1 Kɔrintebi 1:21 - EBƆRƐ BE KAWƆL

²¹ Ebɔrɛ daŋ bɔla mbe kanyiasheŋ so nna n yili kumo fanɛ edimɛdi e sa maŋ ta bumo gbagba be kanyiasheŋ so m ba pin mo. Ama mo ere gbagba be keparso nɛ e yili kumo fanɛ e beeŋ bɔla kubɔya mo nɛ anyeeŋ bɔ n sa basa nɛ baa tre kawulisheŋ be mmalga ere so m mɔlga bekama nɛ b yirda na.

1 Kɔrintebi 1:21 ပူးပေါင်းရင်းမြစ်များ

Danɛl 2:20

“Kapandi e baa la fo Ebɔrɛ na peya mbaanaayɔ ŋkpal fo kanyiasheŋ nɛ eleŋ nɛ fo kɔ so.

Matiu 11:25

Jemanɛ na so nɛ Yesu kaŋɛ le: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so.

Luuk 10:21

Epul na malɛ to nɛ Kiyoyu Cheeŋ na shin nɛ kagbenefuli luri m bɔlɔ Yesu to nɛ e kaŋɛ: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so. N Tuto, kashenteŋ, fo gbagba e yili kumo loŋ n shin nɛ k wora m bɛ fo keparso.”

Luuk 12:32

Ma basa, men maŋ shi, ama men sa maa lɔ kufu. Ŋkpal manɛ so, men Tuto be keparso nna nɛ e yili kumo fanɛ e beeŋ ta mbe kuwura na n sa menyi.

Baru lela nɛ Jɔn kute na 12:31

Naniere bre keji durnya ere demu be saŋɛ fo, naniere nɛ kegboŋi durnya ere to be ejuŋkparpo na ashi mbe kejuŋkpar na to na fo.

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

Romebi 11:33

Kashenteŋto, Ebɔrɛ be alelasheŋ shi pasaa. Mbe nfɛra nɛ mbe kashennyi shi kashenteŋto. Wanɛ e naaŋ tiŋ m pin asheŋ nɛ e bee yili to ŋ kute ŋko m pin mbe asheŋ woraso to?

1 Kɔrintebi 1:18

Ŋkpal manɛ so, luwu mo nɛ Kristo wu kedibi largato so be kubɔya na la kawulisheŋ nna n sa basa nɛ b wɔ kemur be ekpa to na. Ama anyi nɛ an wɔ kumɔlga be ekpa to ere bre, loŋ be kubɔya na la Ebɔrɛ be eleŋ nna.

1 Kɔrintebi 1:23

Ama anyi ere, Kristo mo nɛ b daŋ gbir m mata kedibi largato so na be asheŋ be kubɔya nɛ anyee bɔ a sa basa. Loŋ be kubɔya na malɛ la kusɔ nɛ k bee kagle Juwebi ekpa nna nsaa la kawulisheŋ a sa Nnyamase malɛ.

1 Kɔrintebi 1:24

Ama bumo, Juwebi nɛ Griikebi nɛ Ebɔrɛ tre na bre kikɛ, kubɔya na la Kristo mo nɛ e la Ebɔrɛ be eleŋ nɛ mbe kanyiasheŋ na nna.

1 Kɔrintebi 1:25

Ŋkpal manɛ so, kusɔ nɛ k bee ŋini Ebɔrɛ be kawulisheŋ kɔ kanyiasheŋ a chɔ edimɛdi be kanyiasheŋ. Kusɔ nɛ kumo alɛ bee ŋini Ebɔrɛ be kapɔshi basa be anishito kɔ eleŋ a chɔ edimɛdi be eleŋ.

1 Kɔrintebi 1:27

Ama Ebɔrɛ lara durnya ere to be asɔ wuliso nna nɛ e ta anishinyɔr m pɛ benyiashempo. E lara durnya ere to be asɔ pɔso nna nɛ anishinyɔr e pɛ belempo.

1 Kɔrintebi 11:32

Ama nɛ Enyɛnpe na baŋ sa anyi kasogberge n niŋi anyi ekpa, e bee wora loŋ nna, saŋɛ na so, e maaŋ ta anyi n ti durnyaebi so m mur.

1 Kɔrintebi 2:14

Durnya ere to be esa bre maaŋ tiŋ n nya asɔ nɛ a bee shi Ebɔrɛ be Kiyoyu na kutɔ. Kashenteŋto, a la kawulisheŋ nna n sa mo nɛ e maaŋ tiŋ m pin amo to kikɛ, ŋkpal manɛ so, Kiyoyu na nawule e naaŋ tiŋ ŋ ŋini mo amo be asheŋ.

1 Kɔrintebi 4:10

Ŋkpal Kristo so, an la bewulpo nna, ama menyi ere la benyiashempo nna ashi Kristo to. Anyi ere maŋ kɔ eleŋ, ama menyi ere kɔ! B kishi anyi nna, ama baa bunyaŋ menyi ere nna!

1 Kɔrintebi 6:2

Men maŋ nyi fanɛ Ebɔrɛ be basa e naaŋ ba ji durnya to ebi kikɛ demu kachako a? To, nɛ menyi ka beeŋ ba ji durnya ere to ebi kikɛ demu, men maaŋ tiŋ n ji le be asheŋ wurbi ere bre a?

Galeeshaebi 1:15

Ama ŋkpal Ebɔrɛ be kuwɔr be kakɛ na so e lara ma nseŋ tre ma nna pɔɛŋ gba nɛ b kurge ma nɛ m ba shuŋ mo.

Galeeshaebi 4:8

Saŋɛ na men daa maŋ nyi Ebɔrɛ, amoso, men daa la ayoyuana nɛ basa bee fɛ fanɛ a la Ebɔrɛ nɛ amo alɛ maŋ la na be anya nna.

Ɛfesesebi 1:9

nseŋ naŋ bugi wulo be kesheŋ naseso nɛ e yili fanɛ e beeŋ bɔla Kristo so n shin nɛ loŋ e wora na n sa anyi.

Ɛfesesebi 3:10

Saŋɛ na so e beeŋ bɔla asɔriebi na to n shin nɛ mbe kashennyi damta e dii efuli n sa esoso be kenimujipoana nɛ bejuŋkparpo ashi ebɔrɛso.

Kɔlɔsiebi 1:19

Amoso, mo e chɔ asɔ kikɛ, ŋkpal manɛ so, Etuto na be keparso nɛ Ebi na du fanɛ mo gbagba chap.

Hibruwebi 1:14

To, kananɛ emalaika be asheŋ du Ebɔrɛ be anishito nna na. Bumo kikɛ la ayoyu nna a shuŋ Ebɔrɛ nɛ e bee shuŋi bumo nɛ baa chɛ bumo nɛ baaŋ nya kumɔlga na to.

Hibruwebi 2:3

To, nɛ an baŋ kplaŋ le be kumɔlga gboŋgboŋi ere so, nuso nɛ anyeeŋ wora ŋ gelge kasogberge? Enyɛnpe gbagba e daŋ fara m bɔ kumɔlga na be kubɔya n sa basa, nɛ bumo nɛ b daŋ nu kumo mo kutɔ na malɛ ŋini anyi fanɛ k la kashenteŋ nna.

Hibruwebi 7:25

Amoso, e beeŋ tiŋ m mɔlga basa nɛ baa bɔla mo so a yɔ Ebɔrɛ kutɔ naniere nɛ saŋkama, ashi bumo be alubi to, ŋkpal manɛ so, saŋkikɛ e wɔtɔ nna a kule Ebɔrɛ a sa anyi.

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.

Jeems 5:15

Nɛ b baŋ kule Ebɔrɛ yirdaso, elɔpo na beeŋ nya eleŋ. Enyɛnpe beeŋ chɛ mo nɛ e niŋi to nɛ alubi kama malɛ nɛ e wora, Ebɔrɛ beeŋ ta m paŋ mo.

Jeems 5:20

esa nɛ e chɛ mo to na e baa nyi fanɛ esa kama nɛ e chɛ alubiworapo to nɛ e lar mbe alubi na to mɔlga amodoŋwura be kiyoyu ashi luwu to nseŋ shin nɛ Ebɔrɛ kpra alubi damta n lɛ.