1 Kɔrintebi 1:2 - EBƆRƐ BE KAWƆL

² Bumo e la basa nɛ Ebɔrɛ lara fanɛ b ba kaa la mbe basa a wɔ Kristo Yesu to na. Bumo koŋwule na nɛ basa kama nɛ b wɔ kaplɛkama a ti an Nyɛnpe Yesu Kristo be ketre na, mo e la bumo Nyɛnpe nɛ an Nyɛnpe na nɛ b tre nɛ b ba kaa la basa cheembi a wɔtɔ.

1 Kɔrintebi 1:2 ပူးပေါင်းရင်းမြစ်များ

Jɛnesis 12:8

Kumo be kaman nɛ e yɔ abee nɛ a wɔ Bɛtɛl be epeŋipetekpa be kaba so na n ya yuu mbe ewajɛbu Bɛtɛl nɛ Ai be kefɛato. Ndoŋ nɛ Eebram naŋ yuu bɔrɛsure m bunyaŋ Enyɛnpe na pɔɛŋ

Jɛnesis 4:26

Sɛt malɛ ka daŋ nɛ e ta eche ŋ kurge ebinyɛn nseŋ nase mo ketre Inɔsh. Kumo be jemanɛ so nɛ basa fara a shuŋ Enyɛnpe Ebɔrɛ na nsaa bunyaŋ mo.

Nshɛ 45:11

Fo kela e shin nɛ ewura be kagbene pɛ fo ga na. Amoso baa sa mo bunyaŋ nsaa wora kusɔ kama nɛ e bee sha a sa mo.

Ashuŋ Shunso 10:36

E maa keni yiri nɛ k la mo. Men nyi kubɔya nɛ e sa Israɛlebi a kaŋɛ baru lela na be asheŋ fanɛ anyeeŋ tiŋ n nya kagbenewushi Ebɔrɛ kutɔ ashi Yesu Kristo nɛ e la basa kikɛ be Enyɛnpe na to be asheŋ.

Ashuŋ Shunso 15:9

E maŋ ŋini fanɛ an kɔr bumo to. Bumo be yirda so nɛ e ta bumo be alubi m paŋ bumo.

Ashuŋ Shunso 18:1

Kede be kaman nɛ Pɔɔl lar Atens n ta n yɔ Kɔrint.

Ashuŋ Shunso 22:16

Amoso, sa maŋ naŋ jo, koso n shin nɛ b bɛr fo kabɔrɛbɛr a ti Yesu be ketre na nɛ Ebɔrɛ e fɔr fo alubi n lɛ.’

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

Ashuŋ Shunso 9:13

Nɛ Ananiyas kaŋɛ: “Enyɛnpe, basa damta kaŋɛ ma kanyɛn ere be asheŋ fanɛ kananɛ e tɔrɔ fo basa ashi Jerusalɛm.

Ashuŋ Shunso 9:14

Mo alɛ kule ekpa ashi bɔrɛmatapowuraana na kutɔ nna m ba Damaskɔs nfe nɛ e ba pɛ bekama nɛ baa bɛ fo so na nna.”

Ashuŋ Shunso 9:21

K daŋ chinchiŋ bekama nɛ b nu kumo na ga nɛ b bishi abar: “Mannɛ kanyɛn ere e daa wɔ Jerusalɛm a mɔ bekama nɛ baa ti ketre ere yirdaso na a? Kumo be kaman, mannɛ kepɛ loŋ be basa n ya bɔɔ bɔrɛmatapowuraana na enɔ so so nɛ e ba nfe a?”

Romebi 1:7

Amoso nɛ mee sibɛ kawɔl ere a sa menyi kikɛ nɛ men wɔ Rom be kade to nɛ Ebɔrɛ bee sha menyi nseŋ tre menyi fanɛ men ba kaa la mo gbagba be basa na. An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

Romebi 10:12

Ŋkpal manɛ so, Ebɔrɛ be anishito Juw nɛ kanyamase maŋ kɔr abar to, Enyɛnpe na e la ekama nyam be Enyɛnpe, nɛ ekama malɛ nɛ e shu n tre mo, e beeŋ bugi kagbene n nɛfa amodoŋwura.

