1 Kɔrintebi 1:12 - EBƆRƐ BE KAWƆL

¹² Kusɔ nɛ mee ber e la fanɛ men wɔtɔ nna a kaŋɛ abar le: “Pɔɔl nɛ ma ere bɛ so,” nɛ ede kaŋɛ: “Apɔlɔs nɛ ma ere bɛ so,” nɛ ede malɛ e kaŋɛ: “Sifas nɛ ma ere bɛ so,” nɛ eko malɛ e kaŋɛ: “Kristo nɛ ma ere bɛ so.”

1 Kɔrintebi 1:12 ပူးပေါင်းရင်းမြစ်များ

1 Bewura 16:21

Ewura Zimri ka wu be kaman, nɛ Israɛlebi na barga to. Bumo be beko daa sha Ginaaf pibinyɛn Tibni ka ki ewura nna nɛ beko malɛ daa sha Omri ka ki ewura.

Matiu 23:8

Ama a maŋ daga men ka bee shin nɛ b baa tre menyi rabai, ŋkpal manɛ so, men kikɛ la keniopibi nna a kɔ Eŋinipo koŋwule.

Baru lela nɛ Jɔn kute na 1:42

Kumo be kaman nɛ e bar Saimɔn Yesu kutɔ nɛ mo alɛ keni Saimɔn nseŋ kaŋɛ le: “Fo e la Saimɔn nɛ fo tuto bee ji Jɔn na ŋko? Naniere baaŋ baa tre fo Sifas.” Kumo be kifito e la kefalta nɛ kumo koŋwule na la Pita.

Ashuŋ Shunso 18:24

Juwnyɛn ko nɛ baa tre Apɔlɔs nɛ b daŋ kurge mo Alɛkzaandria na daŋ ba Ɛfeses. E daa nyi kamalga to ga nsaa nyi abɔrɛsibɛ na malɛ ga.

Ashuŋ Shunso 19:1

Jemanɛ nɛ Apɔlɔs daa wɔ Kɔrint na nɛ Pɔɔl malɛ na kasawule na kikɛ so loŋ n ya fo Ɛfeses.

1 Kɔrintebi 1:11

Ŋkpal manɛ so, ŋ kurgepoana, basa ko ashi Klowe pe bugi to ŋ kaŋɛ ma fanɛ menyi to be beko wɔtɔ nna a kɔ abar nlu.

1 Kɔrintebi 15:5

E ka tiŋi na e daŋ lar Pita nawule so nseŋ naŋ lar bumo bebɛsopo kuduanyɔ na kikɛ so.

1 Kɔrintebi 15:50

Bekurgepoana, mee kaŋɛ menyi nna na fanɛ kusɔ nɛ b ta eyur nɛ ŋklaŋ n wora maaŋ tiŋ n nya Ebɔrɛ be kuwura na to n luri, kusɔ nɛ k bee bɛ malɛ kikɛ maaŋ tiŋ n nya kakpa nɛ luwu maŋ wɔtɔ n luri.

1 Kɔrintebi 16:12

An kurgepo Apɔlɔs bre be asheŋ, n leŋ mo to ga fanɛ e tu bekurgepo mo na n ya bɔɔ menyi so, ama k daa maŋ wɔ mbe nfɛra to kuraa fanɛ e yɔ menyi kutɔ naniere. E kaŋ nya ekpa, e beeŋ ba.

1 Kɔrintebi 4:6

Ŋ kurgepoana, m malga asheŋ ere nna n ta ma nɛ Apɔlɔs be asheŋ m ber ŋkpal men be kechɛto so. N wora loŋ nna nɛ men pin kusɔ nɛ basa bee kaŋɛ fanɛ: “Sa maŋ kaŋ wora asheŋ m baŋ kusɔ nɛ b sibɛ n nase na so.” Men be ekama e sa maŋ kaa puchi esa ko so nsaa kishi eko.

1 Kɔrintebi 7:29

Ŋ kurgepoana, kusɔ nɛ n de e la fanɛ, saŋɛ maŋ naa shi. Amoso, bekama nɛ b kɔ beche e baa wɔtɔ fanɛ bumo nɛ b maŋ kɔ beche.

1 Kɔrintebi 9:5

Ma alɛ maŋ kɔ ekpa nna nɛ ŋ kil ebɛsopoche ko n ta mo m bɛ anyi so fanɛ kananɛ Enyɛnpe mo sipoana nɛ Sifas nɛ beshuŋipo mo nɛ b ka na bee wora na a?

2 Kɔrintebi 10:7

Asheŋ be kaman nɛ menyi ere bee keni, ama esa kama nɛ e baa nyi geeŋ fanɛ e la Kristo peya nna, amodoŋwura na e baa nyi fanɛ kananɛ e baa la Kristo peya na, loŋ nɛ anyi alɛ gba la mo peya.

2 Kɔrintebi 9:6

Men baa nyiŋi fanɛ esa kama nɛ e bee duu asɔ miiriso, beeŋ teŋi miiriso be asɔ nna nɛ esa kama malɛ nɛ e bee duu asɔ damaso beeŋ teŋi asɔ damaso nna.

Galeeshaebi 2:9

Jeems nɛ Pita nɛ Jɔn nɛ ekama daa nyi b ka la benimu na, e daŋ shuli n sa ma nɛ Baanabas fanɛ an baa la bumo braana beshuŋipo ŋkpal kananɛ b daŋ wu Ebɔrɛ be kuwɔr be kakɛ nɛ e daŋ sa ma na so. B daŋ shuli nna fanɛ an yɔ nnyamase kutɔ nɛ bumo alɛ yɔ Juwebi kutɔ.

Galeeshaebi 3:17

Kusɔ nɛ mee ŋini nde fanɛ: Ebɔrɛ e daŋ nase kɔnɔ fanɛ e beeŋ bɛ kɔnɔ na so. Kumo be nfɛ alfa ana nɛ adesa be kaman nɛ mbra na lar, ama mbra na maaŋ tiŋ m ba jija Ebɔrɛ be kɔnɔ naseso na nseŋ kpra kumo.