تیتوس 1:11 - کتاب مقدس به زبان گیلکی - گویش رشت و غرب گیلان

¹¹ اوشانِ دهنَ بایستی دَوَستن چونکی اوشان، تمانِ خانواده ئانَ پاشانیدی، و ناحقِ سودِ واسی اُ چیانیَ تعلیم دیئیدی کی نبایستی تعلیم بَدید.

Gilaki New Testament

¹¹ پس وأستی اَشأنٚ دٚهٚنَ دٚوٚستٚن، چون خٚیلی خأنوأرأن اَشأنٚ گبأنٚ وأسی رأستٚ رأ جَا کج بوشؤد. اَ معلمأن کی اَطویی آموج دٚهٚده، فقد خوشأنی مألی سودَ فیکرَ کونٚده.

کتاب مقدس به زبان گیلکی - گویش شرقی

¹¹ اوشؤن توک مچهَ خأ دبستن، چونکه اوشؤن همه ته خؤنواده ئانه دکألنئنن و ناحق سود وأسی او چیزؤنیِ تعلیم دئنن کی نخأ تعلیم بدئن.

تیتوس 1:11 ပူးပေါင်းရင်းမြစ်များ

متّی 23:13

«وای بر شُمان اَی توراتِ آموجگاران و فَریسیان! اَی ریاکاران! شُمان آسمانِ پادشائی دَرَ مردوم رو دوَدیدی، نه خودِتان بدرون شید و نه وائالید اوشانی کی را درونید، بدرون بیشید.»

لوقا 20:40

و دِه هیکّس نیارَستِ هیچّی اونِ جا واوَرسه.

یوحنا 10:12

کسی کی پول واسی کار کونه، چونکی چوپان نیه و گوسفندان اون شین نیئید، هر وقت بیدینه شأل اَیه، گوسفندانَ اویا نئِه و جیویزه و شأل اوشانَ فُتورکه و اوشانَ پخشَ کونه.

رومیأن 3:19

هسّا دانیم اونچی کی شریعت گه، اوشانِ شین ایسه کی شریعتِ جیر ایسائید تا هر دَهنی دَوَسته ببه و تمانِ دُنیا، خُدا محضر میان جواب پس بدید.

دوم قرنتیان 11:10

مسیحِ اُ حئیقتِ سر قسم کی می درونِ، هیکّس اَخائیه منطقه درون می اَ افتخارَ می جا نخوائه گیفتن.

اوّل تیموتائوس 5:13

بعلاوه، اوشان تنبلیَ یاد گیریدی، اَ خانه اُ خانه شیدی، نه فقط تَنبلی، بلکی خبربَر و فوضول ئم بیدی و اُ چیانیَ کی نَباستی بیگید، به زوان آوریدی.

اوّل تیموتائوس 5:4

ولی اگر ایتا بیوه زن، زاکان و نَوه ئان دَره، اوشان اول بایستی یاد بیگیرید کی مواظبت کودَنِ امرا خوشانِ خانواده جا، خوشانِ دینداریَ نیشان بدید و اَطویی خوشانِ دِینَ، خوشانِ پئر و مار و خوشانِ اجداد ره بجا باوَریدی، چونکی اَن، خُدایَ خوش آیه.

اوّل تیموتائوس 6:5

و دائم مردوم میان جنگ و جدالِ باعث به کی اوشانِ فکر فاسد بُبوسته و حئیقت جا بی نصیب ایسید، خیال کونیدی دینداری ایتا وسیله منفعت ره ایسه.

دوم تیموتائوس 2:18

کی حئیقتِ جا واگردستید و گیدی، اُ روج کی مُرده ئان زنده بیدی، هه الانِ و اَطویی بعضیانِ ایمانَ از بین بَریدی.

دوم تیموتائوس 3:6

چونکی اوشانِ میان کسانی ایسائیدی کی مردومِ خانه درون راه پیدا کونیدی، کم عقلِ زناکانَ اسیر کونیدی کی خوشانِ گناهانِ بارِ جیر بچَمَستیدی و جورواجور هوس ئان، اوشانَ هرطرف فاکشه.

تیتوس 1:7

چره کی ایتا ناظر کی خُدا مباشر ایسه، نبایستی هیچی اونِ زیندگی درون بِبه کی اونِ واسی سرکوفت بخوره. اون نبایستی مغرور یا تندِ مزاج یا عرق خور یا زورگو بِبه یا پولِ حرصَ بزنه،

تیتوس 1:9

اون بایستی اُ قابیل اعتمادِ کلامَ کی یاد بیگیفته، قایِم بچسبه، تا بتانه دُرُستِ تعلیمَ یاد بِده و اوشانیَم کی اَ تعلیمِ ضد ایسید، توبیخ بُکونه.

تیتوس 3:10

اُ کسِ باره کی جُدایی تَودِه، ایوار و بازون دو وار اونَ اخطار بدَن و بازون پس دِه اونِ مرا شوئن و آمون نُکون.