موکأشفه 17:11 - کتاب مقدس به زبان گیلکی - گویش رشت و غرب گیلان

¹¹ اُ واشی جانور کی ايسابو و الان نئسا، هَشتمی پادشاهِ. اونَم هو هَفتا شینِ و هلاکتِ سو شه.

Gilaki New Testament

¹¹ او سورخٚ وحش کی ایتأ زمأت ایسأبو، هشتومی پأدیشأیه کی پیشتر ایتأ جٚه او هفتأ پأدیشأ بو کی حوکومت کودی. اونی دویُمی حوکومتٚ دؤره پٚسی، اونم جٚه بین شِه.

کتاب مقدس به زبان گیلکی - گویش شرقی

¹¹ او وحشی جؤنور کی ایسأبو و ألؤن نیسأ، هشتمی پادشاهه. اونم هو هفت ته شی ایسه و هلاکت سو شنه.

موکأشفه 17:11 ပူးပေါင်းရင်းမြစ်များ

موکأشفه 13:10

اَگه قرار بِبه ایکس اسیر بِبه، اسیری ره شه، اَگه قرارِ ایکس شمشيرِ امرا بُکوشته بِبه، بایستی شمشيرِ مَرا بکوشته بِبه. و اَن مقدّسینِ پایداری و اوشانِ ایمانَ خوائه.

موکأشفه 13:12

اون، اولتّا واشی جانورِ تمانِ اقتدارَ بجایِ اون بِکار گیفتی، و زمين و اوشانی کی زمینِ سر ایسائیدَ، زور کودی کی اولتّا واشی جانورَ کی اونِ کوشنده زخم خُب بُبوسته بو، پرستش بُکونَد.

موکأشفه 13:3

ایتا جه اُ واشی جانورِ کله ئان، انگاری ايتا کوشنده زخم اوساده بو، ولی اُ کوشنده زخم خُب بُبوسته بو و تمانِ زمین ماتا بوستید و اُ واشی جانورِ جا پیروی بکودید.

موکأشفه 17:8

اُ واشی جانور کی بيده ئی، ايسابو، الان دِه نئسا، و خَیلی زو هاویه چاهِ جا بیرون اَیه و هلاکتِ سو شه. و اوشان کی زمينِ سر ایسائید کی اوشانِ نام دُنیا بنا جا دفترِ حیاتِ درون بینویشته نُبوسته، اُ واشی جانور دِئنِ جا حیرانَ بیدی، چونکی اون ايسابو، الان نئسا، و خوائه اَمون.