موکأشفه 19:19 - کتاب مقدس به زبان گیلکی - گویش رشت و غرب گیلان

¹⁹ و اُ واشی جانور و زمينِ پادشاهانَ بيدم، کی خوشانِ لشگرانِ امرا جَما بُبوسته بید تا اونِ ضد کی اَسبِ رو نیشته و اونِ لشگرِ ضد جنگ بُکونید.

Gilaki New Testament

¹⁹ او وخت بیدِم کی او وحش، تومأمٚ دونیأ حوکومتأن و اوشأنٚ لشکرأنَ جمَ کوده کی او اسبٚ سوأر و اونی لشکر اَمرأ بٚجنگد.

کتاب مقدس به زبان گیلکی - گویش شرقی

¹⁹ و او وحشی جؤنور و زمین پادشائانه بدئم کی خوشؤن لشگرؤن همأ جیمأبؤبون تا اون ضید که أسپ سر نیشته و اون لشگر ضید، جنگ بوکونن.

موکأشفه 19:19 ပူးပေါင်းရင်းမြစ်များ

موکأشفه 11:7

هَطوکی اوشان خوشانِ شهادتَ تمانَ کودید، اُ واشی جانور کی هاویه چاهِ جا بيرون اَيه، اوشانِ مَرا جنگ کونه و اوشانِ سر حریفَ به و اوشانَ کوشه.

موکأشفه 14:9

بازون ایتا دِه فیرشته یعنی سیوّم تا فیرشته اُ دوتا پُوشتِ سر بامو و ایتا پیله اوخانِ مَرا بگفت: «اگه ایکس اُ واشی جانور و اونِ مجسمه یَ پرستش بُکونه و خو پيشانی سر يا خو دَسِ رو اونِ نیشانَ قُبیل بُکونه،

موکأشفه 16:14

چونکی اَشان ديوانِ ارواح ایسید کی نیشانه و مُعجزات آوریدی و تمانِ دُنيا پادشائانِ ورجه شیدی تا اوشانَ قادرِ مطلقِ خُدا پیله روجِ درون جنگ واسی، جما کونید.

موکأشفه 16:16

و اُ سه تا پلیدِ روح، زمینِ پادشائانَ ایتا جا جما کودید، کی عبرانيانِ زوانِ درون اونَ گیدی «’حارمَگِدّون‘».

موکأشفه 18:9

و زمينِ پادشائان کی اونِ امرا زینا بُکودید و اونِ امرا زَرق و بَرقِ درون زیندگی بُکودید، وقتی اونِ سوختنِ دودَ بیدینید، اونِ ره شیون زاری کونیدی و اونِ عزا سر نیشینیدی.

موکأشفه 19:21

و الباقی اوشان اُ شمشير مَرا کی اُ اسب سوار دهن جا بيرون اَموئی، بُکوشته بُبوستید و تمانِ پرنده ئان خوشانَ اوشانِ گوشت جا سئرَ کودید.