موکأشفه 9:5 - کتاب مقدس به زبان گیلکی - گویش رشت و غرب گیلان

⁵ و اوشانَ اجازه بدَه بُبوست کی اُ مردومانَ پنج ماه عذاب بدَید بی اونکی هیکّسَ بکوشید. و اوشانِ عذاب، عقربِ عذابِ مانستن بو، اُ موقع کی اینفَرَ زنه.

Gilaki New Testament

⁵ اوشأنَ وئأشتٚد کی مردومَ پِنج مأه رِه اَذِت آزأر و عذأب بٚدٚد کی اَشأن ایتأ عقرٚب بٚگشته مأنستَن، درد بٚکشد؛ ولی ملخأنَ ولأشتٚده کی مردومَ بوکوشٚد.

کتاب مقدس به زبان گیلکی - گویش شرقی

⁵ و اوشؤنه ایجازه بدأ بوبؤ که او مردومؤنه پنج ماه عذاب بدئن، بی ای کی هیکسه بکوشن. و اوشؤن عذاب، عقرب عذاب جور بو، او موقع که یگ نفره گزنه.

موکأشفه 9:5 ပူးပေါင်းရင်းမြစ်များ

یوحنا 19:11

عیسی بگفت: «اَگه اَ قدرت خُدا جا تره فَده نُبوسته بو، تو هی قدرتی می سر ناشتی. هن واسی اون گُناه کی مَرا تی دَس فدَه، خَیلی ویشتره.»

موکأشفه 11:7

هَطوکی اوشان خوشانِ شهادتَ تمانَ کودید، اُ واشی جانور کی هاویه چاهِ جا بيرون اَيه، اوشانِ مَرا جنگ کونه و اوشانِ سر حریفَ به و اوشانَ کوشه.

موکأشفه 13:5

ایتا دَهَن اُ واشی جانورَ فَده بُبوست تا غرور و کُفر امرا گب بزنه، و اونَ اجازه فدَه بُبوست تا چهل و دو ماه خو اقتدارَ بکار بیگیره.

موکأشفه 13:7

و اَنَم، اونَ اجازه فَدَه بُبوست کی مقدّسینِ امرا جنگ بُکونه و اوشانِ سر پيروز بِبه. و اونَ اقتدار فَدَه بُبوست تا هر طایفه، مردوم، زوان و ملّت سر حاکم بِبه.

موکأشفه 9:10

اوشانِ دُم و نيش، عقربِ دُم و نيش مانستن بو، و خوشانِ دُمِ درون اَ قُدرتَ داشتیدی کی مردومَ پنج ماه عذاب بدَید.

موکأشفه 9:3

بازون دودِ میان مَلخ ئان، زمين سر باموئیدی و اوشانَ ایتا قُدرت، زمینِ عقرب ئانِ قُدرتِ مانستن فَدَه بُبوست.