رومیأن 6:16 - کتاب مقدس به زبان گیلکی - گویش رشت و غرب گیلان

¹⁶ مگه نانیدی اگه شمرأ نوکرانِ مانستن کی اطاعت کونیدی، اینفرِ دَس فَدید، اُ آدمِ نوکران خوائید بوستن کی اونِ جا اطاعت کونیدی، چی گُناهِ نوکر، کی به مردن ختم به، چی خُدا اطاعتِ نوکر، کی به صالحی فارسه؟

Gilaki New Testament

¹⁶ مگه نأنیدی کی اگه شیمی زٚندیگی ایختیأرَ بیسپأرید اینفرَ و اونی جَا ایطأعت بوکونید، شومأن اونی غولأم بیدی و اون شیمی اربأب؟ شومأن تأنیدی گونأ و مرگَ شیمی اربأبٚ عوض اینتخأب بوکونید کی مٚردنَ بأعیث بِه و یا خودا جَا ایطأعت کودنَ اینتخأب بوکونید کی اَبدی زٚندیگی‌یَ بأعیث بِه.

کتاب مقدس به زبان گیلکی - گویش شرقی

¹⁶ مگر نودونین اگر کی خودتونَ نوکرون مورسون کی فرمونبرن، یک نفر دس هدین، او آدم نوکرون بنین کی اون اجی فرمون بئنن، چی گنا نوکر، کی مردنَ ختم بنه، چی خدا ایطاعت نوکر، کی صالحیَ رسنه؟

رومیأن 6:16 ပူးပေါင်းရင်းမြစ်များ

متّی 20:4

اوشانَم بگفت: ”شُمانم می انگور باغ بیشید و اونچی کی شیمی حقه، شمرأ فَدَم.“

متّی 6:24

«هیکّس دوتا اربابَ خیدمَت نتانه کودن، چونکی یا اینفرِ جا خَفت خوائه داشتن و اویتای دوست دَره، و یا اینفرَ میرایی دَره و اویتایَ پست ایشماره. شُمان نتانید هم خُدا بَنده بیبید، هم پول بَنده.»

یوحنا 8:34

عیسی جواب بدَه: «حئیقتن، شمرأ گَم، اُ کَسی کی گُناه کونه، گُناهِ نوکره.

رومیأن 11:2

خُدا خو مردومَ كی پيشتر سیوا بُکوده بو، رّدَ نُكوده. مگه نانیدی مُقّدس بینیویشته ئان ایلیا پیغمبر باره چی گه؟ کی اون چُطو اسرائيلِ مردومِ ضد، خُدا ورجه گیلگی بُکود و بُگفت؟

رومیأن 12:1

پس اَی براران، خُدا رحمتانِ واسی، شیمی جا خواهش کونم کی شیمی تن ئانَ ایتا زنده قربانی مانستن، مُقّدس و خُدا بابِ دیل تقديم بُكونيد کی شیمی روحانی عبادت هَنه.

رومیأن 6:17

ولی خُدا ی شُکر، شُمان کی پیشتر گُناهِ نوکران بید، هسّا تمانِ دیلِ اَمرا اُ تعلیمِ جا اطاعت کونیدی کی خُدا شمرأ فدَه.

اوّل قرنتیان 3:16

مگه نانید کی شُمان خُدا معبد ایسید و خُدا روح شیمی درون نَئه؟

اوّل قرنتیان 5:6

شیمی گُلاز کودَن اصلا دُرُست نیه. مگه نانید کی ایپچه خمیرمایه تانه تمانِ خمیرَ واج باوره؟

اوّل قرنتیان 6:2

مگه نانیدی کی مُقدسین دُنیایَ داوری خوائید کودن؟ پس شُمان کی قرارِ دُنیایَ داوری بُکونید، چُطو نَتانید اَ کوجدانه جریاناتَ داوری بُکونید؟

اوّل قرنتیان 6:3

مگه نانید امان فیرشته ئانَ داوری خوائیم کودن؟ چی برسه به اَ زیندگی جریاناتِ باره داوری کودن.

اوّل قرنتیان 6:9

مگه نانید اوشانی کی ظالمید، خُدا پادشائیَ به ارث نبریدی؟ گُول نُخورید: بی حیائان، بُت پرستان، زینا کاران، لواط کاران،

اوّل قرنتیان 9:13

مگه نانیدی اوشان کی معبد درون کار کونیدی، اَشانِ غذا معبد جا فراهم به، قربانگاه خیدمتکارانم جه اونچی کی قربانگاه درون پیشکش به، سام بریدی؟

اوّل قرنتیان 9:24

مگه نانید مسابقه دو درون همتان دوبیدی، ولی فقط اینفر جایزه بره؟ پس شُمان اوجور بُدوبید کی ببَرید.

دوم پطرس 2:19

اوشانَ آزادی واده یَ فَدیدی، ولی اوشان، خودشان، فسادِ نوکر ایسید. چون هرچی کی آدمِ سر سواره، آدمی اونِ نوکر به.