1 Kɔrintebi 1:7 - EBƆRƐ BE KAWƆL

⁷ ŋkpal manɛ so, naniere men ka bee jo saŋɛ nɛ baaŋ lara an Nyɛnpe Yesu Kristo ŋ ŋini ere, Kiyoyu to be kakɛ maŋ naa wɔtɔ nɛ menyee paŋ kumo menyi to.

1 Kɔrintebi 1:7 ပူးပေါင်းရင်းမြစ်များ

Jɛnesis 49:18

O, Enyɛnpe, mee jo fo kenya be kesɔnyige nna.

Matiu 25:1

Nɛ Yesu naŋ bɔ keŋasa ko ŋ kaŋɛ: “Ebɔrɛso be kuwura na to beeŋ naŋ ba kaa du fanɛ besuŋgurbi kudu ko ka daŋ ta bumo be efitila nna n yɔ nɛ b ya shɛr kejafɔ mo kul to.

Luuk 12:36

fanɛ anya nɛ baa jo bumo nyɛnpe nɛ e shi kejafɔ to be kejigboŋ to m ba na. Loŋ na e baŋ ba ŋmɛa kabuna na, baaŋ bugi kumo epul na to n sa mo.

Luuk 17:30

To, loŋ gbagba be kebaawɔtɔ nɛ basa beeŋ baa kɔ kachɛ nɛ ma, Nyiŋgbasa Pibinyɛn beeŋ lara ma kumu ŋ ŋini durnya ere na.

Romebi 8:19

Ebɔrɛ be kepɔrso kikɛ nyam malɛ baa jɔŋ kumo be aya so nna a jo saŋɛ nɛ Ebɔrɛ beeŋ lara mbe mbia efuli na.

Romebi 8:23

Mannɛ asɔtoso na gba nawule, anyi nɛ an nya Kiyoyu nɛ e la Ebɔrɛ be kakɛ juŋkparso na gba bee shu to nna nsaa jo saŋɛ nɛ Ebɔrɛ na beeŋ ta anyi ŋ ki mbe mbia n shin nɛ an nya anyi be amu kikɛ nyam na.

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

2 Kɔrintebi 12:13

To, nɛ manɛ be kechɛto nɛ asɔriebi pɔtɛana nɛ b ka na daŋ nya nɛ menyi ere maŋ nya? Kusɔ nɛ k baa wɔtɔ e la fanɛ ma ere gbagba daa maŋ dese menyi so. Kumo alɛ be kulubi nɛ mee kule menyi fanɛ men ta m paŋ ma.

Galeeshaebi 5:5

Kusɔ nɛ anyi ere bee tama e la fanɛ Ebɔrɛ beeŋ shin nɛ anyi nɛ mo e ba abar so. Mbe Kiyoyu na be eleŋ to so nɛ loŋ be kesheŋ beeŋ bɔla anyi be yirda to n wora, kumo be loŋ malɛ nɛ anyee jo na.

Filipaiebi 3:20

Ama anyi ere, ebɔrɛso be basa e la anyi nɛ an baa jɔŋ anyi be aya so a jo anyi be Emɔlgapo, Enyɛnpe Yesu Kristo nɛ e shi ebɔrɛso m ba.

Kɔlɔsiebi 3:4

Amoso, saŋɛ nɛ Yesu Kristo nɛ e la an be ŋkpa na kaŋ lara mbe kumu ŋ ŋini durnya na, menyi alɛ gba beeŋ lar n nya mbe kemaŋkura.

1 Tɛsalɔnikaebi 1:10

nɛ e shin nɛ e tiŋi luwu to na fanɛ e shi ebɔrɛso m ba. Mo koŋwule Yesu na e naa mɔlga anyi ashi Ebɔrɛ be agbo nɛ k bee ba na to.

2 Tɛsalɔnikaebi 1:7

Mo e naaŋ sa anyi nɛ menyi nɛ menyee ji awurfoŋ ere ewushi kachɛ nɛ Enyɛnpe Yesu beeŋ lara mbe kumu ŋ ŋini durnya saŋɛ nɛ mo nɛ mbe emalaika lempo beeŋ shi ebɔrɛso m ba nɛ edɛ chɔɔso

2 Timoti 4:8

Naniere bre ma kejinlar be kakɛ e ka a jo ma nɛ n sɔ. Kumo be kamɔnchɛ Enyɛnpe nɛ e maa ji demu a puni na beeŋ ta kumo ŋ kɛ ma. Mannɛ n nawule, ama e beeŋ ta kumo ŋ kɛ bekama nɛ b kɔ kasha a jo mbe kelar m ba na gba n ti so.

Taites 2:13

An baa wɔ amo to nsaa jo kachɛ nɛ b nɛfa nɛ anyi be tama wɔ kumo so na. Kumo be kamɔnchɛ nɛ an be Ebɔrɛ Gboŋ, Emɔlgapo Yesu Kristo na be kemaŋkura beeŋ lar efuli.

Hibruwebi 9:28

To, loŋ koŋwule na nɛ b daŋ ta Kristo gba n lara sarga kela koŋwule pati nɛ e kpra basa damta be alubi ashi bumo so. Mo alɛ beeŋ naŋ bɛta kela nyɔsopo n lar m ba, ama kede bre, mannɛ alubi be kekpara so nɛ e bee ba, e kɔ kumɔlga nna a ba nɛ e ba sa bumo nɛ baa jo mo na kikɛ.

1 Pita 1:13

Amoso, men bela men be amu ase nɛnɛ ashi men be nfɛraana to a jo asheŋ be kewora. Men baa kɔ nfɛra cheembi nseŋ ta men be tama kikɛ n wɔtɔ nɛfa mo nɛ menyeeŋ nya saŋɛ nɛ Ebɔrɛ beeŋ lara Yesu Kristo ŋ ŋini na.

1 Pita 4:13

Ama men shin nɛ men be ŋgbene e baa fuli menyi parr fanɛ men ka bee ji Yesu be tɔrɔ na be ako, saŋɛ na so men be ŋgbene beeŋ fuli menyi saŋɛ nɛ mbe kemaŋkura beeŋ lar efuli na.

1 Pita 5:4

Saŋɛ na so, Ekenipo Nimuso na kaŋ ya lar m ba, menyeeŋ nya kemaŋkurawuro mo nɛ k maa terge kikɛ na.

2 Pita 3:12

a keni Ebɔrɛ be kachɛ na ekpa n shin nɛ k ba manaŋ. Kumo be kachɛ na, esosoana beeŋ chɔɔ edɛ m mur nɛ kuwuloŋ na e ŋalga esoso be asɔana na.

1 Jɔn 3:2

N teri shasoana, naniere an la Ebɔrɛ be mbia nna na, ama kananɛ anyeeŋ ba kaa du kachako so bre e maŋ naŋ lar efuli. Kusɔ nɛ an baa nyi kikɛ e la fanɛ Kristo kaŋ ba lar efuli, anyeeŋ baa du fanɛ mo gbagba nna, ŋkpal manɛ so, anyeeŋ wu mo kananɛ e baa du.

Juud 1:21

Men baa kɔ men be amu a wɔ Ebɔrɛ be kasha to a jo saŋɛ nɛ an Nyɛnpe Yesu Kristo beeŋ wu anyi kuwɔr n shin nɛ anyi nɛ mo e baa wɔtɔ mbaanaayɔ na.