KAWƆL

¹² Amoso, ekama nɛ e bee fɛ fanɛ e yil kpakpa na e baa da so nsaa maŋ kaŋ tɔr.

1 Kɔrintebi 10:12 ပူးပေါင်းရင်းမြစ်များ

Aŋasa 16:18

Kamoowu e naa yɛr esa kemur to nɛ ŋkpensheŋ malɛ bee bar esa kaseto.

Aŋasa 28:14

Esa kama nɛ e bee ŋana Ebɔrɛ bee nya nɛfa nna, ama esa kama nɛ e kɔ kagbene kpakpaso bre bee luri asheŋ to nna.

Luuk 8:18

Amoso, men baa da so kananɛ menyeeŋ nu asheŋ so, ŋkpal manɛ so, ekama nɛ e kɔ beeŋ nya n ti so, ama ekama nɛ e maŋ kɔ shɛŋ na gba, baaŋ sɔ gbrɛ nɛ e bee tama fanɛ e kɔ na gba mo kutɔ.”

Romebi 11:20

To, kashenteŋ nna fanɛ b daŋ fɛta bumo nɛ b daa la kedibi na be ayabi gbagba na nna n lɛ ŋkpal b ka maŋ kɔ yirda so, ama yirda so nɛ menyi ere yil kpakpa na. Amoso, men sa maa wu menyi be amu, men baa kɔ kabɔrɛŋana a wɔtɔ.

1 Kɔrintebi 8:2

Esa baa fɛ fanɛ e nyi kusɔ ko, kumo ere e maŋ naŋ pin kusɔ na to fanɛ kananɛ k daga fanɛ e baa nyi kumo.

Kɔlɔsiebi 2:8

Men baa da so nɛ ekama e sa maŋ kaŋ ta efɛ nɛ kanyiasheŋ fuloŋ n fule menyi m bɛ mbe kumu so, kumo e la fanɛ nyiŋgbasa be edaŋkaresheŋ nɛ a maŋ kɔ shɛŋ nsaa la sososo be asɔ ŋiniso na nɛ a maŋ shi Yesu Kristo na kutɔ na,

2 Pita 3:17

Ama n teri lelaana, menyi ere tea nyi asheŋ ere kikɛ, amoso, men baa da so nɛ mbrakinipoana be alubi e sa maŋ shin nɛ men foe ekpa n lar kakpa lela nɛ men yil ere so n tɔr.