رومیأن 12:8 - کتاب مقدس به زبان گیلکی - گویش رشت و غرب گیلان

⁸ اونکی تشویق کونه، تشويق بُکونه. اونکی کمک کونه، دَس و دیلبازی مرا، کمک بُکونه. اونکی رهبری کونه، اَ کارَ غیرت اَمرا انجام بدِه؛ و کسی کی دیگرانِ ره رحم و مهربانی کونه، شادی اَمرا اَ کار بُکونه.

Gilaki New Testament

⁸ اگه شیمی عطأ تِشویق ایسه، البأقی آدمأنَ تِشویق بوکونید. اگه شیمی عطأ فِقِرأنٚ کومک کودن ایسه، دسٚ‌ دیلوأزی اَمرأ اَطو بوکونید. اگه خودا، مودیر بؤئؤنٚ قودرتَ عطأ بوکوده، اَ مسئولیتٚ جدی بیگیرید. اوشأنی کی پریشأن احوألأنَ دیل‌تسلأیی دٚئنٚ عطأیَ دأرٚده، بٚدأ ریغبٚت و مسیحی خصلتٚ اَمرأ، اَ خیدمتَ انجأم بٚدٚد.

کتاب مقدس به زبان گیلکی - گویش شرقی

⁸ او کی تشویق کونه، تشويق بوکونه. او کی کمک کونه، دست و دیلبازی هما کمک بوکونه. او کی رهبری کونه، ای کارَ غیرت همرا انجوم بدئه؛ و کسی کی دیگرون ئبه رحم و مهربونی کونه، شادی همرا ای کاره بوکونه.

رومیأن 12:8 ပူးပေါင်းရင်းမြစ်များ

متّی 25:40

پادشا جواب خوائه دَئن: ”حئیقتن، شمرأ گَم، اونچی کی ایتا جه می اَ کوج براران ره بُکودید، مَرا بُکودید.“

اعمالٚ رسولأن 11:23

وقتی کی بَرنابا اویا فارسه و خُدا فیضَ بیده، ذوق بُکود و همتانَ تشویق بُکود تا تمان خوشانِ دیل مرا خُداوندَ وفادار بیبید،

اعمالٚ رسولأن 13:12

بازون بعد اَنکی فرماندار اَ ایتفاقَ بیده ایمان باورد، چون اُ تعلیم جا کی خُداوند باره دَئیدی ماتا بوسته بو.

اعمالٚ رسولأن 13:15

بعد اَنکی تورات و پیغمبرانِ بینیویشته ئانَ بخواندید، عبادتگاه پیله تران اَشانِ ره پیغام اوسه کودید و بُگفتید: «براران، اَگه گبی دَریدی کی مردومَ تشویق کونه، بیگید.»

اعمالٚ رسولأن 15:32

یهودا و سیلاسَم کی پیغمبر بید، خَیلی گَبان مرا، برارانَ تشویق کودیدی و قوّت دَئید.

اعمالٚ رسولأن 20:2

پولُس جه اُ منطقه دَوارست و ایماندارانَ خو گبان مرا خَیلی دیلگرمی فدئی، تا اَنکی یونان فارسه.

اعمالٚ رسولأن 20:28

مواظب خودتان بیبید. مواظب تمان گله ئی بیبید، کی روح‌ القدّس شمرأ انتخاب بُکوده کی اوشانَ بپائید. خُدا کلیسایَ کی اونَ خو خون اَمرا بیهه، شبانی بُکونید.

اعمالٚ رسولأن 4:36

یوسفَم کی لاوی قبیله جا و قبرس شین بو و رسولان اونَ برنابا یعنی ’تشویقِ پسر‘ لقب بدَه بید،

رومیأن 12:13

مُقّدسینِ نیازانِ برطرف کودنِ درون، سام بدَرید و مهمان نواز بیبید.

رومیأن 13:6

اَنه واسی ئَم شُمان مالیات فادیدی، چونکی صاب مَنصبان، خُدا خیدمتکاران ایسید و اَ چیانِ جا مواظبت کونیدی.

اوّل قرنتیان 12:28

خُدا کلیسا میان، اول رسولان، دوم پیغمبران، سیوم آموجگاران؛ بعد قُدرت مُعجزات، بازون پس شفا دَئن عطایا و کمک و مدیریت و گب زئن به جورواجور زوانانَ تعیین بُکود.

اوّل قرنتیان 14:3

ولی اونکی نبوّت کونه، آدمانِ مرا گب زنه تا اوشانَ بنا بُکونه و تشویق بُکونه و اوشانَ دیلداری بدِه.

دوم قرنتیان 1:12

چون اَمی افتخار، اَمی وجدان ایسه کی گُوائی دِئه، کی اَ دُنیا درون رو راستی و صاب و صادقی اَمرا کی خُدا جا ایسه رفتار بُکودیم، نه آدمی حکمت اَمرا، بلکی خُدا فیض اَمرا رفتار بُکودیم اللخصوص شیمی اَمرا.

دوم قرنتیان 11:3

ولی ترسم هَطوکی مار حوایَ گول بزه، شیمی فیکرم جه صاب و صادقی و خلوص مرا کی نسبت به مسیح دَریدی منحرف بِبه.

دوم قرنتیان 8:12

چونکی اَگه ذوق و شوق بِبه اُ آدم پیشکش، مطابق اوچی کی دَره قُبیل به، نه مطابق اونچی کی ناره.

دوم قرنتیان 9:11

شُمان جه هر نظر دولتمند خوائید بوستن تا جه هر طرف دس و دیلباز بیبید، و شیمی اَ دس و دیلبازی بواسطه امان، خُدا شُکر کودن ره ختم به.

دوم قرنتیان 9:13

اَ خیدمت واسی مردوم خُدایَ جلال خوائید دَئن، چونکی شُمان نه فقط اعتراف کونیدی مسیحِ انجیلَ ایمان دَریدی بلکی اوشان و دیگرانَ اونچیِ درون کی دَریدی، شریک کونیدی.

دوم قرنتیان 9:7

هرکس بایستی هو قَد کی خو دیل درون تصمیم بیگیفته، فَدِه نه بی میلی و زور اَمرا، چونکی خُدا اونیَ کی شادی اَمرا پیشکش فَدِه دوست دَره.

افسسیان 6:5

ای نوکران، شیمی زمینی اربانانَ ترس و لرز مرا، و دیل و جانِ امرا اطاعت بُکونید، هُطوکی انگار مسیحِ جا اطاعت کونیدی،

کولسیان 3:22

ای نوکران، هرچی درون شیمی زمینی اربابانِ جا اطاعت بُکونید نه فقط اُ زمات کی شمرأ نیگا کودَن دَرید، هُطو اُ آدمانِ مانستن کی اَنه دُمبالید کی مردومَ راضی بُکونید، بلکی ایتا پاکِ دیلِ مرا و خُداوندِ ترسِ امرا.

اوّل تسالونیکیان 2:3

چونکی اَمی تشویق، خطا یا ناپاکی یا گول زئن واسی نیه،

اوّل تسالونیکیان 2:8

امان انقد شمرأ دوست دَشتیم کی ذوق امرا حاضر بیم نه فقط خُدا انجیلَ شمرأ فاراسانیم، بلکی اَمی جانَم شیمی راه واسی بَنیم، چونکی شُمان خَیلی اَمرا عزیز بید.

اوّل تیموتائوس 4:13

تا من بایَم، تَره وقف اَن بُکون کی خُدا کلامَ مردوم ره بخوانی و اوشانَ تشویق بُکونی و تعلیم بدی.

اوّل تیموتائوس 5:17

ریش سفیدانی کی خُبِ رهبری بُکوده بید، دو برابَر حرمتِ لایق ایسید، بخصوص اوشانی کی موعظه و تعلیم واسی زحمت کشیدی.

اوّل تیموتائوس 6:18

اوشانَ دستور بدَن کی خُبی بُکونید، خُبِ کارانِ درون دولتمند بیبید، دَس و دیلباز و بخشنده بیبید.

عبرأنیأن 10:25

و جما بوستنِ جا همدیگرِ امرا دَس نکشیم، هُطوکی بعضیانِ ره عادت بُبوسته، بلکی ویشتر همدیگرَ تشویق بُکونیم، اللخصوص هسّا کی دینیدی اُ روج یعنی خُداوند عیسی وَگردَستنِ روج، هَطو نزدیکترَ بوستن دَره.

عبرأنیأن 13:17

شیمی رهبرانِ جا اطاعت بُکونید و اوشانِ تسلیم بیبید؛ چونکی اوشان شیمی جانانِ جا حفاظت کونیدی، و بایستی حساب پس بَدید. وَئلید اوشان اَ کارَ شادی اَمرا بُکونید نه آه و ناله مرا، چونکی اَن شیمی نفع نیه.

عبرأنیأن 13:22

براران، شیمی جا خوائم می گبَ کی پند و نصیحت ایسه، تاب باوَرید چونکی مختصر شمرأ بینویشتم.

عبرأنیأن 13:24

تمانِ شیمی رهبران و تمانِ مقدّسینَ سلام برسانید. اوشانی کی ایتالیا شینید شمرأ سلام فارسانیدی.

عبرأنیأن 13:7

شیمی رهبرانَ به یاد بدَرید، اوشان کی خُدا کلامَ شمرأ بگفتید. اوشانِ زیندگی شیوه عاقبتَ نیگا بُکونید و اوشانِ ایمانِ جا سرمشق بیگیرید.