1 Kɔrintebi 1:29 - EBƆRƐ BE KAWƆL

²⁹ nɛ esa kikɛ e sa maŋ tiŋ m puchi ashi Ebɔrɛ be anishito.

1 Kɔrintebi 1:29 ပူးပေါင်းရင်းမြစ်များ

Nshɛ 49:6

Bumo ere yirda asɔ nɛ b kɔ nna nsaa puchi ŋkpal bumo be kedamaya so.

Aizaaya 10:15

Ama le nɛ Enyɛnpe Ebɔrɛ na kaŋɛ Asiriya be ewura na: “Kekpanfu ŋko kasaŋɛgboŋ beeŋ tiŋ ŋ kaŋɛ fanɛ kumo e chɔ esa nɛ e bee keta kumo a shuŋ na a? Dimɛdi e naa keta kaprɛ ŋko kaprɛ e naa keta dimɛdi?”

Jɛremaya 9:23

Kumo be kaman nɛ Enyɛnpe Ebɔrɛ na naŋ kaŋɛ le: “Benyiashempo e sa maa puchi bumo be kanyiasheŋ so, ŋko belempo e sa maa puchi bumo be eleŋ so, ŋko damawuraana e sa maa puchi bumo be kedama so.

Romebi 15:17

Ŋkpal kɔnɔkoŋwule nɛ k wɔ ma nɛ Kristo Yesu be kefɛato so mee puchi nna ŋkpal ŋ ka bee shuŋ Ebɔrɛ so.

Romebi 3:19

Ama an nyi fanɛ kusɔ kama nɛ mbra na bee kaŋɛ, basa nɛ b wɔ kumo to na to nɛ k de, saŋɛ na so esa kikɛ maaŋ nya kɔnɔ m bugi. Loŋ malɛ e naaŋ shin nɛ Ebɔrɛ e ji durnya kikɛ demu.

Romebi 3:27

To, nɛ manɛ so nɛ esa bee wu mbe kumu? E beeŋ tiŋ ŋkpal e ka bee bɛ mbra na so so a wu mbe kumu a? Ayai, ŋkpal manɛ so, mannɛ e ka bee bɛ mbra na so e shin nɛ e ji n lar Ebɔrɛ be anishito, ama ŋkpal e ka yirda so.

Romebi 4:2

Nɛ fanɛ ashuŋ ko nɛ e daŋ wora nseŋ ji n lar Ebɔrɛ be anishito, kumo ere e daa beeŋ tiŋ ŋkpal amo so m puchi, ama e maaŋ tiŋ m puchi Ebɔrɛ bre be anishito.

1 Kɔrintebi 1:31

Loŋ malɛ nɛ abɔrɛsibɛ na kaŋɛ na fanɛ: “Esa kama nɛ e bee sha kepuchi, e baa puchi Enyɛnpe na so.”

1 Kɔrintebi 4:7

Ŋkpal manɛ so, wanɛ e la fo nɛ fee fɛ fanɛ fo bɔ fo niopibiana? Mannɛ Ebɔrɛ e kɛ fo asɔ nɛ fo kɔ ere kikɛ a? To, nɛ manɛ e ba nɛ fee puchi fanɛ asɔ nɛ fo kɔ ere maŋ la kakɛ nna?

1 Kɔrintebi 5:6

Kananɛ menyee puchi ere maŋ walɛ kuraa. Men maŋ nyi keŋasa mo nɛ k bee kaŋɛ fanɛ: Yiisi gbrɛbi baŋ luri nyifu to a bee shin nɛ nyifu na kikɛ bee tiŋ fɔŋgrɔŋ nna a?

Ɛfesesebi 2:9

Mannɛ ashuŋ shunso so nɛ baa nya kumo, saŋɛ na so esa kama maaŋ nya ekpa m puchi.