1 Kɔrintebi 1:1 - EBƆRƐ BE KAWƆL

¹ Kawɔl ere shi ma Pɔɔl nɛ Ebɔrɛ kpal mo gbagba be keparso n tre ma fanɛ m ba ki Kristo Yesu be eshumpo na nɛ an kurgepo Sɔstenis kutɔ nna a yɔ Ebɔrɛ be asɔriebi nɛ b wɔ Kɔrint be kade to na kutɔ.

1 Kɔrintebi 1:1 ပူးပေါင်းရင်းမြစ်များ

Luuk 6:13

Kare ka chɛ nɛ e tre mbe bebɛsopo n lara bumo to be basa kuduanyɔ n nase bumo ketre beshuŋipo.

Baru lela nɛ Jɔn kute na 15:16

Mannɛ menyi e lara ma, ma e lara menyi nseŋ kaŋɛ menyi fanɛ men ya nya asɔrso nɛ a beeŋ baa wɔtɔ a yɔ. Saŋɛ na so, Etuto na beeŋ sa menyi kusɔ kama nɛ men ta ma ketre ŋ kule mo.

Baru lela nɛ Jɔn kute na 20:21

Nɛ Yesu naŋ kaŋɛ bumo: “Kagbenewushi e baa wɔ menyi to. Kananɛ Etuto na shuŋi ma na nɛ ma alɛ gba bee shuŋi menyi na.”

Ashuŋ Shunso 1:15

Kumo be kaman nɛ beyirdapoana na kikɛ, b daŋ fo fanɛ basa kalfa nɛ adunyɔ, shɛr nɛ Pita niŋi to n yili m malga ŋ kaŋɛ:

Ashuŋ Shunso 1:2

Ama pɔɛŋ nɛ Ebɔrɛ shin nɛ e yɔ ebɔrɛso na, Yesu daŋ bɔla Kiyoyu Cheeŋ na so nna ŋ ŋini basa nɛ e daŋ lara nɛ b baa la mbe beshuŋipo na ŋ kaŋɛ bumo asɔ nɛ a daga fanɛ b baa wora.

Ashuŋ Shunso 18:17

Ndoŋ nna nɛ bumo kikɛ nyaŋ Sɔstenis nɛ e daa la nshɛrbu na to be enimu na m bri mo demujikpa na be kabuna to. Ama kumo alɛ daa maŋ tir Galio gbrɛbi gba kikɛ.

Ashuŋ Shunso 22:21

Nɛ Enyɛnpe kaŋɛ ma: ‘Lar nɛ n shuŋi fo kufɔ kufɔ nnyamase kutɔ.’ ”

Romebi 1:1

Kawɔl ere shi ma Pɔɔl nɛ n la Kristo Yesu be kenya na kutɔ nna. Ebɔrɛ e tre ma nseŋ lara ma ashi ma basa to n shin nɛ ŋ ki mbe eshuŋipo nɛ m ba kaa bɔ mbe baru lela na.

Romebi 1:10

Ma alɛ bee kule Ebɔrɛ nna fanɛ naniere nɛ k par mo, e sa ma ekpa nɛ m ba bɔɔ menyi so.

Romebi 1:5

Mo so nɛ Ebɔrɛ bɔla n wu ma kuwɔr n sa ma ekpa fanɛ m baa la eshuŋipo ŋkpal Yesu koŋwule na be ketre so nɛ efuli kama so ebi e ba yirda mo nseŋ fara a nu a sa mo.

1 Kɔrintebi 15:9

Ŋkpal manɛ so, ma e la beshuŋipoana na kikɛ be emantopo, a maŋ daga fanɛ b ka tre ma eshuŋipo gba, ŋkpal manɛ so, n tɔrɔ Ebɔrɛ be asɔri.

1 Kɔrintebi 3:9

Ebɔrɛ mo braana beshumpo e la anyi nɛ menyi alɛ du fanɛ mbe kasawule nseŋ naa du fanɛ mbe ebu nɛ e bee pɔr.

2 Kɔrintebi 1:1

Kawɔl ere shi ma Pɔɔl nɛ m bɔla Ebɔrɛ be keparso so a la Kristo Yesu be eshuŋipo na nɛ an kurgepo Timoti kutɔ nna a yɔ Ebɔrɛ be asɔriebi nɛ b wɔ Kɔrint be kade to nɛ Ebɔrɛ be basa nɛ b wɔ Griis be kasawule so kikɛ na kutɔ.

2 Kɔrintebi 11:5

Ma alɛ bee tama fanɛ men be beshuŋipo mo nɛ baa tre beshuŋipogboŋana ere maŋ chɔ ma gbrɛ kama gba.

2 Kɔrintebi 12:12

Asɔ nɛ a bee ŋini fanɛ esa la eshuŋipo nɛ n daŋ ta kanyiti kikɛ n wora menyi to na. Asɔ na e la etɔɔnɛshuŋ nɛ emamachisheŋ nɛ asheŋ purgiase.

2 Kɔrintebi 8:5

B wora m baŋ kusɔ nɛ an daa tama so, ŋkpal manɛ so, kusɔ nɛ k juŋkpar e la fanɛ b ta bumo be amu n sa Enyɛnpe na nseŋ naŋ bɔla Ebɔrɛ be eleŋ so n ta bumo be amu m bɔɔ anyi alɛ gba enɔ.

Galeeshaebi 1:1

Kawɔl ere shi ma Pɔɔl nɛ n la eshuŋipo na kutɔ nna a yɔ menyi Galeesha be efuli so ebi be asɔriana na kutɔ. M maŋ la esa nɛ edimɛdi tre n shuŋi ŋko esa nɛ b bɔla edimɛdi so n tre n shuŋi nna, ama n la esa nɛ Yesu Kristo nɛ Ebɔrɛ Etuto nɛ e tiŋi mo koŋwule Kristo ashi luwu to na tre n shuŋi nna.

Ɛfesesebi 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ be keparso na kutɔ nna a yɔ menyi, Ebɔrɛ be basa nɛ men wɔ Ɛfeses be kade to a bugi epunto a bɛ Kristo Yesu so na kutɔ.

Ɛfesesebi 4:11

Mo koŋwule na e daŋ ta basa ko ŋ ki beshuŋipo n shin nɛ bede malɛ ki abɔrɛsheŋ be bewuŋkaŋɛpoana nɛ bede malɛ ki baru lela be mbɔ nseŋ shin nɛ bede malɛ ki epasta nɛ beŋinipo.

Kɔlɔsiebi 1:1

Kawɔl ere shi ma Pɔɔl nɛ n la Yesu Kristo be eshuŋipo ŋkpal Ebɔrɛ be keparso nɛ an kurgepo Timoti kutɔ nna

1 Timoti 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ an be Emɔlgapo be keparso nɛ Kristo Yesu nɛ an be tama wɔ mo so na kutɔ nna

1 Timoti 2:7

Amoso nɛ Ebɔrɛ lara ma fanɛ m baa la eshuŋipo nɛ nnyamase be eŋinipo a bɔ yirda nɛ kashenteŋ be kubɔya na. M maa fule nna, kashenteŋ nɛ mee ji.

2 Timoti 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ be keparso nɛ ŋkpal kɔnɔ nɛ Ebɔrɛ nase ŋ kaŋɛ fanɛ e beeŋ sa basa nɛ b yirda Kristo Yesu ŋkpa na so kutɔ nna