1 Kɔrintebi 1:10 - EBƆRƐ BE KAWƆL

¹⁰ Ŋ kurgepoana, mee ta an Nyɛnpe Yesu Kristo be ketre nna a kule menyi fanɛ men kikɛ e baa kɔ kɔnɔkoŋwule a wɔ abar so, saŋɛ na so kebarga to kikɛ maaŋ baa wɔ menyi to. Men baa kɔ nfɛra koŋwule nsaa wora asheŋ ekpa koŋwuleso.

1 Kɔrintebi 1:10 ပူးပေါင်းရင်းမြစ်များ

Nshɛ 133:1

Kekurge koŋwule to be basa be kechena abar so kashaso nɛ kɔnɔkoŋwuleso walɛ ga.

Jɛremaya 32:39

Meeŋ shin nɛ b baa bunyaŋ ma jemanɛ kikɛ kenishipereso, ŋkpal bumo gbagba nɛ bumo be kaman to ebi be nɛnɛ so.

Matiu 9:16

Nɛ e naŋ kaŋɛ bumo le: “Basa maa kaa ku kechɛbi popɔr a tɛ kusɔbuuso dra. Nɛ b wora loŋ, kakpa nɛ b tɛ na beeŋ kpɛa to n lar kusɔbuuso na to n shin nɛ kemaŋ na e naaŋ kpalga to n ti so.

Maak 2:21

Nɛ e naŋ kaŋɛ bumo le: “Basa maa kaa ku kechɛbi popɔr a tɛ kusɔbuuso dra. Nɛ b wora loŋ, kakpa nɛ b tɛ na beeŋ kpɛa to n lar kusɔbuuso dra na to n shin nɛ kemaŋ na e naaŋ kpalga to n ti so.

Maak 3:24

Ewura kama nɛ mbe basa barga to a kɔ abar kena, kuwura na maaŋ chɛr ŋkeŋ tɔr.

Baru lela nɛ Jɔn kute na 10:19

Ndoŋ nna nɛ Juwebi na yaŋ barga to ŋkpal mmalga na so.

Baru lela nɛ Jɔn kute na 17:23

Nɛ m baa wɔ bumo to nɛ fo alɛ baa wɔ ma to, saŋɛ na so, baaŋ baa la kukoŋwule chap, nɛ durnya ere e pin fanɛ fo e shuŋi ma nseŋ naŋ pin fanɛ kananɛ fee sha ma na nɛ fee sha loŋ be basa na gba.

Baru lela nɛ Jɔn kute na 7:43

Amoso, basa na daŋ barga to nna ŋkpal Yesu so.

Baru lela nɛ Jɔn kute na 9:16

Ndoŋ nna nɛ Efarisiana na be beko kaŋɛ: “Kanyɛn na maŋ shi Ebɔrɛ kutɔ kashenteŋto, ŋkpal manɛ so, e maa bɛ kewushiachɛ be mbra na so.” Ndoŋ nna nɛ beko malɛ kaŋɛ: “Nuso nɛ alubipo bee wora a wora le be emamachi be asheŋ ere?” Ŋkpal le so kebarga to daŋ ba bumo to nna.

Ashuŋ Shunso 4:32

Nfɛra koŋwule nɛ beyirdapoana na kikɛ daa kɔ. Bumo be ekama daa maa kaŋɛ fanɛ mbe asɔ la mo nawule peya nna. Kusɔ kama nɛ ekama daa kɔ b daa ta nna a barga to a sa abar.

Romebi 1:13

Bekurgepoana, mee sha fanɛ men baa nyi fanɛ saŋɛ damta nɛ ŋ kre keba menyi kutɔ be nia nɛ m ba shin nɛ basa e yirda Yesu kananɛ n shin nɛ nnyamase ko gba wora ashi mboŋ ko na, ama m maŋ nya kumo be ekpa.

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

Romebi 12:16

Men baa kɔ kɔnɔkoŋwule be kebaawɔtɔ a sa abar. Men sa maa maŋ menyi be amu so, ama men baa bar menyi be amu kaseto a shuli a shuŋ bebɔlpo be ashuŋ a maa fɛ fanɛ men la benyiashempo.

Romebi 15:30

Amoso, ŋ kurgepoana, mee kpal Enyɛnpe Yesu Kristo so nɛ kasha nɛ Kiyoyu na bee sa na so a kule menyi fanɛ men tu ma a kule Ebɔrɛ kpakpa a sa ma.

Romebi 16:17

Ŋ kurgepoana, mee fiɛ menyi so nna fanɛ men baa de basa nɛ baa shin nɛ kebarga to bee ba basa to nseŋ naa lar keŋini nɛ men daŋ nya na be kaman a wɔtɔ a bar asheŋ ko m ba kaa kagle basa yirda be ekpa na so. Amoso, men baa gelge bumo.

1 Kɔrintebi 1:11

Ŋkpal manɛ so, ŋ kurgepoana, basa ko ashi Klowe pe bugi to ŋ kaŋɛ ma fanɛ menyi to be beko wɔtɔ nna a kɔ abar nlu.

1 Kɔrintebi 11:18

Kusɔ nɛ k juŋkpar nde: N nu fanɛ men baŋ shɛr fanɛ asɔri, men kɔ kebargatoana nna menyi to, ma alɛ yirda kumo ashi ekpa ko so.

