موکأشفه 18:11 - کتاب مقدس به زبان گیلکی - گویش رشت و غرب گیلان

¹¹ و زمينِ تاجران اونِ ره گريه خوائيد کودن و اونِ عزا سر نيشینیدی، چونکی دِه هیکّس اوشانِ بارَ نیهینه،

Gilaki New Testament

¹¹ دونیأ تأجیرأنم اونی وأسی عزأ بیگیفتٚده، زأر زأر گریه کونٚده، چونکی دِه هیکس نئیسأ کی اوشأنی جینسأنَ بیهینه.

کتاب مقدس به زبان گیلکی - گویش شرقی

¹¹ و زمین تاجیرؤن اون ئبه گیریه کؤنن و اون عزا سه نیشنن، چونکی د هیکس اوشؤن باره نهینه؛

موکأشفه 18:11 ပူးပေါင်းရင်းမြစ်များ

متّی 22:5

ولی اوشان، مَحل نَنائید و هرتا خو رائَ بُشوئید، ایتا زمینِ سر و ایتا خو کسب و کارِ ره.

یوحنا 2:16

و کوتر فروشان بگفت: «اَشانَ جه اَیا بیرون ببَرید، و می پئر خانه یَ کسب و کارِ جیگا چانکونید!»

دوم پطرس 2:3

و خوشانِ طمعِ راه درون، دوروغِ گبانِ مَرا، شمرأ غارت کونیدی. اَشانِ محکوم بوستن کی پیشتر تعیین بُبوسته، بیکار نینیشته و اوشانِ نابودی نُخوفته!

موکأشفه 18:15

و اَ بارانِ تاجران کی اونِ امرا پولدار بُبوستید، اُ عذابِ ترسِ جا کی اون کِشه، دورادور ایسیدی و گریه کونیدی و پیله شیونِ مَرا

موکأشفه 18:20

اَی آسمان اونِ ره شادی بُکون! اَی مقدّسین و رسولان و پیغمبران اونِ ره شادی بُکونید! چونکی خُدا شیمی تقاصَ اونِ جا فیگيفته.»

موکأشفه 18:23

و چراغ نور دِه تی درون نخوائه فتاوستن؛ دِه هی عروس و داماد صدا تی جا به گوش فائنرسه. چونکی تی تاجران زمینِ پیله کسان بید، و تمانِ ملتّان تی جادو مَرا گُمراه بُبوستید،

موکأشفه 18:3

چونکی اونِ هرزگی هوا و هوسِ شراوِ جا، تمانِ ملتّان بُخوردید. و زمینِ پادشاهان اونِ امرا زینا بُکودید، و زمینِ تاجران اونِ زیادی زَرق و بَرق جا پولدار بُبوستید.»

موکأشفه 18:9

و زمينِ پادشائان کی اونِ امرا زینا بُکودید و اونِ امرا زَرق و بَرقِ درون زیندگی بُکودید، وقتی اونِ سوختنِ دودَ بیدینید، اونِ ره شیون زاری کونیدی و اونِ عزا سر نیشینیدی.