1 Kɔrintebi 10:11 - EBƆRƐ BE KAWƆL

¹¹ Asheŋ ere kikɛ daŋ wora bumo nna nɛ an pin kusɔ nɛ k wɔtɔ. B sibɛ amo n nase malɛ nna nɛ a baa fiɛ anyi so, ŋkpal manɛ so, jemanɛ mo nɛ an wɔtɔ ere bee fo durnya be ekar nna na.

1 Kɔrintebi 10:11 ပူးပေါင်းရင်းမြစ်များ

Jɛnesis 19:35

Kumo be kanyɛso nɛ b naŋ shin nɛ bumo tuto naŋ nuu nsa. Nɛ mo pibiche kekarkarso na malɛ luri mo to nɛ mo nɛ mo di keche nɛ kenyɛn. Kumo alɛ gba ŋkpal e ka daŋ nuu nsa na ga so, e daa maŋ pin saŋɛ nɛ mo nɛ mo alɛ gba di.

Nshɛ 102:18

Men sibɛ kusɔ nɛ Ebɔrɛ wora n nase n sa kaman to ebi nɛ baaŋ ba echefoso na; saŋɛ na so, bumo alɛ gba beeŋ ba kpaŋ Enyɛnpe Ebɔrɛ na ŋ kaŋɛ le:

Ezikɛl 5:15

Menyeeŋ ki kemɔmɔshia nɛ katege be kusɔ nsaa la kefiɛso n sa efuliana nɛ a kulti menyi na nɛ menyi be asheŋ a chinchiŋ bumo.

Matiu 13:39

Edoŋ nɛ e duu asɔ duuso lubi na e la Setani. Kasɔteŋi be jemanɛ na e la lalaloge be jemanɛ na nɛ beteŋipo na malɛ la emalaika.

Matiu 13:40

Kananɛ b baŋ chala asɔ duuso lubi na n chɔɔ edɛ na gbagba chap nɛ asheŋ beeŋ wora lalaloge be jemanɛ na.

Romebi 13:11

Men baa wora loŋ a nyi jemanɛ mo nɛ an wɔ ere to be asheŋ. Jemanɛ mo nɛ k daga fanɛ men tiŋi ashi menyi be edi to na fo, ŋkpal manɛ so, naniere anyi be kumɔlga be kachɛ na taga to a chɔ saŋɛ nɛ an daŋ fara n yirda Yesu Kristo na.

Romebi 13:12

Kanyɛ na biri n chɛr ga, naniere a ka gbrɛ nɛ kare e chɛ. Amoso, men shin nɛ an yige tentembiri to be ashuŋ shunso n lɛ nseŋ ta akɔsɔ na a wɔ kefulto to a kɔ.

Romebi 15:4

Abɔrɛsibɛ kama malɛ nɛ b daŋ sibɛ dra dra kikɛ n nase na, b daŋ sibɛ amo nna nɛ a baa ŋini anyi asheŋ, saŋɛ na so, anyeeŋ bɔla kanyiti nɛ kananɛ abɔrɛsibɛ na bee leŋ anyi to na to a kɔ tama.

Romebi 4:23

Kekaŋɛ fanɛ: “Ebɔrɛ nase kumo fanɛ e la elelapo na,” maŋ de mo nawule nna ashi abɔrɛsibɛ na to.

1 Kɔrintebi 10:6

To, le be asheŋ ere kikɛ la asɔ nɛ a bee ŋini anyi asɔ ko nna a fiɛ anyi so nɛ an sa maŋ kaa ta anyi be ŋgbene a deŋi alubi so fanɛ kananɛ b daŋ wora na.

1 Kɔrintebi 7:29

Ŋ kurgepoana, kusɔ nɛ n de e la fanɛ, saŋɛ maŋ naa shi. Amoso, bekama nɛ b kɔ beche e baa wɔtɔ fanɛ bumo nɛ b maŋ kɔ beche.

1 Kɔrintebi 9:10

Mannɛ anyi nawule so e shin nɛ e daŋ malga loŋ a? Kashenteŋto, anyi so nɛ e daŋ shin nɛ b sibɛ loŋ na, ŋkpal manɛ so, edɔpo nɛ eteŋipo kikɛ daga fanɛ b baa tama kenya adɔjibi na be ako.

Galeeshaebi 4:24

Anyeeŋ tiŋ ŋ koya kesheŋ ko ashi le be adrasheŋ ere to. Beche anyɔ na du fanɛ kɔnɔkoŋwule be ŋkre anyɔ nna. Amo be kuko shi Sainai be kebee na so nna nɛ kumo be kaplɛa so be mbia la anya. To, Heega peya nna na.

Filipaiebi 4:5

Men shin nɛ ekama nyam e baa wu kananɛ men du boeŋ, ŋkpal manɛ so, Enyɛnpe na be keba taga to.

Hibruwebi 10:25

Men sa maŋ shin nɛ an baa kini kebaatu abar a shɛr fanɛ kananɛ basa ko bee kaa wora na. Ama men shin nɛ an baa leŋ abar to, fɔnfɔŋ kananɛ men wu lalaloge be kachɛ na ka bee fo le ere so.

Hibruwebi 10:37

Ŋkpal manɛ so, loŋ nɛ abɔrɛsibɛ na bee kaŋɛ na fanɛ: “A ka gbrɛbi nɛ esa nɛ e bee ba na e ba, e maaŋ chɛr.

1 Jɔn 2:18

Ma mbi shasoana, lalaloge be saŋɛ na bee fo nna na. Men daŋ nu fanɛ Kristo mo doŋ beeŋ ba, naniere malɛ Kristo mo doŋana damta ba, amoso nɛ an pin fanɛ lalaloge be jemanɛ na fo.