1 Kɔrintebi 1:26 - EBƆRƐ BE KAWƆL

²⁶ Ŋ kurgepoana, men baa nyiŋi basa nɛ men daa la pɔɛŋ nɛ Ebɔrɛ tre menyi na. Edimɛdi be anishito menyi be bedamta daa maŋ la benyiashempo. Men be bedamta daa maŋ la bejuŋkparpo basa be anishito, bedamta malɛ daa maŋ shi kuwurji be kanaŋ kama to.

1 Kɔrintebi 1:26 ပူးပေါင်းရင်းမြစ်များ

2 Bewura 5:4

Neeman ka nu loŋ nɛ e yɔ ewura na kutɔ n ya kaŋɛ mo kusɔ nɛ kebichebi na kaŋɛ kikɛ.

Job be kawɔl 37:24

Amoso edimɛdi bee ŋana mo nsaa bunyaŋ mo nna, ŋkpal manɛ so, e maa keni kamoowu wuraana nɛ baa fɛ fanɛ b nyi asheŋ ga na a bɔlɔ kenishi.

Zefanaiya 3:12

Bekama nɛ b du boeŋ nsaa bar bumo be amu ase kashenteŋto na bre, m maaŋ ju bumo, ŋkpal b ka ta bumo be yirda n deŋi ma so so.

Luuk 1:3

Ebunyampo, ma Luuk gba keni asheŋ na kikɛ to nyam ŋ koya amo nɛnɛ

Luuk 10:21

Epul na malɛ to nɛ Kiyoyu Cheeŋ na shin nɛ kagbenefuli luri m bɔlɔ Yesu to nɛ e kaŋɛ: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so. N Tuto, kashenteŋ, fo gbagba e yili kumo loŋ n shin nɛ k wora m bɛ fo keparso.”

Ashuŋ Shunso 13:12

Gomena na ka daŋ wu kusɔ nɛ k wora na nɛ e yirda. Enyɛnpe be asheŋ nɛ b daa ŋini na daŋ chinchiŋ mo ga.

Ashuŋ Shunso 13:7

Kepla na so be Gomena Sɛjes Pɔɔles mo teri e daa la mo. Sɛjes Pɔɔles ere daa la enyiashempo nna ga. Ndoŋ nna nɛ gomena na tre Baanabas nɛ Sɔɔl ŋkpal kenu abɔrɛsheŋ na so.

Ashuŋ Shunso 17:34

Nɛ basa ko yɔ mo kutɔ n ya ki bebɛsopo. Bumo to be beko e daa la Dayɔnaisias, Ariɔpages be katuŋ na to be esa, nɛ kache ko nɛ baa tre Damaris na n ta beko malɛ gba n ti so.

Romebi 11:29

Ŋkpal manɛ so, Ebɔrɛ be kakɛ nɛ mbe ketre esa a sa mbe kumu maa chɛrga.

1 Kɔrintebi 1:20

To, nɛ kenya la loŋ, nnɛ nɛ benyiashempo ŋko nwɔlnyipoana ŋko durnya ere to be kanyiashenfinpowuraana naa yil? Ebɔrɛ maŋ ŋini fanɛ durnya ere to be kanyiasheŋ la kawulisheŋ nna a?

1 Kɔrintebi 2:13

Amoso, anyi maa malga mmalga mo nɛ edimɛdi ta bumo be kanyiasheŋ ŋ ŋini. Mmalga mo nɛ Kiyoyu na ŋini nɛ an kɔ a bugi Kiyoyu na to be nshenteŋ a sa basa nɛ b kɔ Kiyoyu na.

1 Kɔrintebi 2:8

Basa nɛ b kɔ eleŋ durnya ere to daa maŋ nyi le be kanyiasheŋ ere, ŋkpal manɛ so, nɛ b daa nyi kumo nna, b daa maaŋ gbir an Nyɛnpe mo nɛ e kɔ kemaŋkura na m mata kedibi largato so.

Filipaiebi 4:22

Ebɔrɛ be basa nɛ b wɔ nfe ere kikɛ, fɔnfɔŋ bumo nɛ b shi Romebi be ewurgboŋ pe na bee chɔrɔ menyi.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

2 Jɔn 1:1

Kawɔl ere shi ma nɛ baa tre Enimu na kutɔ nna a yɔ kowurche nɛ Ebɔrɛ lara na nɛ mbe mbia kutɔ. Amo be kache na be asheŋ nɛ mee sha kashenteŋto na. Mannɛ n nawule malɛ gba e naa sha mbe asheŋ, bekama nɛ b nyi kashenteŋ be keŋini na gba bee sha mbe asheŋ,