1 Kɔrintebi 10:1 - EBƆRƐ BE KAWƆL

¹ Bekurgepoana, mee sha fanɛ men pin fanɛ kuwɔlpa daŋ juŋkpar an tutoana kikɛ nna nɛ bumo kikɛ daŋ bɔla teku na so n choŋ.

1 Kɔrintebi 10:1 ပူးပေါင်းရင်းမြစ်များ

Nehemaya 9:19

“Ŋkpal fo kuwɔrwu ka shi ga so fo daa ŋini bumo ekpa nna saŋkikɛ, fo alɛ daa maŋ yige bumo n lɛ keshishɛrsawule so. Fo daa bɔla kuwɔlpa so nna a ŋini bumo ekpa kapaso nsaa bɔla edɛ be kabɔlpi so a juŋkpar bumo kanyɛso.

Nshɛ 105:39

Ebɔrɛ daa bɔla kuwɔlpa so kapaso nɛ edɛ be kabulpi so kanyɛso nna a ŋini bumo ekpa ashi bumo be enite na to.

Nshɛ 66:6

Mo e shin nɛ teku wɔlto ŋ ki kasawule, nɛ an nananyɛnana nite kumo to n dii, nɛ an ji eyur ŋkpal kusɔ nɛ e wora na so.

Nshɛ 78:53

E ka daa juŋkpar bumo so, kufu daa maa kɔ bumo; ama Teku Peper na daŋ mur bumo doŋana bre nna.

Ɛksodɔs 14:29

Ama Israɛlebi na bre daŋ nite kasawule wɔlso so nna m bɔla teku nɛ k ki fanɛ egbalana a wɔ bumo be jisa so nɛ bena so n dii pɔɛŋ nɛ nchu na ji Ijipt be benapo na.

Ɛksodɔs 40:34

Nɛ kuwɔlpa ba buu Enyɛnpe be wajɛbu na so nɛ Enyɛnpe Ebɔrɛ be kemaŋkura ba bɔlɔ kumo to.

Nɔmbɛs 14:14

baaŋ kaŋɛ basa nɛ b wɔ kasawule ere so kikɛ kumo be asheŋ. Bumo alɛ teŋ nu fanɛ fo Enyɛnpe Ebɔrɛ na wɔ anyi kutɔ nɛ anyi nɛ fo bee malga abar kutɔ, nɛ fo kuwɔlpa buu anyi so nsaa juŋkpar anyi kapaso nɛ fo edɛ be kabulpi malɛ bee juŋkpar anyi kanyɛso.

Nɔmbɛs 33:8

B ka koso Pii Hahirɔf nɛ b dii Teku Peper na n ya luri Shur be keshishɛrsawule na to n nite nchɛ asa pɔɛŋ nseŋ naŋ ya wora bumo be keeyi to ashi Mara.

Baru lela nɛ Jɔn kute na 4:20

Kebee ere so nɛ an nanaana daa bunyaŋ Ebɔrɛ, ama menyi ere Juwebi kaŋɛ fanɛ kakpa nɛ k daga an ka bunyaŋ Ebɔrɛ e la Jerusalɛm.”

Romebi 1:13

Bekurgepoana, mee sha fanɛ men baa nyi fanɛ saŋɛ damta nɛ ŋ kre keba menyi kutɔ be nia nɛ m ba shin nɛ basa e yirda Yesu kananɛ n shin nɛ nnyamase ko gba wora ashi mboŋ ko na, ama m maŋ nya kumo be ekpa.

Romebi 11:21

Ŋkpal manɛ so, Ebɔrɛ ka baa maŋ yige m paŋ Juwebi nɛ b du fanɛ ayabi gbagba na, e maaŋ yige m paŋ menyi alɛ gba.

Romebi 4:11

Mbe yirda na be kaman nɛ e daŋ ku kututu a ŋini fanɛ ŋkpal mbe yirda na so nɛ Ebɔrɛ nase kumo fanɛ e la elelapo pɔɛŋ nɛ e ku. Amoso, abɔrɛsheŋ be kaplɛa so, mo e la bumo nɛ b maŋ ku nseŋ yirda Ebɔrɛ na kikɛ bumo tuto, saŋɛ na so Ebɔrɛ beeŋ nase kumo fanɛ b la belelapo.

1 Kɔrintebi 12:1

To, naniere ŋ kurgepoana, men shin nɛ an keni ŋkɛ mo nɛ a bee shi Kiyoyu na to na be asheŋ to. Mee sha fanɛ men baa nyi amo be asheŋ nna.

1 Kɔrintebi 14:38

Nɛ e baŋ kplaŋ le be kesheŋ ere so, baaŋ kplaŋ mo alɛ gba so.

Galeeshaebi 3:29

Nɛ men baa la Kristo peya bre, kumo ere Eebraham be kaman to ebi e la menyi nɛ menyi alɛ nya kakɛ nɛ Ebɔrɛ nase kɔnɔ a sa mbe mbia na.

Ditɛronɔmi 1:33

nɛ jemanɛ kikɛ e daa juŋkpar menyi a ŋini menyi kakpa nɛ menyi beeŋ yuu keeyi n chena ashi menyi be enite to na be kɔnɔ so. Edɛ be kabulpi so nɛ e daa bɔla a juŋkpar menyi kanyɛso, nsaa bɔla kuwɔlpa so a juŋkpar menyi kapaso a ŋini menyi ekpa nɛ kakpa nɛ menyi beeŋ yuu keeyi n chena.

Hibruwebi 11:29

Yirda so nɛ Israɛlebi na daŋ tiŋ m bɔla teku peper na to n nite n lar fanɛ kasawule wɔlso na, ama Ijiptebi na ka ba kaa sha kenite loŋ n choŋ nɛ b ji nchu.

Joshuwa 4:23

Nseŋ naŋ kaŋɛ bumo fanɛ Enyɛnpe nɛ e la bumo be Ebɔrɛ na, daŋ shin nɛ loŋ wora nna fanɛ kananɛ e daŋ shin nɛ Teku peper na ku to nɛ an daŋ nite kumo to n dii na.