رومیأن 1:3 - کتاب مقدس به زبان گیلکی - گویش رشت و غرب گیلان

³ اونِ پسرِ باره، کی داوود نسلِ جا طبق جسم بزا بُبوست،

Gilaki New Testament

³ اَ اینجیل دروأره‌یٚ اونی ایسه کی اونی زیمینی زٚندیگی، جٚه داوودٚ پأدیشأ نتأج بو؛

کتاب مقدس به زبان گیلکی - گویش شرقی

³ و اونِ پسر باره، کی داوود نسل اجی طبق جسم بزاسه بوبو،

رومیأن 1:3 ပူးပေါင်းရင်းမြစ်များ

متّی 1:1

عیسی مسیحِ شجره نامه داوودِ پسر، ابراهیمِ پسر:

متّی 1:16

یعقوب، یوسفِ پئر بو، و یوسف مریمِ مرد بو، کی عیسی شناس به مسیح، مریمِ جا بزا بُبوست.

متّی 1:6

و یَسا، داوودِ پادشا پئر بو. داوود، سلیمانِ پئر بو، اونِ مار پیشتر اوریا زن بو.

متّی 12:23

اُ خلق همه تا ماتا بوستبید و بگفتید: «به کی اَ مَردای هو مسیحِ موعود ببه کی قراره داوودِ نسل جا بایه؟»

متّی 15:22

روجی ایتا کنعانی زنای کی هویا شین بو، عیسی ورجه بامو و داد مرا بگفت: «آقا، اَی داوودِ پسر، مَرا رحم بُکون! می کُر بد جور دیو بزِه بُبوسته.»

متّی 26:63

ولی عیسی هَطو ساکت بأسا. پیله کاهن اون بگفت: «تره قسم دئم به خُدای زنده کی اَمَره بُگو اَگه تو مسیح موعودی، خُدا پسر.»

متّی 27:43

اون خُدای توکل دَره پس اَگه خُدا اونَ دوست دَره، الان اونَ نیجات بِده، چونکی ادعا دَشتی خُدا پسره!»

متّی 3:17

بازون ایتا اوخان آسمانِ جا فارسه کی «اَنِه می عزیزِ پسر کی اونِ جا راضی ئم.»

متّی 9:27

وقتی کی عیسی جه اویا شئون دوبو، دو تا کورِ مردای تأدی مرا اونِ دُمبال بُشوئید و داد زِئید: «اَی داوودِ پسر، امرا رحم بُکون!»

لوقا 1:35

فیریشته جواب بدَه: «روح‌القدّس تره خوائه اَمون و خُدای متعال قوّت تی سر سایه خوائه تَوَدن. جه اَ رو، اُ زای، مُقدّس و خُدا پسر دخواده خوائه بوستن.

لوقا 1:69

اون امرا ایتا پیله نیجات دئنده خو خادمِ نسلِ جا داوود اوسه کوده،

یوحنا 1:14

کلمه انسان بُبوست و اَمی میان بأسا. اَمان اون جلالَ بیده ئیم، جلالی لایق اُ ایتا دانه پسر کی پئر جا بامو کی پُر جه فیض و حئیقته.

یوحنا 1:34

و من بیده دَرم و گُوائی دئم کی اَنه خُدا پسر.»

یوحنا 1:49

نَتَنائیل جواب بدَه: «اوستاد، تو خُدا پسری! تو اسرائیل پادشائی!»

یوحنا 10:30

من و پئر ایتائیم.»

یوحنا 10:36

چُطو تانیدی اُ کسیَ کی پئر وقف بُکوده و دُنیا درون روانه بُکودَ، بیگید ”کُفر گی،“ فقط اَنه واسی کی بگفتم من خُدا پسرم؟

یوحنا 20:28

توما اونَ بگفت: «ای می خُداوند و ای می خُدا!»

یوحنا 20:31

ولی هن قَدر بینیویشته ببُوسته تا ایمان باورید کی عیسی هو مسیح موعودِ، خُدا پسره، و اَ ایمان مرا، اون نام درون ابدی زیندگی بدَرید.

یوحنا 5:25

حئیقتن، شمرأ گَم، زماتی فارسه، بلکی هه اَلانه، کی مُردئان خُدا پسر صدایَ ایشتاویدی و اوشانی کی ایشتاویدی، زنده خوائید بوستن.

یوحنا 7:42

مگه مُقّدسِ کتابان درون نگفته مسیح داوود پادشا نَسل جا ایسه کی جه بِیت‌لِحِمِ آبادی کی داوود اون درون زیوستی، خوائه اَمون؟»

اعمالٚ رسولأن 2:30

داوود ایتا پیغمبر بو و دانستی کی خُدا اونِ ره قسم بُخورده، کی اونِ نسل جا اینفرَ اونِ سلطنت تخت سر نیشانه.

اعمالٚ رسولأن 3:13

ابراهیم خُدا و اسحاق خُدا و یعقوب خُدا، اَمی پئرانِ خُدا، خو خیدمتگزار عیسیَ جلال بدَه، هون کی شُمان اونَ تسلیم بُکودید و فرماندار پیلاتُس جُلُو اونَ حَشا بُکودید، هرچن کی پیلاتُسِ تصمیم اَن بو کی اونَ آزادَ کونه.

