رومیأن 11:25 - کتاب مقدس به زبان گیلکی - گویش رشت و غرب گیلان

²⁵ ای براران، نخوائم کی اَ رازِ جا بی خبر بیبید - نَبه کی خودتانَ دانا بدَنید: کی قسمتی جه اسرائیل مردومِ سَر، سخت دیلی حکمفرما بُبوست، تا اوشان تعداد کی قرار ایسه غیر یهودیانِ میان مسیحَ ایمان باورید، کامل ببه.

Gilaki New Testament

²⁵ جأن و دیلٚ برأرأن، خأیم کی شومأن ایتأ ایلاهی رأزٚ جَا وأخٚوٚر بیبید، کی غرورَ دوچأر نیبید. دوروسته کی ایتأ عیده جٚه ایسرأییلٚ قوم هه زمأتٚ دورون اینجیلٚ ضد کأر کودأندٚرٚده؛ ولی اَ کأر فقد تأ وختی ایدأمه دأره کی او عیده جٚه شومأن کی یوهودی نیئیدی و خودا جٚه اوّل خو فیکرٚ دورون دأشتی، مسیحَ ایمأن بأوٚرید.

کتاب مقدس به زبان گیلکی - گویش شرقی

²⁵ ای برارون، نخوانم کی ای راز اجی غافیل ببین - نبون کی خودتونَ دونا بودونین - کی سخت دیلی یک قسمت از اسراییل مردوم سر حکمفرما بوبو، تا اوشون تعداد کی قرار ایسه غیر یهودیئنِ مئن مسیحه ایمؤن بأرن، کامیل ببون.

رومیأن 11:25 ပူးပေါင်းရင်းမြစ်များ

متّی 13:11

عیسی جواب بدَه: «آسمانِ پادشائی رازانِ فهمستن شمرأ فدَه بُبوسته، ولی اوشانَ فدَه نُبوسته.

لوقا 21:24

شمشیرِ ضربه مَرا کَفید و دیگر مردومان میان اوشانَ اسیری ره بَرید و اورشلیم غیر یهودیانِ لقد دمج خوائه بوستن تا هو موقع کی غیر یهودیانِ دوره به انجام فارسه.»

یوحنا 10:16

گوسفندان دیگه ئیَم دَرم کی اَ گاچه جا نئیدی. اوشانَم بایسی باورم و اوشان می صدای گوش خوائید دَئن. هو موقع ایتا گله بِه و ایتا چوپان.

رومیأن 1:13

ای براران، نخوائم بی خبر بیبید کی چن مرتبه خواستیم شیمی ورجه بایَم، ولی هر بار ایچی پیش بامو. خوائم شیمی میانَم ایپچه محصول درو بُکونم، هُطوکی الباقی غیر یهودیانِ درون بُکودَم.

رومیأن 11:12

ولی اَگه اوشانِ تقصیرات دُنیایَ ثروتمند بُکود و اَشانِ دَباختن غیر یهودیانَ ثروتمند بُکود، پس وقتی کی یهودِ مردوم کاملا نجات بیابید چنقد ویشتر فراوانی باعث به!

رومیأن 11:24

چونکی اَگه تو واحشی زیتون دارِ جا واوه بُبوستی و بر خلافِ تی طبیعت، زیتون دارَ کی آزاده، پیوند بُخوردی، پس چنقد ویشتر اصلی خالان تانیدی اُ زیتون داریَ کی اونِ جا واوه بُبوستید، پیوند بُخورید.

رومیأن 12:16

همديگر اَمرا مُدارا بُکونید. مغرور نيبيد، بلکی اوشانِ امرا کی ساده و ضعیف ایسید، شوئن و آمون بُکونید. هرگس شمرأ دانا نیدینید.

رومیأن 16:25

هسّا جلال اونَ کی، تانه عین می انجیل و عیسی مسیحِ پیغامِ موعظه شمرأ تقویت بُکونه- یعنی عین ایتا راز واشکافتن کی خَیلی زمات جیگا بُخورده بمانسته بو،

رومیأن 9:18

پس خُدا هرکسَ کی بخوائه رحم کونه و هرکسَ کی بخوائه سنگدل کونه.

اوّل قرنتیان 10:1

چونکی ای براران، نخوام اَ جریانِ جا غافل بیبید کی اَمی پئران همتان اَبرِ جیر ایسابید و همتان جه دریا میان بُگُذشتید.

اوّل قرنتیان 12:1

هسّا ای براران، نخوام کی روحانی عطایان باره بی خبر بیبید.

اوّل قرنتیان 2:7

بلكی امان خُدا حكمت جا کی ایتا رازِ و جیگا بِدَه ایسه گب زنیم، اُ حکمت کی خُدا پیش جه دُنیا بَنا، اَمی جلالِ واسی مُعیّن بُکود.

اوّل قرنتیان 4:1

بایستی هرکی اَمرا به چشمِ مسیح خیدمتکاران و مباشرانی بیدینه کی خُدا رازان اوشانَ امانت واسپارده بُبوسته.

افسسیان 1:9

اون، خو اراده رازَ اَمرا بشناسانه، بنا به خو خواسته کی مسیحِ درون آشکارَ کود،

افسسیان 3:9

و همه کسِ ره نیشان بدَم کی خُدا نقشه چطو انجام به. خُدا کی همه چیَ خلق بُکوده، خو اَ رازَ جه قدیم، مخفی بداشته.

افسسیان 4:18

اوشانِ عقل تاریک بُبوسته، و نادانی واسی کی اَشانِ سنگدیلی نتیجه ایسه، خُدا زیندگی جا دور بُبوستیدی.

دوم پطرس 3:8

ولی اَی عزیزان، اَ حئیقتَ نیده بو نیگیرید کی خُداوندِ ره ایی روج هازار سالَ مانه و هازار سال ایی روجِ مانستنِ.

موکأشفه 1:20

اُ هفت ستاره كی می راستِ دَس درون بیده ای و اُ هَفتا چراغدانِ طلا راز اَنه: اُ هَفتا ستاره، هَفتا کليسا فیریشته‌ئانيد، و اُ هَفتا چراغدان، هَفتا كليسا ايد.

موکأشفه 10:7

بلكی اُ روجانِ درون كی هَفتمين فیریشته خو شيپورِ صدایَ بیرون باوَره، خُدا راز تمان و کمال به انجام فارسه، هُطوکی خو خادمان، یعنی پیغمبرانِ ره، اعلام بُکود.»

موکأشفه 11:15

بازون هَفتمين فیریشته خو شيپورِ درون فو بزِه، و پیله اُوخانانی آسمانِ درون بپيچسته کی گفتیدی: « دُنیا پادشاهی، اَمی خُداوند و اونِ مسيح شین بُبوسته. و اون تا ابد و تا ابد سلطنت خوائه کودن.»

موکأشفه 7:9

بازون فندرستم و بیدین، ایتا پیله جماعت کی هیکّس نتانستی اونَ بیشماره، جه هر ملّت و هر طایفه جا و هر مردوم و زوانِ جا، همتان اُ تخت و برّه جُلُو ایسابید، سفيد قبا به تن دوكوده‌ و نخل خالانَ بدَس داشتيد.