Romebi 3:22

Loŋ be shɛda nɛ mbra na gba nɛ anebiana na bee ji. Ebɔrɛ malɛ bee bɔla basa be yirda nɛ k deŋ Yesu Kristo so so nna a shin nɛ mo nɛ basa na kikɛ bee nya kɔnɔkoŋwule. Mo alɛ maa kpɛa basa to.

Romebi 8:28

Anyi alɛ nyi fanɛ asɔ kikɛ to, Ebɔrɛ bee wora asheŋ nna nɛ a bee ba abar so m ba kaa ki asɔ lela a sa mbe beshapo nɛ e tre m ba mo kutɔ fanɛ b ba kaa wora mbe aparsheŋ na.

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

1 Kɔrintebi 10:32

Sa maŋ kaŋ shin nɛ fo kebaawɔtɔ e shin nɛ Juw be esa kama ŋko Griik be esa kama ŋko Ebɔrɛ be asɔri na to be ekama e tɔr.

1 Kɔrintebi 12:27

To, menyi e la Kristo be eyur na nsaa la kumo be mba kukoko to.

1 Kɔrintebi 8:6

ama anyi ere kutɔ Ebɔrɛ koŋwule e baa wɔtɔ, mo e la Etuto mo nɛ kusɔ kikɛ shi mo kutɔ, mo alɛ so nɛ an wɔtɔ na. Enyɛnpe koŋwule, Yesu Kristo na malɛ e wɔtɔ, mo nɛ Ebɔrɛ bɔla mo so n to kusɔ kikɛ mo alɛ nsaa sa anyi ŋkpa na.

2 Kɔrintebi 1:1

Kawɔl ere shi ma Pɔɔl nɛ m bɔla Ebɔrɛ be keparso so a la Kristo Yesu be eshuŋipo na nɛ an kurgepo Timoti kutɔ nna a yɔ Ebɔrɛ be asɔriebi nɛ b wɔ Kɔrint be kade to nɛ Ebɔrɛ be basa nɛ b wɔ Griis be kasawule so kikɛ na kutɔ.

2 Kɔrintebi 4:5

Ŋkpal manɛ so, mannɛ anyi gbagba be asheŋ be baru nɛ anyee bɔ, Yesu Kristo be baru nɛ anyee bɔ a kaŋɛ fanɛ mo e la Enyɛnpe na nɛ anyi alɛ la men be beshumpo ŋkpal Yesu so.

Galeeshaebi 1:2

Bekurgepoana nɛ b wɔ nfe ere kikɛ na gba ti kawɔl ere be kasibɛ be asheŋ to so a chɔrɔ menyi.

Ɛfesesebi 5:26

E wora loŋ nna nɛ e ta asɔri na m bɔɔ Ebɔrɛ enɔ nseŋ bɔla Ebɔrɛ be kamalga so n fɔr kumo fanɛ kachubɛr na.

1 Tɛsalɔnikaebi 1:1

Kawɔl ere shi ma Pɔɔl nɛ Sailas nɛ Timoti kutɔ nna a yɔ Tɛsalɔnika be asɔriebi nɛ b la Ebɔrɛ an Tuto nɛ Enyɛnpe Yesu Kristo peya na kutɔ. Ebɔrɛ be kuwɔr be kakɛ nɛ kagbenewushi e baa la menyi peya.

1 Tɛsalɔnikaebi 4:7

Ebɔrɛ maŋ tre anyi nna nɛ an ba kaa wɔ amɔmɔshiasheŋ to, e tre anyi nna nɛ an ba kaa wɔ kebaawɔtɔ cheembi to.