اعمالٚ رسولأن 8:36

هُطوکی پیش شئون دیبید، ایتا جا کی آب دَشتی فارسه ئید. اُ خواجه بگفت: «فندر، اَنَم آب! هسّا چی تانه می غسل تعمید گیفتن جُلُویَ بیگیره؟»

اعمالٚ رسولأن 9:20

اون فلفور یهود عبادتگائان درون بنا بُکود، اَ پیغامَ اعلام کودن، کی عیسی خُدا پسره.

رومیأن 1:9

چون خُداییَ کی اونَ تمانِ می دیل و جانِ اَمرا، اونِ پسر انجیل کار درون خیدمت کودَن دَرم، مَره گُوائی دِئه کی چُطو یکسره می دُعائانِ درون شمرأ به یاد آورم

رومیأن 4:1

پس اونچیِ باره کی ابراهیم بدس باورد، چی شه گُفتن، اونکی بواسطه جِسم، اَمی جَد بحساب آیه؟

رومیأن 9:3

چون کاشکی من می برارانِ راه درون یعنی اوشانی کی می همنژاد ایسید، لعنت ببم و مسیحِ جا سیوا بَبم.

رومیأن 9:5

و پیله پئرانَم اَشانِ شین ایسید، و مسیح مطابق جسم اَشانِ نسلِ جا ایسه، خُدایی کی همتانِ جا بُجورتر ایسه، اونَ تا به ابد سپاس. آمین.

اوّل قرنتیان 1:9

خُدا وفادارِ، اُ خُدایی کی شمرأ به رفاقت خو پسر اَمرا، اَمی خُداوند عيسی مسيح، دعوت بُکوده.

اوّل قرنتیان 10:18

اسرائیل مردومَ فندرید: مگه اوشانی کی قربانی ئانِ جا خوریدی قربانگاه درون شریک نُبوستیدی؟

غلاطیأن 4:4

ولی هُطوکی اُ تعیین بُبوسته وقت، تمام و کمال فارسه، خُدا خو پسرَ اوسه کود کی ایتا زناکِ جا بزا بُبوست و شریعتِ جیر بدُنیا بامو،

اوّل تسالونیکیان 1:10

و تا خُدا پسر آمونِ رافا آسمانِ جا بیبید، کی خُدا اونَ مُرده ئانِ جا زنده بُکود، یعنی عیسی، کی اَمرا اُ غضبِ جا کی در پیشِ رهایی دِئه.

اوّل تیموتائوس 2:5

چونکی فقط ایتا خُدا ایسَه، و خُدا و آدمانِ میان فقط ایتا واسطه ایسَه، یعنی اُ انسان کی مسیحْ عیسیِ،

اوّل تیموتائوس 3:16

راس راسی کی دینداری راز خَیلی پیله ایسه: اون، جسمِ درون ظاهر بُبوست، بواسطه خُدا روح تصدیق بُبوست، فیریشته ئان اونَ بیده اید، ملتّان میان اعلام بُبوست، دُنیا درون اونَ ایمان باوَردید، جلالِ درون، بُجور بَبرده بُبوست.

دوم تیموتائوس 2:8

عیسی مسیحَ به یاد باور کی مُرده ئانِ جا زنده بُبوست، و داوود نسلِ جا بو، هُطوکی اَ انجیل کی من اعلام کونَم اَنه،

اوّل یوحنا 1:3

اُ کلام كی اَمان بيده‌ايم و بيشتاوستیم شمرأ اعلام كونيم، تا شُمانَم اَمی امرا رفاقت بدَرید؛ حئققتن هم اَمی رفاقت پئر و اونِ پسر، عيسی مسيح امرا ایسه.

اوّل یوحنا 3:23

و اونِ حکم اَنه کی، اونِ پسر نام، عیسی مسیحَ ایمان باوریم و همدیگر محبت بُکونیم، هُطوکی امرا دستور بِدَه.

اوّل یوحنا 3:8

اونکی گُناه درون زیندگی کونه، ابلیسِ جا ایسه، چونکی ابلیس جه هو اوّل گُناه کودن دَره جه اَ رو خُدا پسر ظهور بُکود تا ابلیس کارانَ باطلَ کونه.

اوّل یوحنا 4:15

اونکی اعتراف كونه عيسی خُدا پسرِ، خُدا اونِ درون مانه و اون خُدا درون.

اوّل یوحنا 5:1

هركَس ايمان دَره کی عيسی هو مسيحِ موعودِ، خُدا جا بزا بُبوسته دَره؛ هرکَس پئرَ دوست دَره، اونِ زاکم دوست دَره.

اوّل یوحنا 5:20

و اَنم دَنیم كی خُدا پسر بامو و امرا فهم بِبخشه، تا اونَ کی حئیقت ایسِه بشناسیم و اَمان اونِ درون کی حئیقتِ ایسائیم، يعنی اونِ پسر، عيسی مسيحِ درون. اونِ حئیقتی خُدا و ابدی زیندگی.

اوّل یوحنا 5:5

كيسه اونکی دُنیایَ حریفَ به، جغیر اُ کَس کی ایمان دَره عيسی خُدا پسرِ؟

دوم یوحنا 1:7

چونكی دُنیا درون خَیلی دَغلباز آدمان باموئید، كی اوشان اعتراف نُکونیدی عيسی مسيح، انسان جسم درون بامو. اَجور آدمان هو دَغلبازان و ضّدِ مسیح ایسید.

موکأشفه 2:18

«و تياتيرا كليسا فیریشته‌ ره بينیويس: «خُدا پسر، كی اونِ چومان آتشِ وَلِ مانه و اونِ پائان برق دکفته مفرقِ مانستنِ، اَطو گه: