1 Kɔrintebi 1:25 - EBƆRƐ BE KAWƆL

²⁵ Ŋkpal manɛ so, kusɔ nɛ k bee ŋini Ebɔrɛ be kawulisheŋ kɔ kanyiasheŋ a chɔ edimɛdi be kanyiasheŋ. Kusɔ nɛ kumo alɛ bee ŋini Ebɔrɛ be kapɔshi basa be anishito kɔ eleŋ a chɔ edimɛdi be eleŋ.

1 Kɔrintebi 1:25 ပူးပေါင်းရင်းမြစ်များ

Ɛksodɔs 13:17

Saŋɛ nɛ ewura Fɛɛro daŋ sa Israɛl be basa ekpa fanɛ b yɔ na, Ebɔrɛ daa maŋ juŋkpar bumo m bɔla ekpa shiimbi ashi Filistiebi be kasawule so, ŋkpal manɛ so, le nɛ Ebɔrɛ daŋ fɛ: “Nɛ Filistiebi kaŋ ya kre kena n tu bumo, baaŋ chɛrga bumo be nfɛra m bɛta n yɔ Ijipt.”

1 Kɔrintebi 1:18

Ŋkpal manɛ so, luwu mo nɛ Kristo wu kedibi largato so be kubɔya na la kawulisheŋ nna n sa basa nɛ b wɔ kemur be ekpa to na. Ama anyi nɛ an wɔ kumɔlga be ekpa to ere bre, loŋ be kubɔya na la Ebɔrɛ be eleŋ nna.

1 Kɔrintebi 1:21

Ebɔrɛ daŋ bɔla mbe kanyiasheŋ so nna n yili kumo fanɛ edimɛdi e sa maŋ ta bumo gbagba be kanyiasheŋ so m ba pin mo. Ama mo ere gbagba be keparso nɛ e yili kumo fanɛ e beeŋ bɔla kubɔya mo nɛ anyeeŋ bɔ n sa basa nɛ baa tre kawulisheŋ be mmalga ere so m mɔlga bekama nɛ b yirda na.

1 Kɔrintebi 2:14

Durnya ere to be esa bre maaŋ tiŋ n nya asɔ nɛ a bee shi Ebɔrɛ be Kiyoyu na kutɔ. Kashenteŋto, a la kawulisheŋ nna n sa mo nɛ e maaŋ tiŋ m pin amo to kikɛ, ŋkpal manɛ so, Kiyoyu na nawule e naaŋ tiŋ ŋ ŋini mo amo be asheŋ.

1 Kɔrintebi 4:10

Ŋkpal Kristo so, an la bewulpo nna, ama menyi ere la benyiashempo nna ashi Kristo to. Anyi ere maŋ kɔ eleŋ, ama menyi ere kɔ! B kishi anyi nna, ama baa bunyaŋ menyi ere nna!

2 Kɔrintebi 13:4

Kashenteŋto, kapɔshi to nɛ b daŋ gbir mo kedibi largato so, ama Ebɔrɛ be eleŋ nɛ e kɔ a wɔ ŋkpa to naniere. Loŋ nɛ anyi alɛ gba la bepɔshipo mo to, ama ŋkpal Ebɔrɛ be eleŋ so, an tu Kristo na nna a wɔ ŋkpa to nɛ an shuŋ menyi.