2 Tɛsalɔnikaebi 1:1

Kawɔl ere shi ma Pɔɔl nɛ Sailas nɛ Timoti kutɔ nna a yɔ Tɛsalɔnika be asɔriebi nɛ b la Ebɔrɛ an Tuto nɛ Enyɛnpe Yesu Kristo peya na kutɔ.

1 Timoti 2:8

Mee sha nna fanɛ kaplɛkama benyɛn nɛ b maa ta bumo be enɔana a shuŋ alubi e baa maŋ amo so kabɔrɛkule to nsaa maa keta kanya agbo ŋko a kini keyirda fanɛ Ebɔrɛ bee nu kabɔrɛkule.

1 Timoti 3:15

saŋɛ na so ŋ kaŋ maŋ naŋ tiŋ m ba manaŋ, kawɔl ere beeŋ ŋini fo kebaawɔtɔ nɛ k daga fanɛ anyi nɛ an la Ebɔrɛ be kanaŋ to ebi nɛ baa tre ŋkpa to be Ebɔrɛ be asɔri na ka wora. Asɔri na e kɔ kashenteŋ be keŋini na to nsaa keni kumo so.

2 Timoti 1:9

Ebɔrɛ mɔlga anyi nna nseŋ tre anyi fanɛ an ba ki mbe basa ŋkpal kusɔ nɛ mo gbagba yili nɛ mbe kuwɔr be kakɛ so, mannɛ kusɔ nɛ an wora so, Kristo Yesu so nɛ e bɔla n wu anyi kuwɔr pɔɛŋ nɛ kusɔ kikɛ fara dra dra na kikɛ.

2 Timoti 2:19

Ama kusɔ nɛ Ebɔrɛ tɔl n yili maŋ kɔ kegbuŋgbuŋ kikɛ. Kasibɛ nɛ a deŋ kumo so malɛ nde: “Enyɛnpe na nyi basa nɛ b la mo peya.” Kusɔ nɛ k naŋ ti so e la: “Esa kama nɛ e kaŋɛ fanɛ e la Enyɛnpe peya, e lar alubi be kewora to.”

2 Timoti 2:22

Amoso, baa gelge kebrantiɛ to be ayɛlgasɔ nsaa ta fo nfɛra a wɔtɔ alelasheŋ nɛ yirda nɛ kasha nɛ kagbenewushi to nɛ fo nɛ bumo nɛ b kɔ kagbene koŋwule cheembi a kule Ebɔrɛ na e baa wɔ loŋ be kebaawɔtɔ to.

Hibruwebi 10:10

Ŋkpal Yesu Kristo ka daŋ wora kusɔ nɛ Ebɔrɛ daa sha e ka wora na so, an kikɛ fɔr so n nyalɛ so, ŋkpal sarga mo nɛ e ta mo gbagba be kumu n lara na so.

Hibruwebi 13:12

To, loŋ so nɛ Yesu gba daŋ ji tɔrɔ kade na be ekarso nɛ e tiŋ m bɔla mo gbagba be ŋklaŋ so n shin nɛ mbe basa e ki cheembi na.

Hibruwebi 2:11

Basa nɛ b lara nɛ b ki Ebɔrɛ be basa na nɛ bumo be elarapo Yesu kikɛ shi kanaŋ koŋwule to nna. Amoso nɛ ketre bumo mo niopibiana maa wora mo anishinyɔr na.

Juud 1:1

Kawɔl ere shi ma Juud, Jeems mo sipo nɛ n la Yesu Kristo be kenya na kutɔ nna a yɔ bumo nɛ Ebɔrɛ Etuto na bee sha nseŋ tre bumo m ba kaa keni bumo so ŋkpal Yesu Kristo so na kutɔ.

Kelaraŋŋini 19:16

Ketre mo nɛ k daa deŋ mbe piŋi nɛ mbe kebembi so e la: “BEWURA TO BE EWURA NƐ BENYƐNPE TO BE ENYƐNPE.”