1 Kɔrintebi 12:25

Saŋɛ na so kebarga to kama maaŋ baa wɔ eyur na to, ama mbaana na kikɛ beeŋ baa kɔ kagbene koŋwule a keni abar so.

1 Kɔrintebi 3:3

Ŋkpal manɛ so, men kraa wɔtɔ nna fanɛ eyur to be basa a wora abar kayurbesa be asheŋ nsaa bile. To, men maŋ nyi fanɛ nɛ men baa wɔtɔ a wora loŋ men kraa du fanɛ eyur ere to be basa nna nsaa wɔtɔ a wora asheŋ fanɛ basa fuloŋ a?

1 Kɔrintebi 4:16

Amoso, mee kule menyi nna fanɛ men baa kute ma to.

2 Kɔrintebi 10:1

Ma, Pɔɔl gbagba nɛ b yɛ: “E baa wɔ men kutɔ e la bawala nna, ama nɛ e baa wɔ kufɔ e bee ŋini mbe kenyɛn nna”, mee kule menyi nna ŋkpal Kristo be kebaala esa nɛ bawala so fanɛ:

2 Kɔrintebi 13:11

To, bekurgepoana, Ebɔrɛ e chɛ menyi to. Men baa kɔ a fin kebaawɔtɔ niŋiso. Men baa du fanɛ kananɛ ŋ kule menyi na nsaa kɔ kɔnɔkoŋwule a wɔtɔ nseŋ naa wɔ kagbenewushi to, nɛ kasha nɛ kagbenewushi be Ebɔrɛ na e baa wɔ menyi to.

2 Kɔrintebi 13:9

Nɛ anyi maŋ kɔ eleŋ nɛ menyi ere kɔ eleŋ, anyi be ŋgbene bee fuli anyi nna. Anyi alɛ bee kule Ebɔrɛ fanɛ e shin nɛ men ba ki basa cheembi.

2 Kɔrintebi 5:20

Amoso, anyi e la Ebɔrɛ be katelamushuŋipoana a du fanɛ basa nɛ Ebɔrɛ bee bɔla bumo so a kule menyi nsaa fiɛ menyi so. Amoso, anyee ta Kristo be ketre nna a kule menyi ga fanɛ: Men shin nɛ menyi nɛ Ebɔrɛ e naaŋ nyalɛ.

2 Kɔrintebi 6:1

Naniere anyi nɛ Ebɔrɛ ka bee shuŋ ere, anyee kule nsaa fiɛ menyi so nna fanɛ men sa maa sɔ Ebɔrɛ be kuwɔr be kakɛ na kenyanyaŋɛso.

Galeeshaebi 4:12

Ŋ kurgepoana, mee kule menyi nna fanɛ men baa du fanɛ ma, ŋkpal manɛ so, ma alɛ gba baŋ ba ki fanɛ menyi nna. Dra na men daa maŋ wora ma kulubi kama, ama naniere bre menyee wora.

Filipaiebi 1:27

Amoso, kusɔ kama nɛ k la gba, men baa kɔ men be amu to nɛnɛ a du fanɛ kananɛ Kristo be baru lela na bee ŋini na. Saŋɛ na so, nɛ m ba wu menyi nna ŋko n wɔ kufɔ nna nsaa nu menyi be asheŋ, n nyi men ka yil to nɛnɛ kɔnɔkoŋwuleso a kɔ fanɛ esa koŋwule ŋkpal yirda nɛ k shi baru lela na to na so.

Filipaiebi 3:16

Kusɔ nɛ k tir e la fanɛ men shin nɛ an ba kraa wɔtɔ a bɛ asɔ nɛ an chɛr a bɛ so na so.

1 Tɛsalɔnikaebi 5:13

Men baa sa bumo bunyaŋ nɛ kasha kpakpaso ŋkpal kushuŋ nɛ baa shuŋ na so. Men baa kɔ kɔnɔkoŋwule abar so.

2 Tɛsalɔnikaebi 2:1

To, bekurgepoana, an Nyɛnpe Yesu Kristo be kebɛta m ba na nɛ anyi be kechala a wɔ mo kutɔ na malɛ be asheŋ nde:

1 Timoti 5:21

Ebɔrɛ nɛ Kristo Yesu nɛ emalaika nɛ b lara n yili na be anishito nɛ n yil a kaŋɛ fanɛ fo nu n sa le be keŋiniana ere nsaa maŋ kpal fo ka nyi esa ko be kebaawɔtɔ so a ji mo ŋkpɛatoso be demu.

2 Timoti 4:1

Ebɔrɛ nɛ Kristo Yesu nɛ e beeŋ ji bumo nɛ baaŋ baa wɔ ŋkpa to nɛ bumo nɛ b wu na demu be anishito nɛ n yil nsaa kpal mbe kenamba na nɛ mbe kuwura na so a kaŋɛ fo fanɛ

Joshuwa 22:15

B ka yɔ Giliad be kasawule so n ya tu Ruben nɛ Gad nɛ Manase be epeŋilarkpa be kaba so be basa na nɛ

1 Pita 2:11

N teri lelaana, mee kule menyi nna fanɛ men baa gelge ayɛlgasɔ lubiana nɛ a wɔ men be eyurana to a kɔ men be ayoyuana kena, a na fanɛ befɔ nɛ benitepo ashi durnya ere to.

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.